مطعم ماضينا شعبي حلو بس راقي
والي كتبته اسمه فريج صويلح فنان
مشاوي ميس الغانم حلو
الكويت كلها مطاعم حلوه
وشي مطعم في سوق المباركيه روحه الصبح دنقو وباجله على كيفك وجرب الكباب بتدعيلي حذال المسيد داخل السوق
ويخلي الباقي لأهل الكويت اهل البلاد يعرفون اكثر عني

موري3
أخي الكريم أحدث المجمعات التجارية هو مجمع أولمبيا عند المركز العلمي و مجمع 360 و مجمع الأفنيوز و مجمع الراية و الصالحية
أما أفضل المطاعم الغير عالمية
مطعم ليالي الخيام في قرية الضيافة عند ابراج الكويت
مطعم أشاز في مارينا مول و الافنيوز
مطعم قيصر في السالمية
مطعم شابستان الايراني في كراون بلازا
مطعم التسيمو في برج النصار
مطعم البلد
مطعم b-f- kitchen- في 360
أفضل مكان للافطار هو مطعم لونوتر في شارع الخليج
مطعم لا مارينا في سوق شرق

لا شدعوه بره الكويت حسستني طريج ساعتين واهو 10 دقايق واذا زحمه 15 دقيقة.
الفنادق عندك منطقه السالميه (بودل - روم ان والخ ) او البدع (فنادق ومنتجعات ) او الشعب (فندق كوستا دل سول - ميراج سويت ) او شرق (فندق هوليدي ان داون تاون - شقق فندق يثرب - ريتز والخ )
المطاعم ( فريج صويلح - الستينيات - مطاعم المباركيه - ميس الغانم )
الريوق ( وسط البلد - مركز ساطان مرسى اليخوت - مطعم ريوق - مطاعم المباركيه- لونوتر - bakingtry في دسمان )
https://artravelers.com/p/re/643470

كل من رد علي
bmw10009
حلوة الكون
q8ya متنقلة
مشكورين والله يعطيكم العافية ماقصرتو

للسكن كا موقع فندق المارينا حلو واظن كمستوا
بالنسبه للمطاعم في اعتقد 5 مطاعم بالمارينا كرزنت يم الفندق اذا انت حجزت فيه حلو
(هندي - امريكي لبناني ) اللبناني اسمه كافي بلان روعه شوي عليه
عندك مول الافنيو فيه مجموعه كبيره من المطاعم منها : كويتي عند مطعم رايس - عالمي نينو احلا شي عندهم السيزر و الرزيتو - لبناني سواح كل شي عنده حلو ولا يطوفك الشبس عجيب - ليلى لبناني - لينوتر فرنسي احلا شي عنده كابريس و فوكاشا حلوم سلطة الجرجير (الاسعار(لي نوتر عنده فرع قريب من الابراج على البحر اذا حاب المطعم الفرنسي روح لفرعهم ايلي على البحر منظر احلا و اهدى ( لشخصين في هذي المطاعم من 11 الى 27 المتوسط )
تبي مطعم لبناني و اسعاره زينه مس الغانم
في مطعم كويتي اسمه كافيه بزه ماجربته بس عليه مدح في الشاميه و بنيدالقار و السالميه
في مطاعم رخيصه واكلها لذيذ بس ماكو قعده تلقاهم بشارع المطاعم بالسالميه انصحك بجاد و نبع العصير فلافله حلوه
وعندك فطاير القمه و اعتقد عندهم توصيل اسعارهم للشخص من نص دينار وطالع (نظام سانوتش)
ابراج الكويت فيها مطعم بوفيه الشخص ب 10دك بس لاتروحون وقت فطور يكون للسيدات فقط

مسك الزين
تسلم يالغالي وبارك الله فيك عطيتني من وقتك
كل اللي وصيتو عليه راح يكون في بالي وبروح لهم مشكورين