أخوي السحاب ..
هذا اللي عندي من معلومات لاستفساراتك ..
اعرف مطعم حلو في مجمع السيف .. مطعم رنديفيو يقدم بوفيه مفتوح .. الشخص الواحد ب 50 ريال تقريبا .. جربه وراح تدعيلي .. وفيه طاولات خاصة للعوائل بس رحله بدري لأنه دائم مزدحم وأحيانا ماتلاقي مكان فيه
فترة الغداء من 12 إلى 3
والعشاء أظن من 7 إلى 11
وبالنسبة للسينما أنا شف فيلمين أعجبوني ..
الأول أمريكي وأسمه ( داي هارد ) يعرض في سينما الدانه
والثاني مصري كوميدي وأسمه مطب صناعي يعرض في سينما السيف .
سكن عوايل .. لايفوتك إليت سويتس وموقعه بين مجمع الدانه ، وجيان .. بس نصيحة مر على مكتب الجزيرة اللي بجانب المسجد .. يعني أول ماتنتهي من إجراءات السفر وتدخل على البحرين يجيك مسجد على اليمين والمكتب بجانب المسجد .
سعر الغرفة شخصين أخذتها عن طريقهم ب 360ريال ولما وصلت الفندق قال لي موظف الاستقبال سعرها ب 600 ريال

1. ثالثا/مكان محمية العرين ووقت الذهاب لها


2. خامسا / مكان ميناء جزيرة حوار

أولا/بالنسبة للمطاعم ياليت تدلوني على مطاعم العوائل اللي فيها حواجز مع الوصف لأني ما أدل شي في البحرين .
ايضا مطعم الأبراج في المحرق قريب من المطار يصلح للعوائل "توجد له فروع في مجمع السيف ومجمع العالي ومجمع جيان" أكله حلو وأسعاره مناسبة وبجانبه سينما الجزيرة مافيها خرابيط وبإمكانك تستفسر عن اي فلم من موظف الحجز " فرع المحرق مكانه: بعد ماتنزل من كوبري السيف اتجه سيدة لين توصل إلى جسر أيضا اتجه سيدة وبعد رابع إشارة إمسك المسار الأيسر ولف يسار بتكون السينما والمطعم على يسارك".

ثالثا/مكان محمية العرين ووقت الذهاب لها

أحسن وقت للذهاب إما الصباح الباكر او بعد الساعة 4 عصرا لأن الجو حار في غير هالاوقات .. تقع المحمية في جنوب البلاد .. "خل السيف على يمينك واتجه فوق الكوبري للأمام على طول بتشوف نفسك وصلت منطقة تقع على يمينك إسمها مدينة حمد .. أيضا روح سيدة إلى أن تصل إلى بوابة مدينة حمد وبتكون على يمينك وجامعة البحرين بتكون على يسارك .. اخذ الإشارة الي عند البوابة سيدة ولف عند أول لفة يسار بتكون حلبة البحرين على يسارك .. روح سيدة وبتشوف اللوحات الإرشادية الي تدلك على مكان المحمية.
رابعا/مكان سوق بوابة البحرين
بعد نزولك من كوبري السيف اتجه للامام وعند أول إشارة لف يمين قبل الإشارة نفسها وبعدين بتكون أمامك إشارة روح سيدة ولف يسار بتشوف باب البحرين على يسارك.. إخذ دوران عكسي على الدوار ولف يمين.

خامسا / مكان ميناء جزيرة حوار

يوجد مكتب للحجز في النادي البحري بالقرب من متحف البحرين " بعد نزولك من كوبري السيف روح سيدة بعد ثاني إشارة لف يمين واتجه سيدة بتكون أمامك إشارة .. روح سيدة وأيضا روح سيدة عند الإشارة الثانية .. ثالث إشارة اخذ دوران عكسي وامسك المسار الأيمن واخذ الإشارة سيدة وبتشوف لفة يمين اخذها وبتكون دخلت النادي البحري .. مكتب الحجز بيكون فيه.

ماشاءالله عليكم يا أهل البحرين بصراحة ماتقصرون بخدمة من يحتاجكم ..

والله ما قصرتوا الله يعافيكم ..
ورحلة سعيدة لأخينا السحاب .

والله كفيتوا ووفيتوا ياأهل البحررين

السحاب123
يا هلا فيك أخوي ..
أو شي بالنسبة للمطاعم فأنصحك بمطعم ( الصواني ) الموجود بالقرب من متحف البحرين الوطني على ساحل شرق المنامة ، هذا المطعم يقدم المأكولات المنفصلة والبوفيه ، بالإضافة إلى إطلالته الرائعة على ساحل البحر.
طبعاً للاستفسار عن مطعم الصواني هذا رقم تلفونهم ،
0ومن خارج البحرين طبعاً ضيف فتح الخط 00973
وهذي صورة لمطعم الصواني من الخارج :

والدائرة الحمراء في الصورة التالية تبين لك وين موقع مطعم الصواني وكيفية الدخول له :

عندك أخوي كذلك سلسلة مطاعم الأبراج المتواجدة في معظم المجمعات التجارية وفي المحرق وفي سند وفي السهلة والخ ... يعتبر مطعم الأبراج المطعم العائلي الأول بالنسبة للعديد من العوائل.
كذلك عندك أخوي مطعم أصفهاني في شارع المعارض.
عندك مطعم مرمريز المقابل لمجمع البحرين ( جيان ).
عندك مطعم كل أفشان في المنطقة الدبلوماسية.
وكذلك عندك مطعم الفردوس في المنطقة الدبلوماسية.
كل هذي تعتبر مطاعم عائلية بالدرجة الأولى ، وبإمكانك كذلك الذهاب إلى مطعم الفرندا في عذاري ، فيه قسم راقي جداً للعائلات ..

أما بالنسبة لخريطة البحرين فمثل ما تفضل أخوي ( بلادي البحرين ) عطانا هالموقع اللي يدل لنا تفاصيل الطرق والتقسيم الإداري التخطيطي للمناطق :
http://www.bahrainexplorer.com/BahrainExplorer/ar/Usefullinks/AboutBahrain.asp
موقع اكتشف البحرين راح يعطيك الكثير من التفاصيل اللي تحتاجها اخوي ..
بالنسبة لمحمية العرين فهي تقع في جنوب غرب البحرين تقريباً مسافة 35 دقيقة تقريباً من وسط مدينة المنامة ، تقع بالقرب من حلبة البحرين الدولية وجامعة البحرين في منطقة برية .
أما تفاصيل المحمية الأخرى بالإمكان الاستفسار عنها عن طريق الاتصال بالخط الساخن الخاص بالمحمية :
6طبعاً مع اضافة 00973 من خارج البحرين.
أما بالنسبة لمكان ميناء جزر حوار فهو موجود في قرية الدور الساحلية الواقعة في جنوب شرق البحرين على بعد 35 إلى 40 دقيقة من المنامة.
أما مكان الحجوزات فموجود في كورنيش الفاتح في المنامة.