السلام عليكم ..
كل منطقة بأمريكا لحالها دولة وماتقدر تفرها بيومين ثلاثة .. إلا فيغاس يومين كثيرة.
طلعات متفرقة:
أنا طلعت أورلاندو 7 أيام قبل سنة.
نيويورك 3 أيام قبل سنتين وشوي.
لوس أنجلوس 6 أيام قبل 3 شهور.
وسائل التنقل من الشرق للغرب أكيد بالطائرة ..
لكن من لوس أنجلوس لفيغاس مثلاً بسيارة.
عندي جدول مجهز لك لرحلتي للوس أنجلوس قبل كم شهر .. إن شاء الله أنزله هاليومين .. -- ثاني مشاركة لي ومتحمس.
نصيحة .. هاواي 3 أيام أحسها شوي .. وبالعربي .. هاواي يبي لها رواقه ..
سان فرانسسيكو .. كلاسك عالآخر .. لكنها غالية ..
بتروح أورلاندو .. لازم تاخذ بنتك .. = ديزني هناك ..

السكن في أورلاندو .. لما رحت لها السنة الماضية .. حجزت الطيران والسكن والتكت لدزني ..
سكنت داخل ديزني (سكن ديزني)
تركب باص من المطار .. وتروج للسكن .. وتجيك الشنط للبيت بعد كم ساعة (ويمكن قبلك)
كل يوم فيه باصات تطلع من الصباح لأي بارك تبي .. يعني باص ورا باص وكل واحد مخصص يروح للبارك المخصص.
الباص مجاني( من فيمة السكن). السكن نظيف لكن قديم شوي ..
ماتحتاج سيارة طول ما أنت تروح دزني كل يوم .. واليوم اللي ماتبي تطلع دزني .. اطلع استأجر سيارة لمدة يوم ..
في أمريكا .. ومن تجربة ===== انسى التكاسي .
شخصياً .. استأجر سيارة طول اليوم ب 50 ولا تاكسي مشوار ب 20 ..
..

شكرا اخوي ك ا

ترتيبك حلو لكن في بعض المدن حاطي فيها ايام زياده خليها كذه وانته والي يريحك
نيويورك3 ايام
اورلاندو 5 ايام
لاس فيقاس 3 ايام
سان فرانسسكو يومين
لوس انجلوس 6 ايام
(لوس انجلوس قسمها شمال وجنوب 3ايام في الشمال و3 ايام في الجنوب )
والصراحه هاواي مره حلوه
اما عن المصروف
نيويورك لا تأجر سيارة لأن البلد مره زحمه واستخدم التاكسي او الباصات
اما المدن الباقيه فتحتاج سيارة لأنها ارخص من التكاسي والسواقه في امريكا مره متعه
اما المصروف اليومي يعتمد عليكم وعلى صرفكم
nemoor1

تسلم اخوي احمد
بتوكل على الله وبضبط الرحله زي ماتفضلت
الحين باقي الفنادق المجربه من الاعضاء في كل الولايات المذكوره

نيويورك 3 ايام
اورلاندو 8 ايام
لاس فيغاس 3 ايام
لوس انجلوس 8 ايام
هاواي 3 ايام < الرحلة من لوس انجلس لهاواي تزيد عن 5 ساعات ونصف
ممكن اذا ما تقدر تزيد ايام الرحلة كنسل سان فرانسسكو وحط بدالها سان دييقو لانها اقرب من لوس انجلس بكثير
كم عمر بنتك الله يحفظها ؟
وسائل التنقل طيران داخلي وخاصة من نيويورك للوس انجلس ( داخل لوس انجلس التنقل بالسيارة )
الميزانية 5 نجوم ( مصروف يومي اكل شرب غدا عشا بنزين , للشخص الواحد 150 دولار باليوم ) قد تزيد او تنقص
وما تقرره اخي سيحدد ما يتم تزويدك به , , ,
بالتوفيق , , ,

هلا والله اخوي وليد تسلم على المعلومات وخاصه المصروف اليومي افدتني كثير
انا ضبطت الحين هذا الجدول وفيه اخترت فندقين يتم المفاضله بينهم او تبديلهم حسب رأيك الكريم ورأي الاخوان
ياليت تشوف الصوره وتفيدني بلي تشوفه انسب خاصه اني ودي اوفر اكثر بقيمة السكن لو في فنادق مناسبه
بالنسبه للبنت عمرها صغير و قررنا ماناخذها والله يجزاك خير

اتمنى الاقي تجاوب من الخبراء حتى انهي موضوع الفنادق لانه هو الاهم
طبعا اشكر الاخت ام يوسف والاخ امباكت لاني استفدت من ارائهم القديمه بخصوص الفنادق

الكولورادوي
نفس الكلام اللي اقوله... أقل من إسبع بأي ولايه ماله أي طعم... خلاف إن كثرة التنقل تفسد عليك الرحله من ذهاب للطار وإنتظار الإقلاع وصعود الطائرة ونزول... والذهاب للفندق... كله وقت يطوفك دون غاية سوى التنقل الكثير... وبالاخر اللي جنيته تعب ومشقه وعدم إستمتاع بالمناطق اللي مريتها.. خلاف لو حبيت تكرر زيارتك للمكان الي جيته مرة ومرتين ... وثلاث تكون صعبه عليك

تسلم اخوي رحال على متابعتك
طيب دامك تقول اسبوع خل نقول مثلا نخفف من الولايات وتقتصر على
نيويورك 4 ليالي
ومنها الى سان فرانسيكو ليلتين
ومنها الى لاسف فيغاس 6 ليالي وهنا تأجير سياره الى نهاية الرحله
ومنها الى لو انجليس 8 ليالي بين البيتش وبفرلي هيلز
واعتقد لوس انجلس بتغنيني عن اورلاندو على ذمة المشرف امباكت
والعوده الى نيويورك ومنه الى الرياض
يعني الطيران الداخلي بيكون من نيويورك الى سان فرانسيكو
ومن سان فرانسيسكو الى لاس فيغاس
والعوده من لوس انجليس الى نييورك
يعني ثلاث تذاكر
اذا تشوفها اوكي بتوكل على الله وببدا الحجز
لاتحرمني من ارائك القيمه