خمس نجوم *****
03-04-2022 - 01:15 pm
السلام عليكم
فين محطة الباصات اللي أروحلها عشان أروح للكاميرون
لاني حجزت اول يومين في سيلانجور(في فندق ببيراميد تاور) وبعدين على الكاميرون (في فندق دي لي فرنس) وبعدين على بينانغ (في فندق باي يو بيتش) ياريت لو تساعدني في اماكن المحطات القريبة من الفنادق لاني مره شايله هم الباصات وقص التذاكر
وهل لو قصيت التذاكر من المكاتب السياحية اللي في المطار ماتكون اغلى!
وهل في باصات زي هوب اون هوب اوف في سيلانجور والكاميرون وبينانغ ولنكاوي (فندق متيارا) لان الباصات توفير احسن من التكاسي
والله يجزاكم خير ويفرج همكم
الباص من ( سلانجور إلى الكاميرون ) ... تحجزينه من محطة ( كي أل سنترال )
وتبعد المحطة عن سلانجور ( 25 دقيقة ) ... يعني المسافة قريبة
وقفي تاكسي يوصلك لمحطة ( كي أل سنترال ) وتحجزين باص ( يونيتيتي ) ثم يردك للفندق
أحجزي رحلة الصباح بدري ... عشان توصلون للكاميرون بداية اليوم وتستغلونه زين
طبعا سعر الباص ( 40 رنقت ) للشخص ... والمسافة أربع ساعات ممتعة وراائعة ...
الأفضل تحجزون الباص قبل الرحلة بيومين ... عشان تضمنون الحصول على مقعد
أهم شيء ... يكون الباص ( vip ) ومن أفضلها ( باص يونيتيتي )
ومن الكاميرون إلى بينانغ ... أحجزي أيضا ( باص يونيتيتي ) ... من مكتبهم اللي تنزلون عنده
أول ماتنزلون من الباص ... أتجهي للمكتب ... وأحجزي تذاكر بينانغ
وبخصوص ( الهوب أند هوب ) ... فقط في كوالا ... وبقية المدن مافيها
لكن في بينانغ ... فيه باص ( سياحي ) ينقل إلى كل مكان ... أسألي الفندق وراح يدلك عليه