1. السلام عليكم و رحمة الله و بركاته


2. الحمد لله وصلنا بالسلامه من استراليا قبل يومين

السلام عليكم و رحمة الله و بركاته

الحمد لله وصلنا بالسلامه من استراليا قبل يومين

أحب اشكر كل الاعضاء اللي استفدت منهم و من خبرتهم لما سافروا قبلي .. صراحه الشكر قليل عليكم لانكم ما قصرتوا و لا بخلتوا علينا بأي معلومه و حاولتوا تساعدون قد ما قدرتوا.. والله اني صجيت اهلي من كثر ما اتكلم عنكم و امدح فيكم لدرجة اني سويت كتاب مجلد و بسلك عن كل تجاربكم و اخذته معي هناك
حبيت استراليا من قبل لا اروح لها و لما رحت لها حبيتها اكثر و اكثر .. حبيت جوها و اهلها و طبيعتها و الاماكن الحلوه الي فيها و حبيتكم انتم بعد لانكم علمتوني عليها
قعدنا بسدني 5 ايام و بجولد كوست 12 يوم و برزبن يومين واخيرا ملبورن 5 ايام .... و الحمد لله ان توزيع الايام كان بهالشكل لان من جد كل مدينه اعطيناها حقها
اكثر شئ عجبني سدني .... من جد ما تنوصف خصوصا الدارلنج هاربر و صادف وجودنا هناك مظاهره على هيروشيما و شاركنا معاهم و صرنا بقلب الحدث على قولة ابوي .. اتوقع طلعنا بالاخبار
اما برزبن فهي مدينه هاديه و نظيفه ، تنام بدري و تصحى بدري و تحسون كل الي فيها جاي لدراسه لان فيها جامعه حلوه
و بالنسبه لميلبورن فهي شبيها بسدني لكن سدني احلى .. الحلو فيها التسوق. والله ما كنا حاطين في بالنا نتسوق بس الشوارع و المحلات مغريه و الاسعار فيها الرخيص و فيها الغالي. و رحنا تزلجنا على الجليد... هذاك اليوم كان روعه
و بالاخير بتكلم عن جولد كوست.... أول ما وصلناها ضاق صدري مره.. حسيت نفسي كأني في بلد خليجي ، في الصباح نشوف اجانب بس بالليل ينقلب المكان خليجي و هذا الي ما عجبني في الموضوع .. انا ما ودي تفهموني غلط بس من جد مو هذا الي كنت اتمناه لكنهم في النهايه حبيبين و خفيفين ظل بعد. لكن الحمد لله مع الايام بديت احبها خصوصا اني قابلت صاحباتي و تعرفنا على بنات سعوديات و صرنا نروح و نطلع معاهم ......... بس ترى المدينه حلوه و جوها مثل ما ابي لكني تفاجئت بالعرب الي هناك و هذا معناها انهم يزيدون كل سنه
أحس اني طولت عليكم بس والله احس للحين عندي كلام كثير و سوالف و اخبار
أحب اشكركم كلكم مره ثانيه و اسفه على الاطاله