صباح الخير أخوي heroo099 في البداية ارحب فيك اول شي اطمئن على فلوسك وجوازك عشان رايح تسكن في فنادق محترمة فيها سفتي بوكس ضع فيها كل اغراضك ويعطونك لها مفتاح خاص فيك ويجب عليك اخذ بطاقة سحب يعني للظروف لاسمح اللة اما بنسبة للبدي قارد وش تبي فية انت رايح اندنيسيا او كولومبيا تلفت العيون عليك على الفاضي والااخوان انشا اللة مايقصرون معك تروح وترجع يالغالي بالسلامة اخوك الدهرaldhr

تذكر دائما أن الله الحافظ ونحن إذا جئنا لهذه البلد فإن الله وحده من يحمينا ويحفظنا ... ثانيا اندونيسيا ليست مثل ما يصورها البعض من أها دولة رعب واختطاف وسرقات ونصب ... هي دولة جميلة وبلد رائع اذا حرصنا وانتبهنا ... والحرص دائما مطلوب حتى بحارتكم ولا بحارتنا ... ترى اللي يتعرض لماقف نصب واحتيال أو سرقات تعتبر مواقف فردية وشخصية وهي ذكريات طعمها مر ولا تعدو كونها ذكريات مهما كان فيها من صعوبات حالما تقع ... أخي الكريم ... هذه البلد فيها فقط خط أحمر وبخحكم خبرتي الطويلة في هذا البلد فأقول والكلام ليس للتعميم ولكن يوجد بلغتنا العربية ما نسميه غالبا ... غالبا ... إحذر من الاندونيسي إذا كان أصله إندونيسي 100% ولكن إذا كان اندونيسي ومن أصل حضرمي فاحذر منه 400% يعني انتبه .... وانا ما سبيت احد أنا أقول إحذر ... وأنا لست في مجال الحديث عن القوميات أو الوطنيات أنا أتحدث بصيغة الحترافية بحتة ... ( أغلب ) الاندونيسيين من أصول حضرمية فيهم نظر كما كان علماء التجريح والتعديل يقولون .
خللك سبع ... يعني فلوسك تخليها بالسيفتي بوكس اللي بالرسيبشن أو إذا كان الفندق 5 نجوم فيوجد بالغرفة .. وجهز بجيبك دايما الجيب اليمين فئات كبيرة واليسار الصروف وهي تبدأ من فئة العشرين وكثر منها الله يحييك العشرات والخمسات والسريبو هذا كثر منه ترا الهدايا بالسريبو مهيب مثل ما يسوون بعض الاخوان بالعشرات والخمسينات .... خلك في ابو سريبو يعني ( الف ) روبية ... لا ركبت تاكسي اذكر اسم المكان اللي تبي تروحة بس ولا تتلفظ بغيره واذا تبي طريقة آمن خل الرسيبشن هم يطلبون لك التاكسي من الفندق ترا الزيادات احيانا والله ما توصل خمسة أو عشرة ريال ولكن الأمان على مسؤولية الفندق الين ترجع ... انتبه بالليل لا تشيل جنس ناعم بالتاكسي ترا يتصيدون للعرب والزبدة يبون فلوس ... اذا نزلت بالمطار لا تاخذ من تكاسي المطار ... تدور على لوحات الفنادق اجيدة واذا حجزت عندهم يبيوصلونك مجانا ... انتبه من أي سواق يتكلم عربي ... الين تصير خبير بالبلد وبعدين تعرف تميز ولكن مبدئيا خلك جنب الحيط على ما قالو اخوانا بمصر ... اذا بغيت تصرف دراهمك خذ شوي شوي لا تاخذ واجد ... جوالك الكويس خله بالسعودية واشتر لك جوال من ابو ميتين ولا تحاول تظهر بمظاهر الفشخرة والفلوس قدام اهل البلد ... والكلام ينطبق على كل بلاد العالم . انتبه بعد من شي ... العواطف والشهامة الزايدة خلها بمطار السعودية وانت جاي ترا هنا ما ودانا بمشاكل الا الشهامة الزايدة حتى مع بعض الشباب اللي يقولون مقطوعين ومخلصة فلوسهم ... والرجال يشم ريح الكلام ... وانت بالفندق لا تطلع على عماها ... ترا بالفنادق فيه ورقة وقلم اكتب بالورقة واللي عالطاولة خطتك وانت خارج ... وين الوجهة وين تبي تروح واترك الورقة بالفندق ... لا صار شي لا سمح الله يسهل تتبع خطواتك والبحث عنك ومساعدتك .... ولا تتضايق من الزحمة تراها شي عادي ... نخطط نبي نخلص هذا وهذاك ونروح المكتب ذا والسوق ذا وما نخلص في اليوم اكثر من مشوار واحد من الزحام . على كل هذا اللي دار بمخي من نصايح والله معك واذا بغيت شي تراني جاهز وتحت امرك .

مشكورين وماقصرتو وننتضر توصيات على العموم انا بسكن 3 ايام في جاكرتا وبعدها بروح بالي 4ايام
وبعدها بونشاك الجبل باقي المده

ماشاء الله بصراحه نصائح 10 على 10 وإن شاء الله بيستفيد منها أخونا البطل