السلام عليكم ورحمة الله وبركاته
بسم الله الرحمن الرحيم
/
/
رحلتي إلى بآريس العجآئب ~ 17-7 إلى 26-7 ~ 2010 ~
معلومات سريعه عن البلد وعن رحلتنا
الرحلة كانت الساعه 4:00 الفجر من مطار الدوحة الدولي إلى مطار شارلز دي قول والوصول كان الساعه 11:00 صبآحاً
طبعاً انا ماابي اخلي موضوعي تقليدي واحط لكم صور المطار والطياره وانا راح ابدء من خروجنا من مطار شارلز دي قول
طبعاً جانا السايق حوالي 45 دقيقه من المطار لباريس وبالتحديد لادي فانس المنطقه اللي ساكنين فيها
نبدء بسم الله ,,
الخطوط الناقله : الخطوط الجوية القطرية
وجعت نظري أفضل خطوط العالم مب مجامله لكن حقيقه خدمه ولا في الأحلام حقيقه جميلة وحلوة الطياره
التكلفه : 4300 ريال ذهاباً وإياباً الذهاب لي فرنسا والعوده رجعنا من لندن لأرض الوطن
شركات الإتصالات المعروفين في فرنسا , شركة اورنح و SFR
انا اخترت SFR يعني مب لشي لكن مريت صوب المحل وخذته
لكن حقيقه إرسالهم لديزني لاند ويعني ..وأسعارهم غاليه يدوب تكلم كم دقيقه
ويخلص منك الرصيد ولين تبي تعبي يالله تحصل مكان تشتري كرت التعبئة
القطرية طيرآنك المفضل ذو الخمس نجوم ,,
وهذا المسار من الدوحه لين باريس ~
وهذي الصوره فيها تقريباً أهم مافي بآريس ,,
1 : لادي فانس المنطقه اللي سكنه فيها بتطرق لتفاصيلها بعدين
2: شارع الشانزليزيه يبدء من قوس النصر لين دوار الكونكورد
3: متحف اللوفر متحف أقل مايقال عنه اكثر من رائع
4:منطقه نوتردام او مايسمى بالحي اللاتيني حقيقه منطقه جميله وفي مطاعم حلال
5: هضبة المونامارت هضبة حلووة وفي قمتها كنسيه
6:لافيت او مايسمى القاليري لافيت هذا مكان فيه تقريباً كل الماركات العالمية من شناط وساعات وملابس والخ ,,
7: برج أيفيل أكييد اشهر من النار على علم حقيقه تعيش احلى الأجواء هناك ..
الحين لحظت ماوصلنا المطار في فرنسا وركبنا مع السايق طبعاً احنا اتفقنا مع السايق من الدوحه
والحيين آحنا في الطريق رايحين للفندق اللي هو سوفتيل لادي فانس ~
وهذا كآرفور في الطريقة ع السريع صورته ..
والحين وصلنا للفندق ماصورت اللوبي كان زحمه جداً والفندق حصل على خمس نجوم
من عام 2009 حسب اللي اعرفه والفندق هو يبعد من الشانز حوالي 3 كيلو بالمترو توصله
خلال 5 دقائق سعر 700 ريال الليله طبعاً اخذنه من مكتب عندنا في الدوحه في تقريباً 3 من العرب يشتغلون في الفندق
في الإستقبال وفي وحده عربيه تشتغل في المطعم ..
صورت غرفتي بالطابق الثامن وهو اخر طابق في الفندق ~
وهذي صور الغرقه من داخل الغرفه صوره التلفزيون والمكتب~
بعدين رحنا نآخذ لفه صوب المنطقه هذي بعض الصور
هني صورة برج إيفل يبين من صوب منطقتنا ~
هني صورة قوس النصر وهو بدايه شارع الشانز ~
وهذي صوب منطقتنا ~