donat
15-07-2022 - 03:41 am
السلام عليكم
احنا عايلة كبيرة انا وزوجي و 5 ابناء اعمارهم (18-14-10-4-2)
ودنا هالصيف نروح امريكا و نأجر سيارة نستلمها بالمطار و نركب الجارمن (gps) و ننطلق بين الولايات بس ما عندي فكرة عن افضل الولايات بالنسبة للترفيه و التسوق و الفنادق اللي ممكن تكون مناسبة لعددنا.
ياريت تفيدوني بخط سير للرحلة بالتفصيل علما بان مدة الرحلة اقل من شهر ممكن 21 يوم او اكثر شوي حسب الميزانية.
تروحون بالسلامه .. الفكره حلوه لكن التنقل بين الولايات بحثا عن الاماكن الترفيهيه مع هالعدد من الابناء صعب ..
يعني انتو تقدرون تاخذون سياره من مطار ميامي .. وتشوفون ميامي ومنها تنطلقون الى اورلاندو .. بعد 3 او 4 ليالي في ميامي .. اورلاندو اهيا المدينه الترفيهيه الاولى في امريكا .. فيها حدايق ديزني .. ويونيفرسال والسي ورلدز .. وعندج بعد قريب منها حديقة البوش قاردن .. لتغطيتهم جميعا يبيلكم اكثر من 11 يوم بس للحدايق بدون المجمعات والسوق ( وسوقهم اينن) .. هذي اذا قدرتو تضغطون على نفسكم وتروحون ورى بعض .. لانه اعمار الاولاد الله يحفظم مختلفه مابتقدرون تضغطون اكثر من جذي ..
نصيحتي .. لو تبون تطلعون من فلوريدا .. فتقدرون تشوفون نيويورك و فيجاس مثلاً .. الاولى اول شي والثانيه فالنهايه وكل وحده منهم يبيلها 4 ايام .. لكن يبيهم طياره داخليه ..
تحياتي