والله نتمنى من بنات الكويت الذويقات انهم يساعدونا..نبي نعرف اماكن اسواق الجلابيات وبالذات الازياج والكلف الكل يعرف ان الكويت متميزه بالازياج والكلف....

هلا اختى
ان كنتى تقصدين الماركات الاصليه تلاقينه بالصالحيه
وان كنتى تقصدين لحفلات الاعراس ممكن تلاقين بالعثمان بحولى
العربيد و الحمراء مول للفساتين السهره العاديه والمتنوعه
ومشكورين على رايكم الحلو ببنات الكويت

حياج الله اختى
الاماكن:
مجمع الاوقاف منطقة شرق
مجمع العربيد منطقة الفروانية
مجمع الصالحية شارع فهد السالم بالديرة
مجمع الحمراء منطقة الفروانية
مجمع النقرة الشمالى منطقة حولى

ابغى اسماء محلات لو تكرمتو

اختى الكريمة كل المجمعات الى ذكرناها افضل المجمعات الى موجود فيها افضل المحلات جميع المحلات حلوة
بس انتى وذوقج.

عندك مجمع ليلى جاليري بالسالميه اغلب محلاته فساتين سهرات ............طبعا مع الاسواق اللي اذكروها الاخوات ......غير الاتيليهات المتخصصه بفساتين السهرة

من ذوقج اختي ... الخوات ما قصروا ..
مثل ما قالوا اذا تبين ماركات و اشياء حلوة للسهرة .. عندج الصالحية .. مو كبير و ما بتضيعين و بعد الثريا في السالمية
و مجمع زهرة في السالمية .. و محل اسمه العثمان موجود في مجمع قديم في السالمية اسمه مريم
مريم و زهرة و الثريا و ليلى جاليري و الفنار كلهم في نفس الشارع
اما الاشياء الغريبة .. في كم محل بالافنيوز : Manoush عندهم فساتين و بلوزات غريبة و حلوة موجود في الافنيوز
Designer’s Lounge ... موجود في الصالحية و الافنيوز
ZENIA زينيا عنده بلوزات و فساتين حلوة و غريبة موجود في الصالحية
و عندج بعد دار يوشا .. dar Usha دوريهم في جوجل و بتلقين لهم موقع .. شغلهم حلو للجلابيات الميني , و الجلابيات و
الطويلة بس اشياء حلوة و غريبة , موقع البوتيك في بيت من البيوت التراثية اللي عالبحر جنب ستاربكس اللي جنب
الشيراتون
اما بالنسبة للازياج و الكلف تلقونهم في البلوكات .. سوق الاقمشة على امتداد الشارع اللي فيه مجمع الاوقاف

الشباب ماقصروا (بنات وصبيان ) كفو وفوا
وفي معارض عند المسشفى الاميري ( تلقين العملي مثل : بيت ديفا والسدر ، و la والخ ) ومجمع العثمان في حولي ( للسهرات )..
وحياكم الله في ديرتكم