الدنيا رحله
23-06-2022 - 07:22 am
الكثير منا يسأل ماهي الخطوط الأفضل الأن للذهاب الى اندونيسيا
البعض يفضل السعوديه والبعض الاندونيسيه ( الجاروده ) والبعض على طيران الخليج
لاكن ياشباب اخذوها نصيحه مافي احلى الأن من خطوط الاتحاد سعر معقول 1950 ريال
باقي الخطوط مولعه نار 2600و2450 وانت ماشي
ميزة الاتحاد انها تقلع من ابوظبي على طول لأندونيسيا يعني لو انت طالع من السعوديه الدمام كلها ساعه انتظار في المطار وانت راكب الطياره والطيارات حقتهم جديده الكرسي السياحي يوجد فيه شاشة تلفزيون وافلام منوعه عربيه 30فيلم واجنبيه 30 غير المسرحيات وبرامج الكوره ويعطونك شنطه نفس الدرجه الاولى فيها لوازم السفره
يعني التسع ساعات تمر صاروخ
لا ونسيت لاقول لكم اول ماتركب الطياره يجيبون لك المينيو ويقولولك شتحب تاكل
هذه المعلومات من صديق توه واصل قبل يومين ويحلف ان الكلام صحيح ميه في الميه
