1 يوم في الجبل تزور سفاري والشلال وحديقة الورد و2 يوم في باندونق وتزور البركان والمياه الحاره ومعارض الجلديات والاحجار و2 يوم في جاكرتا تزور انتشول وعالم البحار ودنيا فنتاسي وتمان مني(اندونيسيا المصغره) ومنقا دوا للتسوق..........مع تمنياتي لك برحله سعيده

5 أيام ما أنصحه يزور جاكرتا لأنه بيضيع في زحمتها طبعاً مو أخوك اللي يضيع أقصد الوقت .
وإذا أصر على زيارتها لا ينسى يفيز لها .
وبيني وبينك مالها داعي الغربلة علشان 5 أيام .

على ماقال ابوجتنج
ماتسوى عليه و بيتعبون على غير سنع

عزيزي الريامي .. ياهلا بك ومبروك زواج اخوك الكريم .. , ..
ياليتك حددت مواقع الصور اللي جننت اخوك في اندونيسيا لنتمكن من تنسيق الخط للرحله كون جاكرتا العاصمه في نظري لا تناسب العرائس سوى فقط في المجمعات الفخمه .. اما من ناحية راحة بال ونقاهه لا اراها مناسبه ولا تسوى العناء كما ذكر المشرف الوسيم saya ganteng ..
الا اذا كان ملزم فبإمكانه السكن في جاكرتا ويطلع يوم الجبل بونشاك يلفه بجميع ملحقاته سفاري حديقة الزهور والغداء في مطعم ردن علم ويعود جاكرتا ..
واليوم الثاني زيارة انشول وعالم البحار ومجمع مانقادوا .
اليوم الثالث زيارة شاطي انيور والبقاء فيه حتى المساء والعوده .
اليوم الرابع مجمعات واسواق تامان انقريك - بلوك ام - مجمع سانايان وحظور فلم سينمائي ان حب ذلك في سانايان .
اليوم الخامس عوده .
اقتراحي البسيط ان يذهب من سنغافورا على ماليزيا مع تنسيق خط رحله من خبراء ماليزيا للعرائس لقربها اولاً ولعدم طلب فيزا مسبقه ولوجود الفارق بين العاصمتين والمناطق المجاوره لها .
وبالتوفيق ان شاء الله

مرحبا أخواني،،،
توني قايم من النوم وكله بسبب أخوي المستعجل على الرد
المهم ما قصرتوا يا الشباب ...
أخوي marmar برنامجك حلو وايد ...بس ما ذكرتلي الفنادق واشلون التنقلات ترا ما بغيت أخوي يتوهج مع زوجته هناك ... ما علي أخوي ترا أخوك الريامي بيتعبك معاه شوي ...
أخواني saya ganteng ورادن صالح (ايش معنى رادن).. مشكورين على النصيحة وتراني على رايكم لأنه أحس ان اندونيسيا يبيلها أكثر من خمسة أيام بس وراح أبلغه بنصيحتكم وما تقصروا...
أخي العزيز ماشMacanال (ذكرتني بالهندي السواق Macan )
المهم مشكور على الرد وبرنامجك هم حلو بس لو ما فيها تعب بغيتك تذكرلي الفنادق المناسبة ووسيلة النقل ... ونصيحتك مشكور عليها ونصحوني الأخوان من قبل وترا بوصلها لأخوي وراح أشوف قراره وبالنسبة لماليزيا هم زينة وانا رحتها من قبل وراح بوصل النصيحة لأخوي ونشوف الرد منه وهو ترا أخوي الصغير وما يهون علي أنه يتعب بهالرحلة مع زوجته وانا بغيته يحدد برنامج رحلته ويكون مستعد...
وما تقصرون أخواني ...

اخوي الرياحي في الجبل هناك عدة مجمعات فلل مثل(بريتا-قولف-جياكرتا) والافضل لصاحب الاسره ياخذ فله شخصيه وهذي تجدها عند مكاتب الجبل........اما باندونق الافضل حياه رجنسي وهناك هولدي ان وسانتيكا...في جاكرتا هناك عدة فنادق وكل وسعره بس الافضل شنقريلا وموليا.....وهناك فنادق ارخص وهي ممتازه مثل شمباكا بوتي واكاسيا وسانتيكا .....اما التنقل فالافضل ايجار سياره بسوق وهي من 250 الى400 الف ربيه حسب الموديل وعلى من يكون البنزين

عزيزي الريامي .. الموضوع سهل جداً ولا يتطلب ذلك الهم وانشغال البال الذي انت فيه حرصاً على اخونا المعرس الصغير .. مع تمنياتنا له بالسعاده والهناء .
بالنسبه للفنادق في جاكرتا الاخوان ماقصرو حددو لك العديد منها واضيف اليها فندق http://www.paradises-ink.com/asia.members/indonesia/accommodation/ciputrajakarta.cfm ممتاز وهو السكن الرسمي للخطوط الكويتيه وبعض خطوط الطيران العربيه .. ويوجد في نفس الفندق مجمع تجاري فخم 5 طوابق واربع دور سينما ومطاعم .. ووبجواره اكبر مجمع تجاري في جاكرتا " Taman Anggrek " . لايفوته .
وان كنت ارى انه عند وصوله مطار جاكرتا وقبل الخروج يعدي على مكتب كاها للفنادق ويختار مايناسب امكانياته من المعروض السابق .
وبالنسبه للسائقين والمشاوير هناك ارقام العديد منهم المشهود لهم بالامانه وصدق المعامله في بعض المواضيع بأمكانه التنسيق مع احدهم انتظاره بالمطار .
اتمنى ان تكون وضحت بعض الصوره ... وبالنسبه ل " رادن صالح " فهو اسم عائله كبيره في اندونيسيا بالتحديد جاوا ومن ابنائها الشيخ صالح المسمى به الشارع المذكور في جاكرتا ...
هنا طال عمرك التشبيه الصح ماهو " سواقكم الهندي الله يسامحك
واخونا هنا " رادن صالح "مع تقدير واحترامي قد يكون له سبب او رأي اخر ,, الله يعلم
تحياتي لك وللجميع وحاضرين بأي استفسار

ما راح ازود على الشباب بس احرص على السكن في فندق كروان بلازا تراه فيه تخفيض خاص للسعوديين يعني ب 45 دولار يعني 170 ريال طبعا هذا في جاكرتا . لا يدوخ راسه لانه مناسب للعرسان . وفخم ويواجه بصراحه .
اما في الجبل يسكن في فندق (برميتا علم ) وانصحك لا يسكن في فلل لان ما فيه نظافه كافيه والسكن فيه تقريبا بقيمة 100 ريال ويحرص ان تكون النافذه على الجبل مباشرة .
اذا هو يحب البحر يسكن في فندق انشول في وسط دنيا فنتازيا تراه مسكت.
ونصيحه اخرى ياخذ سواق طول الرحله ولا ياخذ تكاسي عشان يفتك من التعب .
ملاحظه... جميع الحدائق والملاهي تكون فيها فعاليات ومهرجانات يوم السبت والاحد .
واذا تبي النصيحه المسكته ينصى ماليزيا وهو مغمض لان اندونيسيا من وجهة نظري لا تصلح للعرسان بل للي متزوج له فتره لانها تبي مشي وقومت صبح .