عائد للسفر
31-01-2022 - 08:07 am
فكرة حلوة ياخوي الشاب انك نقلت الاستفسارات هنا والاجابة لكل شخص على حدة والله انها اريح لنا ولك..
وهذا جينا معاك يالشاب الى هذا القسم الخاص للاستفسارات وشكلنا بنغير مقولة معاك يالاخضر وبنخليها معاك يالشاب
عموما اطلعت على ردك الاخير عن استفساراتي وماقصرت كفيت ووفيت..
بودي الحين اكمل حديثي معك في عدة امور..
فالبداية دار نقاش بيني وبين زملائي اللي بسافر معهم عن الفنادق وانهم مايسكنون 3 اشخاص في غرفة وحدة؟؟وودي اسألك هل يسكنون 3 اشخاص في غرفة وحدة؟؟ واذا يسكنون كم المبلغ اللي يضيفونة؟؟
وبالنسبة للمكتب اللي في الرياض وعندة اسعار ممتازة ياليت انك تعطيني اسمه ورقمة عشان اقدر اخلي احد يشيك علية او اروح بنفسي اشيك علية؟؟
بالنسبة للموضوع الاهم وهو عن الجدول اللي ودي انك تنظمة لي لزيارة الاماكن السياحية، ياليت تعطيني الجدول المبدئي عشان اتناقش انا معك فية بحيث اذا بغينا نحذف او نضيف شي، ارجو انك تكتب لنا بحيث مثلا: اليوم الاول في ماربيا نروح هينا وهينا واليوم الثاني كذا وكذا فهمت علي؟؟ وعلى هالمنوال وبدون ان تكتب الاماكن السياحية بالاسباني لمن نتفق على الجدول انا معك؟؟
اذا بتسألني احنا ايش نحب؟؟ فأحنا نحب نزور كل شيء اسواق ومتاحف وملاهي أي شيء جميل لكن كل شيء مرة وحدة يعني مثلا نزور متحف واحد او اثنين في المدينة وليس كل المتاحف؟؟
وابغى تقولي كل مكان كيف نذهب له مثلا مشي او بسيارة او بالقطار وكم تكلفة التقديرية لكل مشوار؟؟
شكلي عقدتك؟؟ ياخوي سو اللي تقدر علية على راحتك ويقول سبحانة(لاتكلف نفس الا وسعها) واحنا مانبي التعب لك اللي تقدر علية من اللي طلبتة سووه..
انتظر ردك الشافي والوافي يالغالي عشان نبدأ بالحجوزات النهائية
واسف على الكاتبة الاية بالخطاء للسرعة والاية هي (لايكلف الله نفسا الا وسعها)..