ana_abos3od
الأفضل دائما أنك تدرس اللغة التي تريدها في بلدك لمعرفة مبادئ اللغة و بعدها تتوجه ل البلد صاحب هذه اللغة ....
يعني أشوف انك تدرس ايطالي لمدة 6 شهور هنا و بعدين 6 شهور في ايطاليا و راح تتكلم اللغة بطلاقه .....
لكن الموضوع يبي له تعب و مو سهل أبد ......
و فيه طرق متعددة لدراسة اللغة في السعودية .....
منها الملحقية الثقافيه الايطاليه في الرياض أو جده ....
او عن طريق جامعة الملك سعود ......
او عن طريق أحد المعاهد او الدروس الخصوصية ....
و مثل ماقلت لك ادرس هنا 6 شهور وبعدين فكر في ايطاليا ....

طيب اخوي ايطالي
تقدر تسمي لنا بعض المعاهد في المملكه
وخاصه الى بالشرقيه

اخ ايطالي
شكرا على الرد
كان ودي لو توضح اكثر الله لا يهينك عن اسامي المراكز اللي تعلم ايطالي في السعوديه
وبعدين الملحقيه الايطاليه كيف طريقتهم؟
وحسب كلامك فان اللغه صعبه كثير، صحيح؟
يعني اصعب من الانجليزي؟
تحياتي

ايطاليانو
في الشرقيه ما عندي خلفيه نهائيا .....
آسف اخوي ايطاليانو ....

ana_abos3od
اخوي ابو سعود انا ماذكرت اسماء لأن معلوماتي قديمة نوعا ما ....
يعني المعاهد الي كانت في السابق تدرس اللغة الإيطاليه ما أدري إذا مازالت تدرس والا لا !!
لكن أنصحك بالملحقية بشكل عام و طريقتهم عادية .....
يعني تتعلم الإيطالي عن طريق دروس يوميه لمدة معينه .....
و موقعهم في حي السفارات و تقدر تستفسر من السفارة نفسها ....
أما صعوبة اللغة ف هذي تعتمد عليك أنت !!
يعني ما أظن أن فيه لغة صعبه أو سهلة !!
إذا انت تعشق اللغة و تحب تتعلم راح تلقاها سهله و اذا انت تعتمد على دورات أو شيء من هالقبيل ف لو تاخذ 100 دورة ماراح تتعلم ايطالي ابد ......
اذا احتجت اي استفسار ثاني ....
انا مستعد ...

إيمولتو دفيتشله برمي بارلو ايتاليانو
برافافوره بارلوا اربو
مي بياتشه لتاليا
قراتسي

والله ما فمت أي شي يا أخ كابتن

هذي طال عمرك جمل ايطالية بالحروف العربية

شباب ترا اللغة الأيطالية سهلة ومن اسهل اللغات وحروفها كمان اقل من الانجليزية وبعدين نطقها مو صعب .
اذا حاب تتعلم ايطالي عندي لك طريقة ان شاء الله تنفعك وانا استخدمها في تعليم اللغات والحين الحمد لله صرت اعرف كم لغة بها الطريقة .
اول شيء لازم تعلم الحروف والقواعد علشان تعرف كيف تنطق الجمل صح , بعد ما تتعلم النظري حاول تتعرف على ناس ايطاليين من الشات وهذا احسن , يعني ادخل شات ايطالي في الياهو وامسك المايك ودق لك سواليف مع واحد راح تستفيد منه وتنمي نفسك , تقدر تخصص لك يوم في الاسبوع تدخل النت مخصوص للشات وبس وتقد لك ساعة او ساعتين , او حاول تحتك بالايطاليين في حي السفارات حتى لو تسالهم اسئلة غبية بس خذ واعطي معاهم .
ترا التعليم بدون تطبيق ما ينفع , ولو تبي في مواقع كثيرة على الانترنت تعلمك دروس في الايطالية تقدر تستفيد منها اكثر .
بس اهم شي ء ولازم تركز على هالنصيحه , حب اللغة من كل قلبك وخل فكرك دايم فيها , يعني تخيل انك لو ما تعلمت راح تضيع ههه , امزح معاك بس تعلق بالايطالية مرة والله وانا اضمنها لك ان شاء الله انك راح تحس نفسك ايطالي .
لو حبيتها والله ما يوقف عليك شيء بس خل تركيزك وهدفك تعلمها لان الانسان اذا احب شيء اتقنه وهذة النصيحة من ذهب والله لا تفوتها .
feather