المكان في كونستانس المدينه الالمانيه القريبه من زيورخ
يوجد فيها جزيره تسمى الجزيره المزهره وهي جزيره كامله وسط بحيره بودن سي كلها زهور واشجار وانواع كثيره
وشلالات وفيها منطقه العاب اطفال وفيها حديقه للفراشات
بصراحه المكان مميز ودايم اقول للاعضاء عنه بس للاسف احنا الخليجيين مانحب نروح الا للمكان اللي تعودنا عليه
انا زرتها مرتين ومعجبه فيها مره لهدوئها وتنوع النشاطات فيها واشوفها مختلفه عن انترلاكن وزيلامسي والتنويع
بالسفر ممتاز
فيها مركز سي لايف للحيوانات البحريه عند البحيره
وهي اكبر مدينه مطله على بحيره بودن سي ثالث اكبر بحيره في اوروبا ويلتقي فيها نهر الراين ببحيره بودن سي وهذا يضفي عليها جمال اكثر
هنا موضوع عنها لاحد الاعضاء
https://artravelers.com/p/re/275744
وفي تقارير عنها وممكن تبحثين عنها عن طريق قوقل اسم المدينه بالانجليزي konstanz
واسم الجزيره
Insel Mainau
هذا موقع فيه صور لها
http://www.mainau.de/home.html
هنا ابوعزيز زارها هالصيف ولكن ما راح للجزيره للاسف
http://www.visitsealife.com/local/index.php?loc=konstanz
طبعا في جزيره ثانيه اسمها جزيره الخضروات كلها مزارع وتقدرين تروحين تشترين من اهلها من المزارع مباشره وللاسف ما امدانا نزورها
وممكن تروحين الى شلالات الراين شافهاوزن وزيورخ منها
هنا فيه مجموعه كبيره من الصور عنها
http://www.google.com.sa/search?hl=ar&q=mainau&um=1&ie=UTF-8&tbm=isch&source=og&sa=N&tab=wi&biw=1259&bih=549
احداثيات ما اعرف بصراحه احنا كنا ساكنين في كونستانس ورحنا لها بالسياره 7 كلم تقريبا فقط وتروح لها برا من كونستانس ماعدا من بعض المدن تروح لها بحرا
http://maps.google.com/maps?f=d&source=s_d&saddr=%D9%83%D9%88%D9%86%D8%B3%D8%AA%D8%A7%D9%86%D8%B3%D8%8C+%D8%A3%D9%84%D9%85%D8%A7%D9%86%D9%8A%D8%A7&daddr=Mainau,+%D9%83%D9%88%D9%86%D8%B3%D8%AA%D8%A7%D9%86%D8%B3,+%D8%A3%D9%84%D9%85%D8%A7%D9%86%D9%8A%D8%A7&hl=ar&geocode=FXFD1wIdyvWLAClbHww4G_aaRzHQmd-lt2sfBA%3BFYvr1wIdcT6MACkdtGmp0_eaRzFiDF_QuGsfJg&mra=ls&sll=37.300275,-95.712891&sspn=29.142182,78.662109&ie=UTF8&ll=47.687579,9.159164&spn=0.096837,0.307274&z=12

الله يعطيك العافييه
يارب احد يعطينا احداثية المكانين الحلوين هذولي

اي مكانين قصدك هل جزيره الزهور و مدينه كونستانس و لا كيف؟؟
قولي لي ايش جدولك عشان اقولك تروحين لها من وين اقرب
وترى الجزيره يبغى لها ساعات كثيره عشان تخلصينها مره حلوه
تفتح الجزيرة مداخلها من الساعة 7 صباحا وحتى الثامنة مساء طوال أيام الأسبوع
مواقف السيارات بسعر 4 يورو
اسعار التذاكر:
الاشخاص الاقل من 13 سنه مجانا
الاشخاص بين 13- 16 سنه بمبلغ 8.50 يورو
تقريبا 43ريال
الاشخاص البالغين الاكبر من 16 سنه بسعر 15.90 يورو
تقريبا 80 ريال
راح احاول اسال احد الخبراء يساعدني بايجاد الاحداثيات واعطيك اياها اذا حصلت عليها
وترى الدعوه سهالات اختي انا واهلي كنا نحط الاسم بالانجليزي صحيح او عنوان معين وعمرنا ماضيعنا

مره مره مشكوره مدري كيف اشكرك
انا اقصد المكانين حديقه الزهور والفراشات
ايوه انا كتبت اسم الجزيره ماعندي الا اسمها وعلى قولتك ادخل اسمها بالقارمن ونشوف وين يوقفنا بالضبط
انا راح اجيها من انترلاكن ان شاء الله
يعني راح تكون رحله يوم واحد ونرجع انترلاكن
اي نصيحه او مشوره لاتقصرين
الله يوفقك

ياغاليه جزيره الزهور اذا دخلتيها ممكن تدخلين لحديقه الفراشات مجانا لان سعر تذكره دخول الجزيره يشمل حديقه الفراشات وترى حديقه الفراشات جديده وصغيره مو مره كبيره وهي جزء من الجزيره
المسافه من انترلاكن 200 كلم ذهاب ومثلها عوده
انتوا لما تطلعوا من انترلاكن حطوا اسم المدينه
konstanz وهي المانيه زي ما قلت لك
وبعدين اذا وصلتوا للمدينه حطوا اسم الجزيره
Insel Mainau

هذا صوره المكان اللي فيه الفراشات وشوفي كيف كان الجو يومها مطر ويهبل صارحه من حظنا درجات الحراره كانت 17 درجه في اواخر يوليو
حاولوا تختارون يوم يكون جوه حلو مو مشمس عشان تاخذون راحتكم بالمشي وتستمتعون بالمكان

اعتذر ع المداخله =)
اختي دموع الوجد اذا ممكن
الجزيره المزهره في كونستانس في المانيا مو كيذا
طيب كم المسافه بينها وبين Rust ..؟؟

Ms_ Dior
ايوه صح
المسافه 160 كلم فقط

للرفع
ياليت احد يفيدني بالنسبة للاحداثيات والصيغ المختلفه