أهلاً هويت السفر..
فى الانتظار

حياك الله هويت السفر .. المهم أنك انبسطت في مدينة الرخا والشدة ..

الحمد لله على السلامة
واحنا في انتظارك

ننتظرك الف شكر لك

الحمد الله على سلامتك
وننتظر تقريرك

تحيه لكم جميعا بدأت الرحله من مدينه الرياض وكان الاقلاع الساعه 12 ونصف على الخطوط السعوديه وصلنا جده الساعه الثانيه الا ربع وكان معى فى الرحله العائله التى فضلت جده هذه السنه للسفر وصلنا المطار والحقيقه ان الشى المتعب فى المطار هو السلم والنقل عبر الباصات المهم وصلنا الصاله الداخليه واخت ليموزين لمقر السكن وطبعا ليس معنا عفش لشحنى للعفش فى السياره مسبقا طبعا وصولنا كان متاخر ففضلنا الجلوس وعدم الخروج بعدها ارتحنا قليلا ونمنا فى اليوم الثانى ذهبت مبكرا لشركه الشحن وهى قريبه من السكن فى شمال جده قرب سور المطار وهى بصراحه شركه نقل ممتازه جدا ومدرى عن نظام المنتدى هل يسمح بكتابه اسم الشركه كان كتبت اسمها لتعم الفائده المهم استلمت السياره ورجعت للسكن ونزلت العفش وارتحنا للعصر ثم بداءنا برنا مجنا السياحى و خلوكم معى يا احبه

بعد العصر اخذت الاسره واخذنا غدنا من مطعم البيك القريب من السكن واتجهنا للبحر فى جلسه رائعه جدا حتى الساعه التاسعه والحقيقه كورنيش جده روعه ولكن الملاحظه هو عدم توفر دوورات المياه فيه اعزكم الله عند التاسعه وبا الاتفاق مع ام العيال توجهنا الى ملاهى الشلال على الكورنيش قيمه التذكره دحول فقط 20 ريال بدون العاب دخلنا وكان فيه عرض قرقه تزلج عالميه استمرت لنصف ساعه وهى بصراحه ممتعه وشيقه وعملوا عرض مره اخرى الساعه الواحده ليلا ويوجد بجوار صاله التزلج جلسات عائليه تشمل مطاعم وكوفى شوب جميله بعد مشاهده العرض توجهنا للساحه الحارجيه وكان فيها حفل مسابقات وجوائز بانورما برعايه الاتصالات السعوديه والحقيقه ان جوائزهم فعلا قيمه منها مثلا جهاز كونكت قيمته الف ريال وايضا من الجوائز اقامه ست ايام فى شرم الشيخ وكانت مسابقات جميله شامله الرجال والنساء وبعد المسابقات اتجهنا الى الالعاب والملاحظ ارتفاع سعر الالعاب يعنى بعض الالعاب تصل الى 12 ريال اما ركوب القارب فا التذكره 30 ريال وهذا فى تصورى غالى المهم ام العيال غصبتنا وشرينا تذاكر القارب وركبنا طبعا 30 ريال لمده ربع ساعه فقط ؟؟؟؟؟ بعد ذللك توجهنا للصاله الداخليه لمشاهده العرض التزلج من جديد الذى بداء الواحده ليلالمده نصف ساعه تقريبا بعد ذللك طلبنا العشاء من مطهم البيتزاء الموجود فى الصاله وسعره نوعا ما معقول بس الملاحظ هو قله المطاعم داخل الشلال مقارنه با لمراكز التجاريه الاخرى يوجد ايضا فى الدور الثانى جلسات عائليه روعه يقدم فيها الشاى والقهوه والاكلات الخفيفه والكيك وايضا المعسلات وبصراحه اكلهم راقى جدا بس الملاحظه ان عندهم شرط المنى شارج يعنى فيه احد ادنى للطلبات وهذا قد يكون فيه كلافه على بعض العوائل بصراحه ذكرت بعض مطاعم بعض الدول العربيه اول ما اجلس يقولى منى شارشج على طول ؟؟؟المهم بعد الاستراحه وعند الساعه الثالثه ليلا خرجنا وتوجهنا لمقر السكن وبصراحه الشلال ممتع ويستحق الزياره بس اللى يبى يروح يروح له بدرى عشان مشكله قله الواقف اللى فيه يعنى الواحد يروح له بعد العشاء مباشره اوحتى قبل يكون احسن وبهذا نكون انهينا برنا مجنا لليوم الاول وان شاء الله اتابع معكم بقيه ايام الرحله مضيفا بعض المواقف المحرجه والمضحكه اللتى حصلت واشوفكم على خير

الحمد لله على السلامة
واحنا في انتظار بقية التقرير

وعليكم السلام
وفعلا مشكلة جدة قلة الخدمات اللي فيه ،يبغاله شوية ترتيب واهتمام
متابعين التقرير وان شاء يكون انطباعك جيد عن جدة