adel0998
03-07-2022 - 03:59 am
السلام عليكم ورحمة الله وبركاته
اخواني الكرام
انا ان شاء الله رايح فوكت بعد غد في يوم 14 اوقست
واباخذ رايكم عن الرحلات السياحية وش الاماكن اللي اروحله ادري ان فيه مكاتب سياحية بس ابي ترتيب للرحلات وش اللي ابدى فيه يعني بعد اذنكم ابي ترتيب لبرنامج لمدة سبع ايام برنامج مقترح من فضلكم واسعار الرحلات انا سوف اسكن ان شاء الله في جريس لاند وش راكم في ها الفندق ؟؟
وبعده في سنترل فيلا وهل في شي بالليل نزوره هناك ؟؟
افيدونا جزاكم الله خير
دمتم بود
بسم الله الرحمن الرحيم
أخوي عادل بعد التحيه ... أتنمى لك رحله سعيده وتروح وترجع بالسلامه
بخصوص الرحلات السياحيه فهي كثيره أستعرض لك بعضها وأحلاها:
زيارة الجزر مثل (( بي بي )) (( وجيمس بوند )) وسعر الرحله على حسب الشركه إللي راح تتعامل معاها يعني تتراوح الأسعار ما بين 2000 إلى 2500 للشخص البالغ
رحله للرمايه (( شوتنج )) والأسعار تتراوح ما بين : 1000 للشخص الواحد
سباق سيارات (( غو كارت )) للشخص مابين : 980
رحلة (( فانتازيا شو )) هذي الرحله تبدأ بالمساء والأسعار للشخص الواحد 1500 بدون عشاء ومع العشاء 1900
رحله (( الدباب )) لمدة ساعه الأسعار مابين : 1500 للشخص الواحد
نصائح مهمه :
الحجز عن طريق الفندق أحسن ممكن تكون غاليه شوي بس راح تكون أضمن لك وخصوصا إذا كانت معاك عائله وعلى فكره في مكاتب سياحيه كثيره لكن انا ما جربتها وأكيد هي زينه لأنهم يخافون على سمعتهم لكن هم بعد اقولك الفندق أضمن .
بخصوص الأسعار راح تختلف معاك على حسب الشركه ... لكن إختلاف بسيط .
الأسعار تشمل المواصلات من وإلى الفندق
وأي إستفسار أخوك حاضر وبالتوفيق وسامحنا على القصور