سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
لوي فيتون
28-12-2022 - 03:33 am
السلام عليكم ورحمة الله وبركاته
كيفكم يا اعضاء المنتدى الاعزاء
قرب الصيف وبدت الاستفسارات
حبيت اخذ رأيكم في اي الدول اروح لها هالصيف لأني محتارة جدا
مع العلم اني رحت العام الماضي لسويسرا وباريس
وعجبوني مرة خصوصا سويسرا
وهالصيف باذن الله بروح بس في بالي اربع دول وهي سويسرا وباريس والنمسا ولندن
سويسرا العام ماشفتها كلها وباريس ابغى اروح لها عشان الشوبينق بس ما ادري هل النمسا تسوى اروح لها عندي احساس ان طبيعة سويسرا اروع من النمسا وش رايكم؟؟
او اروح لندن بدال النمسا؟؟
واعذروني على الاطاله بس ما نستغني عن رايكم


التعليقات (9)
aboaziz
aboaziz
النمسا لا
سويسرا ايه
ممكن تبدأين الرحلة من زيورخ
ثم
انترلاكن ولوزيرن والمدن الجميلة
ثم
رست الأمانية (يوروبا بارك)
ثم
ستراسبورق الفرنسية الرائعة جدا
ثم
باريس شوبينق وعلى ديارك
مثلث الجمال في رأيي
ويرضي جميع الأطراف
وبالتوفيق

لوي فيتون
لوي فيتون
الف شكر ابو عزيز
اعتقد ان الحكومة السويسرية لازم تمشي لك راتب غير انها تخصص لك نسبة من ارباح السياحة بالاضافة الى المكافأت والعلوات بصراحة لولا الله ثم انت كان نص سياح سويسرا ماراحوا لها بصراحة شجعت وحمست ناس كثير لزيارتها
الله يجزاك خير على هالمجهود الجبار ويخلي لك قمرينك
بس حبيت اسأل ليش الاجابه على النمسا لأ يعني قطعا على اني ترا اوافقك الراي حتى لو ماجاوبت لاني اثق برأيك

لوي فيتون
لوي فيتون
ابو عزيز حبيت اسأل
من اي مدينه سويسرية اطلع على ستراسبورق ورست
وهل اقدر اطلع لهم ورارجع بنفس اليوم لسويسرا؟؟
وسؤال ثاني لا هنت بما ان تنقلاتي بالقطار فاخشى اني عشان حاطلع من مدينه سويسرية لخارج حدود سويسرا يكون السعر غالي فهل تنصحني باستأجار سيارة للايام خارج سويسرا
والله يجزاك خير على جهودك

aboaziz
aboaziz
لوي فيتون
اقرب مدبنة سويسرية بكل تأكيد هي بال او ممكن تنطقينها بازيل وتبعد حدود 90كم عن رست و من رست 50كم الى ستراسبورق الفرنسية الرائعة
القطار متوفر الى رست والسويس باس يعطيك خصم مجزي واذا انتم بعيدين عن شمال سويسرا فأنصحكي بالطائرة من مطار جنيف أو زيورخ / او باريس الى مطار ستراسبورق الفرنسي
سبب النمسا "لا" وبدون لف أودروان هو أن حماتي "نمساوية"

LaMar 22
LaMar 22
أبو عزيز راح أسوي لك تقرير عن مشاركه سيئه دائما متعصب ضدنا حتى حماتك ما سلمت منك..
و إلا عشانك ضامن إن أم عزيز و حماتك ما راح يعرفوا يقروها؟؟
أقرب مكتب ترجمه ألماني و أرسل لهم كوبي عشان يغيبوا شمسك عن المنتدى نهائيا سلالة هتلر

aboaziz
aboaziz
Choclate
ياشين الإستبلاش
من وين طلعتيلنا
مو خلاص برنامجك جاهز
خ

LaMar 22
LaMar 22
aboaziz
هو أنا أقدر أقاوم نفسي لما أشوف موضوع مذيل بتوقيعك و لا اقراه؟
و بالنسبة لبرنامجي و الله جاهز بس أستنى الأبروف من سي السيد

M!DHER
M!DHER
برنامج أبو عزييز روعه صراحه بس رست مدري أنا صراحه ماحب ألمانيا لا أحب الألمانيين وان كان عالملاهي روحوا ديزني.... وجهة نظر وأبوعزيز ترا أخبر

لوي فيتون
لوي فيتون
الف شكر ابو عزيز
بس على كيذا ما راح اوافقك على النمسا لا لانه اتضح لي ان المشكله عائلية خاصة
اه لو تدري وش كثر المدن الي اكرهها لاسباب مشابهه
بالنسبة للسويس باس يسوي تخفيض لرحلة وحدة خارج سويسرا وانا ابغى اروح لستراسبورق وانسي وشامونية وميلانو وش رايك استأجار السيارة اوفر او القطار
المشكلة الثانيه هي لوقانو ابغى اروح لها من جنيف او منها لجنيف بس المسافة بالقطار 5 الى 6 ساعات ودي اروح طيران بس ماعندي خلفيه عن اسعاره


خصم يصل إلى 25%