مزون معذب قلوب
07-03-2022 - 03:31 pm
السلام عليكم ورحمة الله وبركاته
بحكم انه الحمد لله توفر معي مبلغ مناسب للسفر
وشفت الوالده الله يخليها لي ويطولي بعمرها يارب ماعمرها سافرت بره السعودية ( 62 سنة ماشاء الله تبارك الله بالسعودية )
قلت بسفرها لدوله ترتاح فيها وفيها جمال الطبيعه شي اساسي
وجا على بالي اندونيسيا والى عنده شي افضل يقولي
طبعاً اذا سافرت بنكون شلة حوالي ( 10 ) اشخاص
البالغين = 7 اشخاص .. و 3 اطفال ...
انا بتحمل مصاريف الوالده الله يخليها لي واختي الصغيره والباقين مشكلتهم عاد
طبعاً الى بروح معهم هي اختي وزوجها واطفالهم .. وهم متعودين على السفر لااندونيسيا وكثير من دول العالم
لكن بحكم جهلي فقلت بأذن الله بأستفيد منكم وافيدهم ... واكيد الانسان ماعنده علم بكل شي ...
انا ميزانيتي تقريباً ( بدون تذاكر - التذاكر باخذها على السعوديه لانها دايركت وتريح الوالده ) حوالي 10 - 15 الف ريال يعني 2600 - 4000 دولار ...
وش تنصحوني فيه ... من جدول وحركتات ( مدة السفر راح تكون في اجازه مابين الفصلين عشان اطفال اختي يعني حوالي 10 - 13 يوم ) تقريباً 1 فبراير الى 12 فبراير
طبعاً السكن راح نسكن كلنا بمكان واحد فأبي شوركم بمكان يكون حلو ... طبعاً راح يكون السكن قطه بيني وبين نسيبي
والاكل بعد بيكون مره علي ومره عليه
يعني الوضع فري
ابي شوركم يالغاليين
باذن الله اذا رجعت راح اعطيك كل التفاصيل لان رحلتي ورحلتك تقريبا متشابهه وهي استجمام لكبار السن وان شاء الله بتحصل اللي تبغى واكثر (انا ابرجع يوم الثلاثاء 10 نوفمبر وافضل ان يكون بيننا اتصال بالتليفون اضافه الى التقارير والنصائح اللي ابحطها في المنتدى)
بالتوفيق اخي الغالي والله يجزاك خير على برك بوالدتك والله يجعل ماتقوم به سبب في دخولك الفردوس الاعلى من الجنه
محبك: ابو لينا..