روحي امريكا ولا تنسي خذي دورة لغة
بالتوفيق
nemoor1

أختي الكريمة .... مساء الخير
اسمحي لي بالرد على تساؤلاتك .... أولاً من كلامك واضح إنك ودك في السهل
أنا بأشرح لك بالتفصيل وإنتي لك القرار ... ولا تنسي قبلها تستخيري
طبعا .... الدراسة في أمريكا أفضل بمليون مرة من إيرلندا ... وببساطه تقدري تدخلي
تصنيف الجامعات العالمية في مجال إدارة الأعمال (school of business ranking) وتعرفي الأفضل
مميزات إيرلندا :
1- قربها من منطقة الخليج .
2- الدراسة الأكاديمية للماجستير مدتها سنة واحده فقط ((بعد الإنجليش))
عيوبها :
1- ضعيفة أكاديمياً مقارنة بمثيلاتها في أمريكا .
2- ثقل دم أهلها وبرودهم .
مميزات أمريكا :
1- أكاديميا هي الأولى بدون نقاش .
2- كثرة الجامعات والمعاهد .
3- شعب ودود جداً .... عكس ما تصوره السياسة .
4- بها الكثير من الطلبه الخليجيين ((وهذي ميزة والبعض يعتبرها من العيوب))
عيوب الدراسة في أمريكا :
1- البعد .
2- بعض الولايات الشمالية بارده جداً في فصل الشتاء .
أما بخصوص اللغة ..... فسواء عليك أردتي الدراسة في أمريكا أو إيرلندا فاللغة ودراستها شيئ
أساسي
وأنصحك بالإنضمام للمعهد التابع للجامعة التي تنوين الدراسة بها ... لأنك بعدها تقبلك الجامعة
بدون إشتراط الحصول على التوفل .
وبخصوص إختيارك للتخصص .... فأعتقد الموارد البشرية أسهلك من ناحية القبول
لأنها ما تشترط إختبار الجيمات (GMAT) .
ختاما ..... لا تنسي تستخيري وبعدها توكلي على الله .

يعطيك العافيه اخوي ماقصرت عالمعلومات
بس حبيت اعرف اهيه من ناحيه الدراسه سهله؟ لان مافي وقت آخذ كورس لغه انجليزي للاسف

نعم هي سهلة نسبيا ..... يعني تحضري وتحلي الأسايمنتس حقتك وتنجحي بكل بساطه
بس .... لازم اللغة وماعندهم تساهل فيها .
تحياتي لك .