السلام عليكم ورحمة الله وبركاتة
موضوع مفيد جدا الصراحه احيك عليه
واول البديه عندي انشالله
أجرت سياره من شركة سكست وهاذي اول مره اقود سياره في حياتي في اوروبا والحمدالله كانت تجربه
ولا مثيل لها الحقيقه من استمتاع في المناضر الطبيعيه والراحه النفسيه والخصوصيه أجرتها من جنيف
لمده 8 ايام ب 4000 ريال بس مادري القيمه غاليه ولا ارخيصه لأن مالي خبره في السعار والتأجير بكوني
اول مره أجر سياره وسياره كانت ساب صالون موديل 2008 قاطعه 20 كم يعني من الوكاله لعندي والحمدالله
وكنت جايب وياي جهاز قارمن السياره كان فيها قارمن بس ماعرفله اعرف لجهازي بس في نقطه مهمه
بنسبه حبيت انوه عنها بنسبه للقارمن في في المنيو المسافات (( اقصر مده )) ولا (( اسرع وقت ))
غلتي اني رحت للخيار الاول وهو طريق مختصر بس الله لايرويكم حسيت اني لفيت جبال سويسرا كلها
ولاكن الحمدالله وصلت بعد صعوبه الطريق من جبال والخيار الثاني بيكون اسهل طريق بيكون للهايوي
وبنسبه للتكلفه اشوفها ارخص وسيله للتنقل خصوصن في سويسرا الي تتطلب سياره للمسافات
في سواقين بيودونك كل مكان ترديده بس 500 فرنك سويسري لليوم كامل
انشالله ماراح اسافر مره ثانيه الا وحجز السياره من اول الحجوزات . . .

انا ارشح السياره و بقوه و سفري ان شاء الله في 29 اكتوبر وانا خلاص استأجرت سياره ومو اي سياره لقيت كشف.....ان شاء الله الجو بس ما يخذلنا .

majed0445
شوف يا ماجد الظاهر انك معي على نفس الرحله وانا باعطيك خلاصة البحث اللي سويته
افضل سعر بالنسبه للسيارات في الفتره من 29 الى 13 اكتوبر لقيته في SIXT
انا صراحه كنت ابحث عن سياره كشف او باسات وبالنسبه لي وجدت ما احلم به في سيكست الي هو سياره كشف بسعر معقول
في حالتي حجزت eos كشف لمدة 14 يوم بسعر 5200 تقريبا بالنسبه لعشر ايام حول 4000
وبالنسبه للسيارات من فئة الباسات بحول 2000 وشي
وهناك سيارات صغيره ارخص لكن انا اشوف ان الواحد يدفع الف زياده وياخذ سياره واسعه مثل الباسات
المميزات بالنسبه لي احس بالحريه في التنقل والخصوصيه وانا ناوي امتر سويسرا والدول اللي مجاورتها وبأصور براحتي ولزوم التقييل في الظهريه عند هالبحيرات
العيوب انا اشوف انه ان شاء الله ما فيه اي عيب طبعا ما ننسى ميزانيه البنزين الظاهر انها 500 ريال كل يومين للي زي حالاتي
معادلة السياره = جهاز gps + قياده راكده تحترم الانظمه +شخص عزيز عليك كمرافق+ كاميرات تصوير وفيديو .......... وانا أضمن لك ذكريات سيخلدها التاريخ لك .
بالنسبه للأماكن سأزورها جميعا بمساعدة النوفي والهاف فير كارد
وبالنسبه لي لقد زرت دول عديده وخلاصت تجاربي ان السائح العربي دايما يرتبك اذا راح مكان اول مره لانه ما يعترف بشي اسمه ثقافة سفر
اللي انا سويته اني قريت كل موضوع في هالمنتدى واخص بالشكر الرائع ابو عزيز
اللي ما ترك شي الا كتب عنه و المشكله فيه ناس تساله باحثه عن اجابه سريعه بدون ما يكلفون على انفسهم عناء البحث ولكنه بكل اريحيه يتعاون معهم ويلبي طلباتهم
وانا سأشكره بطريقتي ان شاء الله اذا رجعنا بالسلامه
فمن خبرتي بالسفر ترا المغامره و الاكتشاف هي السعاده ووناسة السفر الحقيقيه
لحد يقول اني مسافر لحالي انا ترا مثلكم جميعا بسافر مع زوجتي و بنغامر سوا
واي استفسار انا حاضر ...
ابو الجازي

qatar3333
حياك الله اخوي ومشكور على الاضافات القيمة بصراحه كنت اتمنى ان الموضوع يظل مدة يومين في البوابه لنستفيد باكبر كم ممكن من تجارب الاعضاء لكن للاسف وضع في خانة الاستفسارات سريعاً
miindstormz
حياك الله ابو الجازي رحلتي تسبقك بشهر بالضبط كنت اتمنى اننا كنا جميعاً على نفس الرحله ليشد بعضنا ثقة البعض ونستفيد من الخبرات فانا للاسف حديث عهد على اوروبا ..
بالنسبه لقيادة السياره السبورت (الكشف) لا تناسبن انا وزوجتي وكذلك عامل الوقت والمناخ لا يتناسب مع موعد رحلتي اطلاقاً لاستئجار سياره مكشوفه ..
ابحث لي عن سياره صغيره وديزل وراح امنحك عمولة

majed0445
اجار السياره اغلى بمطار جنيف من زيورخ
انواع السياره 5/7/9 راكب (بانزين -ديزل )
مميزات بان لك الحريه وعدم التقيد بالمواعيد وحريت الستكشاف
العيوب المواقف وغلاء البانزين
الخطوط السريعه واسعه بسويسرا وامنه عكس ايطاليا و فرنسا

majed0445
انا ارشح السياره و بقوه و سفري ان شاء الله في 29 سبتمبر وانا خلاص استأجرت سياره ومو اي سياره لقيت كشف.....ان شاء الله الجو بس ما يخذلنا .

حصلت لك بولو من شركة يوروب كار للمده اللي بتاخذها ب 1900 تقريبا السياره مكينتها صغيره وان شاء الله بتكون اقتصاديه في البنزين
وبالنسبه للديزل محد يضمنه لك انت تطلب وقت الحجز وانت وحظك

مساء الخير ,,,
إلى الآن انا استغرب من الاشخاص اللي يستخدمون القطارات والباصات في سويسرا من الاخون اللي يروحون سياحة...!!
ولكن اعتقد ان السبب يعود الى الخوف من القيادة في أوروبا بشكل عام.
أنا استأجرت سياره في أكتوبر الماضي من بدجت من المطار وكانت في حدود 4000 ريال ولكن لمن وصلت لمطار جنيف ما اشتغلت بطاقة الفيزا فأخذت تاكسي ورحت للفندق وكان في مدينه فرنيية في فرنسا وبالصدفة كان بالقرب من الفندق مكتب بدجت أخر واستأجرت سياره صغيره نوع فيات بالديزل لمدة 12 يوم ب 2400 ريال من التأمين ( لاحظ فرق السعر).
مع العلم ان ما كان معي لا قارمن ولا شئ بس اعتمدت على لوحات الطرق وكانت اول مره اسوق في أوروبا.
انا اقترح الآتي على اللي بيستأجر سياره :
1- سياره صغيره الحجم عشان المواقف.
2- تكون ديزل وليس بنزين لأن الوقود سعره خرافي جدا جدا جدا هناك انا عبيت سيارتي فل مرتين طوال الرحلة في حدود 1000 ريال.
3- إعمل حسابك يكون معاك في السياره على طول Coins عشان المواقف.
السياره يا جماعة فيها عده مميزات:
لا تتقيد بأي مواعيد
تجربة قيادة في الطرق الاوروبية لا يظاهيها شئ
الاستمتاع بالمناظر الطبيعيه والتوقف في اي مكان ترغبة
وشكرا

اعتقد ان يورب كار هو الافضل من حيث السعر
بس من ناحيه امان امان جداجدا
والاستمتاع 100 /100 تصل لاماكن ما راح توصلها بالباصات وبصراحه احنا الخليجين مومتعودين على الباصات والبهدله والانتظار