المخطط ممتاز
ماء شاء الله
بس ممكن تظيف مدينة سالزبورغ ليلتين
وتنقص من زيلامسي

السلام عليكم ورحمة الله وبركاته ::
حياك الله اخوي .
بس لو ممكن تعديل بسيط على المسار ..وهي اضافة مدينة الالعاب اليوروب بارك الى المخطط .
لسببين :
باريس انترلكن مشوار ..ومافي شي مميز تزوره في الطريق وخصوصا ان معك سيارة .
فيبقى اقترح عليك انك تروح بالقطار من باريس الى فرايبورغ الالمانية ..ومنها تستلم السيارة وتروح لليوروب بارك القريبة جدا منها .
استلام السيارة من مدينة فرايبورغ الالمانية وتسليمها في ميونخ الالمانية ..يجنبك ضريبة استلام وتسليم السيارة في دول مختلفة .
قيمة تذاكر القطار من باريس الى فرايبورغ 89 يورو للشخص الواحد .
من موقع القطارات الالمانية .
وراح يكون المخطط المقترح كالتالي :
باريس ثلاثة ايام
اليوروب بارك يومين
انترلكن اربعة ايام
زيلاميسي اربعة ايام
ميونخ ثلاثة ايام
واذا بتقول لي راح اروح الديزني في باريس ..اقول لك ابدا مافي مقارنة ..اليوروب بارك احلى بكثير .
على العمموم وجهة نظر .
===========
بالنسبة لمخططك ..جميل ..وفي انشطة حلوة راح تسويها .
لكن نصيحتي لا ترهق نفسك بالمشاوير الطويلة .
كفاية مشوار انترلكن زيلاميسي .
على العموم ..استخير وشاور ..والله يكتب لك اللي فيه الخير .
وبالتوفيق

Medo
بس انا مخصص 3 ايام لالمانيا اقدر ازور فيها اليورب بارك ، ماودي اقعد كثير بالمانيا ، تسلم علي الاضافه

اخوي اذا قصدك عشان التأشيرة ..ممكن تسوي حجوزات مستردة ..
لكن المانيا ..والله العظيم انها من الدول اللي الواحد يشتاق يروح لها .
تقوللي ليش ؟ اقولك حاجات كثيرة .
على العموم انت بالخيار .
واليوروب بارك موقعها استراتيجي ..في نقطة تلاقي ثلاثة دول ..المانيا وفرنسا وسويسرا
وبالتوفيق اخوي