أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
صبحكم الله بالخير جميعا.... ابي منكم خدمه انا ابي اسافر بالسياره من الكويت عبر المملكه العربيه السعوديه الى الامارات انا ادل الى الدمام بعدها اي طريق اقدر اسلكه .... ومشكورين يااهل المملكه على هالخدمه
phuket
قبل ماتوصل الاحساء يجيك البيب حق الاسمنت واضح....
انت خلك سيدا وتنزل للمطار ومن ثم الدوار وتمسك طريق سلوى..
لأن اللي يبي الاحساء بيمر من تحت البيب
مرحبا اخوي
وحياك الله ببلادك
بعد ما تطلع من منفذ الخفجي
تطلع مع لوحه الدمام يمين
لما توصل الدمام راح تجيك معارض السيارات على يمينك تكمل سيدا
الى ان تجيك لوحه بقيق الهفوف يمين
تطلع معاها وتعدي بقيق الى الاحساء
اول ما توصل الاحساء راح تشوف مبنى شركه الاسمنت على يسارك
تعديه
بعدها راح يجيك مفرق يمين الى قطر والامارات
والطريق الرئيسي يدخلك على مدينه العيون
الافضل هنا ان تدخل على طريق العيون
وبعد ما تدخل دقيقتين الى ثلات وراح تجيك تحويله بسيطه
بعد التحويله مباشره راح تشوف كوبري جديد
ومكتوب لوحه يمين الى سلوى (قطر)
تدخل معاها وهذا طريق جديد ومختصر اسمه طريق الخليج
افضل بكثير من الطريق القديم الفرعي
لما توصل الى سلوى راح يجيك دوار فيه لوحه يمين الى البطحاء (الامارات)
تاخذ طريق البطحاء وقبل ما تصل المنفذ مر على احد المحطات اللي عاليسار فلل الموتر بنزين ارخص من الامارات
وبعد ما تدخل الحدود الاماراتيه اللوحات كثيره والشارع سيدا الى دبي
الملاحظه الاهم في خط العوده
وانت راجع من دبي لما تقرب من ابو ظبي اتبع لوحة( الغويفات ) وهو اسم المنفذ الحدودي الاماراتي للسعوديه
لانه لا يوجد لوحه مكتوب عليها السعوديه
وكثير من زوار الامارات يقفل عنها ويدخل في متاهة ابو ظبي
ويا رب يوفقك برحلتك
وترجع للكويت سالم غانم
رحله سعيده اخوي