عن طريق جوجل مابس ممكن تدخل عنوان سكنك وعنوان الجهة اللي ستقصدها و راح يحسب لك الزمن والمسافة وأفضل طريق, مثلا ممكن تجرب ديزني و أي عنوان في سان دييجو
إذا ماخاب ظني بالطيارة من كاليفورنيا إلى نيويورك تاخذ الرحلة ساعتين إذا كانت مباشرة, إحرص على الرحلات المباشرة داخل أمريكا بدلا من دوخة المطارات
ليش ماترجع على الخطوط القطرية من هيوستن؟.
بالتوفيق

هيوستن مب من ظمن المخطط
اتمنى اللي عنده علم يجاوبني على اسئلتي

45 دقيقه بالسياره وعلى حسب الزحمه يا اقل يا اكثر
ودزني اقرب لها اورنج كونتي او انهايم وجنوب لوس انجلس
وسان ديقو تبعد عن جنوب لوس انجلس حدود الساعتين تقريبا
ومن نيو يورك الى سان ديقو حدود ال 6 ساعات بالطياره

استعملوا الكاربول ابو نص ساعة 40 دقيقة اكيد لوس انجلوس اقرب بمراحل لديزني من سان ديغو
بين ديزني وسان ديغو حوالي ساعة و40 دقيقة
الطيارة فوق 5 ساعات
والله يوفقكم

shaaadn
mr_guitar
مشكورين ويعطيكم العافيه ماقصرتو
المسافه بعيده بالطيارة

اذا مصممة على انج تروحين على القطرية انصحج انج تخلين رحلتكم على الساحل الشرقي فيه مدن حلوه عندج نيويورك محطة الوصول ومدينة هيرشي في بنسلفينيا وبالجنوب الشرقي اورلاندو وميامي وتامبا جدا جميلة ..
اما اذا تبون كاليفورنيا احجزو على الاماراتية وعلى درجة الاعمال حلوه تقريبا 15 الف ريال من الدوحه الى دبي والانتظار ساعتين ونص وبعدها الاقلاع للوس انجلوس وبهالمدينة فيها كل شي تبينة من سوق وتمشية وتقدرين تخلين معظم ايام الرحلة فيها , ومدة الرحلة لو بتقطعينها من دبي الى لوس انجلوس 16 ساعه بينما لو بغيتيها من دبي او الدوحه لنيويورك 14 ساعه يعني فرق ساعتين بس اما اذا من نيويورك الى لوس انجلوس الرحلة طويلة 6 ساعات , فا رحلتكم بتكون قصيرة تعب عليكم الافضل من رأيي انكم تحددون يالشرق او الغرب
موفقين
نسيت اقول .. في فندق ذا بيرفلي هيلتون مسوي خصومات على موقع بوكينغ بسعر خيالي انصحج فيه

Stranger Man
مشكور اخوي الله يعطيك العافيه بردك ماقصرت

اخوي انا كنت مخططه على سوفيتل لوس انجلوس
من الافضل بيرفلي هيلتون او سوفيتل لوس انجلوس