السلام عليكم
ذهب إلى سريلانكا بتاريخ 11/9/2014
ورجعت بتاريخ 25/9/2014
البلد أمن جداً 100%
ومناظرها جميله ورائعه
وطبعاً جلست بكاندي 15 يوم
وزرت مصنع الشاي و ميتم الفيله
كان أحلى شي في رحلتي لمن شفت الفيل قدامي
وما أعرف كيف أنزل الصور
وأشكر أخي أبن فطفوطه على النصائح
كان معي ملازمني طول الرحله عبر الوات ساب
سألته أسأله كثيره وما قصر معي بصراحه
جاوبني على كل شي بصراحه
أشكره من أعماق قلبي
ومن هذا الموضوع أشكره
الفندق أسمه Stllen Inn 2
حجزت من بوكينق 15 يوم ب450 دولار يعني 1800ريال
وكان أستقبالهم لي جداً رائع
أبتسامتهم جميله ورائعه الخدمه جميله
الفطور بالفندق ب450 روبيه يعني 3 دولار
والغداء ب800 روبيه و العشاء 850 روبيه
رحله جميله ورائعه بصراحه
بس أكره شي فيها إذا شافوك تدخن جاوا وطلبوا منك حبه
اللي يدخن جيب دخان من بلدك أو أشتره من سوق الحره اللي بمطار كولومبو
أحسن لك لان سريلانكا ما عندها إلا قولديف دخانهم فقط
ولا تطلع دخانك قدام ناس لانه يمكن راح يخلص -__-
ويوم أني رجعت المطار قلت للعسكري أبي أدخن وباقي على رحلتي
3 ساعات قال لي عطني بكت دخان وأخليك تدخن بمكان -__-
عطيته من دخاني بارلمنت بكت واحد وخلاني أدخن طول 3 ساعات بنفس الغرفه ^_^
تعامل الخطوط السريلانكيه جميله داخل الطائره
أما الشنطه اللي بشحن كنت مقفلها بأحترام من مطار الملك فهد
لمن وصلت كولومبو لقيتها من الجنب مشقوقه ومفتوحه -__-
طبعاً سريلانكا راح أروح لها كل سنه خلاص قررت لانها أعجبتني كثيراً بصراحه
الرحله كامله كلفتني من دون التذاكر 6000 ريال فقط لشخص واحد
فله وناسه وبارتي فطور و غداء و عشاء ^__^
طبعاً لمن تصرف 100 دولار يعطونك 12850 روبيه فقط
وأنصح كل من يبي يسافر سريلانكا يحول فلوسه من بلده بدولار
وإذا رحت سريلانكا حول قد ما تحتاج فقط
يعني أول يوم من وصولك أصرف 100 دولار بعملتهم يعطونك 12850 روبيه
وشوف هذا المبلغ كم يقعد معك ^^
مجرد نصيحه هذا اللي سويته أنا ونجحت الخطه ^__^