عاشق الخيل
23-06-2022 - 02:20 am
بسم الله الرحمن الرحيم
موضوعي يمكن بيكون مشابه لأغلب المواضيع المجوده في هالقسم ((تعامل اخوانا السوريين)) للخليجين.
للعلم كنت ذاهب للمشاركة في سباق الخيل للقدرة والتحمل لان اللجنة المنظمه هي لجنة دبي.
في تاريخ 16-5 -2007 سافرت على خطوط طيران الامارات من دبي متجه الى دمشق وبعد وصولنا لدمشق بالسلامه الحمد الله ونزولنا لكي نختم الجوازات شفنا ربعنا من اللجنة ورحنا معاهم والمسأولين الي في المطار خذوا جوازاتنا لكي يخلصونها ويختمونها ونحن انتظرنا في صالة الضيافة وبعد ماضيفونا وشربونا القهوة والشاي طلعنا من باب المطار بكل سهولة الحمد الله وكان ينتظرني صديقي وهو قبلنا كان متواجد في سوريا وذهبنا الى مطعم القرية الي هو قريب من المطار عشان نتغدى وطبعاً انا مستغرب طلبت قائمة الطعام وقالي ماعندنا المهم طلبنا وطبعاً جاب صحن كباب وصحنين ارز وسالته قلتله ليش صحنين ارز قال هذا يجي مع الطلب والله مستغرب انزين جيب صحن واحد بس يالله ماعليه المهم الفاتوره وصلت واندفعت .. وبعدها رحنا مع صديقنا وكان قاعد في شقة في منطقة البرامكة وكان متفق مع شخص عند وصولنا سوف يتم تغير الشقه لشقه في منطقة اخره وكبيره وتم الاتفاق على هذا ولاكن:-
بعد وصلنا الى دمشق ومتجهين للشقة الجديده ولا نتفاجئ ويقول لنا تاجرت خلاص يعني ماعندهم كلمة رجال قلنا ماعليه نرجع للشقة الي كان ساكن فيها صديقنا ونريح شوي ونشوف بعدها مكان.. واتصلنا في فندق الفور سيزن لاكن للاسف ماكان شيء حجز لان ماشاء الله في هاليومين سباق الهجن ومنظمنتنه دولة قطر والخيل منظمتنه دبي يعني الفندق ماشيء مكان المهم قلنا بنقعد في الشقه لمدة يومين.
وفي يوم الخميس 17-5-2007 رحنا موقع السباق لنتفقد المسارات ونشوف الخيل ونحن بنستأجر خيول من عندهم لان ماخذنا خيلنا وفقط كنا نبغي نشارك ونغير جو وليس للمنافسه او غيره.
نحن عندنا واحد سوري يشتغل عندنا في الاسطبل وخليناه يروح قبل شهر من السباق ليش وخيل عدلة نركبها ولاكن للاسف طول هالفتره ماحصل الا خيلين ولاكن للاسف مبالغ في السعر كثير يعني بهذا السعر اتوقع اشتري احسن 3 خيول عندهم وبعدها مارضيت وبعدنا استاجرنا اي خيل عادية فقط مثل ماقلت للمشاركة والحمد الله حصلنا على خيلين واتفقنا على المبلغ ولاكن اتفاجئ بعد السباق بانه يطلب ضعف الي متفقين عليه لاني كنت متفق معاه بالدولار وهو قال لاء انا اتفقت معاك بهذا المبلغ بالليرة وحصلت مناوشات بيني وبينه وقلت ماراح اعطيه الي يطلبه مني وبعدها اكتشفت انه صاحبنا السوري الي يشتغل معانا هو الي مسوي كل هذا وقلتله انا بعطيك المبلغ ضعفه ولاكن بكتب عنك تقرير لمدير الاسطبل وبتتفنش وتاجع في كلامه بهذا التهديد لان لو يقعد يلف العالم كله ماعتقد يحصل نفس الراتب الي يعطونه والمميزات الي يحصلها على ولا شيء فقط للمساعده من انسان يحب الخير المهم من بعدها ماكنت مرتاح لسوريا لا انا ولا ربعي وقلنا بنرجع في نفس اليوم بعد السباق وهو كان يوم الجمعه ولاكن جميع المحلات مقفله في هاليوم وانتظرنا لين يوم السبت ومن الساعه 8 صحيت لتغير الحجز لاني كنت حاط في بالي اني اقعد اكثر للسياحه ولاكن للاسف ماقدرت وذبحونا في المطاعم مليون واحد قاعد على راسنا والله مسكت واحد قلتله مابقى الا الي يطبخ(( الشيف)) يجي بعد من القهر.
وبعد ذهابنا للمطار دخلنا عند الجوازات طلب منا العسكري ان ناخذ طاب وسالناه وقال لنا 3 = 600 ليرة ومن دون اكرامية عادها يمكن اكثر من اربع مرات المهم ماكن عندنا غير 1000 وقلنا اوكي 400 خلهم لك بس نروح نشوف الطياره وبعد مادخلنا بخطوتين عسكري ثاني يطلع امامنا ولاكن قلت ماراح نعطيه شيء وقعد دقيقة يمكن يطالع الجوازات ويطالعنا وهو ساكت وعقب قالنا تفضلوا ويطلعلنا واحد ثاني ويقولنا رايحين دبي قلناله هيه نعم قالنا من هالجهة وقعد يلحقنا ولاكن ماعطيناه شيء وبعدها عسكري يتاكد من الجوازات الي قبل دخول الطياره بعد شاف الجوازات ورحب فينا قام يحمحم ولاكن شفنا تفتيش اخر امامنا نفس الشيء ولاكن الحمد الله دخلنا على خير.
بختصر كل هالموضوع الي كتبته والي ماله اي هدف منه سو ان سوريا دولة استغلالية رقم 1
والله بصراحه مارتحت لها واعتقد هذه اول وآخر مره ازورها ان شاء الله
بصراحه كنت حاب اغير نظرتي الي كانت في بالي ولاكن لاجديد
والجيدين الي شفناهم هناك ينعدون ع الاصابع والنعم فيهم
وهذه اشاء بسيطه الي كتبتها وفي اشياء ماحبيت اكتبها عن النصب الآخر واكتفي بهذا الاشياء
والله يعين الي بيروحلها ومب متعود على تعاملهم واسلوبهم
الحمد لله على سلامة الوصول الى اهلك سالم وغانم ، وعساكم فزتوا في هذا السباق ، اما تعامل الناس فهو يختلف من دوله الى اخرى ومن شعب الى شعب ، واتمنى ان تأخذ انطباع طيب عن ( سوريا) الحبيبه وتقبل تحياتي ،،،،،،،،،