لندن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في لندن

راح نروح هالسنه لندن ولاول مره ابي مساعدتكم

اصعب جرح

21-01-2022 - 10:35 pm

يعطيكم العافيه ناويه اروح هالسنه لندن واول مره اروح لها وناوين نقعد هناك حوالي 20 يوم هالمده كثيره؟؟
وابي شقق تكون قريبه من الاماكن السياحه بغرفتين وصاله ومطبخ وسعرها معقول ..
وكم تبعد اسبانيا عن لندن بالطياره ؟؟
في انتظاركم

التعليقات (6)

أبــوعبدالله

22-01-2022 - 01:01 am

اصعب جرح
اختى الفاضله اطلبى ارقام المكاتب فى لندن عند الاداره وحده اسمها مريم
واى خدمه احنا حاضرين

اصعب جرح

22-01-2022 - 02:02 am

المزعج
يعطيك العافيه مافهمت ليه اطلبها من الاداره

أبــوعبدالله

22-01-2022 - 03:03 am

اصعب جرح
أختى الفاضله أنا قصدي إذا تبين شقق أتصلي على مكاتب عقاريه فى لندن وأطلبى
كم غرفه تبين ويعطونج خبر بالسعر والأرقام موجوده عند الأداره
ممنوع وضع الأرقام هذي قوانين المنتدي
وأى خدمه أحنا حاضرين

اصعب جرح

22-01-2022 - 04:04 am

المزعج
يعطيك العافيه طيب ماقلت لي كم تبعد لندن عن اسبانيا بالطياره ؟؟
وهل 20 يوم او 15 يوم بلندن كثير ووممله ؟؟

*عاشق النمسا*

22-01-2022 - 05:05 am

بالنسبة لي 15 يوم في لندن في اجازة الصيف ماتكفيني
لان لندن بالصيف مره فله وتستاهل 20 يوم
طبعا هذا رأيي وانشالله باقي الاخوان يساعدونك

سلطان لندن

22-01-2022 - 06:06 am

15يوم في لندن اذا تقصدين فيها ما تطلعين خارج حدود لندن بصراحه مملة جدا لان لندن حدها اسبوع
والباقي روحي الي مدن اوربية اخرى اذا معاك شنقين احسن لك بكثير من لندن وبعدين لندن مملة في الشتاء جدا ا بمعنى تعنيه الكلمة ممكن بس يوم 26 ديسمبر هو الشي الوحيد اللي يشفع لها والباقي ممل
وتحياتي لك