حلوو تخطيط أسبانيا ..
لكن أعتقد 6 أيام في برشلونة .. كثيرة نوعا ما
خلها 4 أيام .. ويبقى لك يومين .. ضيفها بمدينة أخرى في سويسرا

يعطيك العافية اخوي
بس مدري برشلونا يمدحونها كثير وفيها فعاليات كثيرة
لكن سويسرا مشهوره ومااشوف فيها شيء يميزها الا انها غالية
طبعا هالكلام سمعته من ناس مجربين
ااتمنى اشوف ردود الاعضاء
وشكرا

اشديد
شف حبيبنا إيطاليا وسويسرا ما ندري عنها
أما أسبانيا فخطتك تحتاج لشوي تعديل بس قبل كذا لازم تحدد نقطة الوصول ونقطة المغادرة من اسبانيا ولازم أيضا تقول لنا وش هي الأشياء اللي تفضلها مثلا طبيعة والا آثار والا أسواق ... الخ

اخوي زمان انا عارف ان المدن كثيرة شوي
بس انا ودي ازور كل اسبانيا
طبعا راح تكون نقطة البداية مدريد ونقطة النهاية برشلونا وايبيزا قبل برشلونا
انا كل شيء يعجبني لكن الاهم اني اشوف شيء مميز يعني شيء يميز المدينة نفسها
من ناحية الطبيعة مااظن في اسبانيا طبيعة زي سويسرا وفرنسا
وشكرا

اشديد
طيب كم مدة بقائكم في اسبانيا وهل عندكم قدرة ورغبة في استئجار سيارة - وهذي أفضل شيء - أو ترغبون في استخدام وسائل النقل الأخرى
وشيء آخر بس كم عدد المسافرين وأعمارهم لأن برنامجك في اسبانيا صراحة مو مرتب أبدا

حنا 4 اشخاص وااعمارنا بين 23 -25 سنة وراح نجلس تقريبا اسبوعين
وبالعكس حنا مسويين خطه وبرنامج حلو
وراح يكون اغلب التنقل بالقطار ماعدا جزيرة ابيزا بالطيارة
حاولنا نشوف السيارات لكن لقيناها غالية
ممكن تفدينا اخوي بالشيء هذا؟
وشكرا

سلام عليكم
اسمحوا لي بالمشاركة طبعا في اسبانيا
السيارة مو غالية اعتقد معدل اسبوعين بحدود 500 يورو بس البنزين هو غالي
عموما انا انصح بالطائرة اسرع فالقطار بين مدريد وملقا من 4-6 ساعه وبين ملقا لبرشلونة من 14-19 ساعه
اضافة الى ان سعر تذكرة الطيران 70-80 يورو اما القطار من 100-120 يورو كذلك يوجد باص بين مدريد وملقا ب 20 يورو ومدته من 6-7 ساعات
اما ابيزا فهي اغلا منطقة في اسبانيا وما يميزها ليلها يعني ديسكوات وكازينوهات ...الخ
انا اقترح استبدال ابيزا بمايوركا احلا
يعني ممكن يكون الجدول 3 ايام مدريد 6 ايام ماربيا (رحلات يومية غرناطة - قرطبة - اشبيلية) 2 يوم مايوركا واخيرا 3 ايام برشلونه
كذلك اقترح التنقل بين المدن بالطائرة ويحبذ استئجار سيارة في ماربيا (ضروري ومتعةوممكن التنقل السريع بها)
وبالتوفيق

اشديد
طيب زي ما قال لك أخوي الشراح عن السيارة وكذلك عن جزيرة إبيزا وكذلك التنقل بالطائرة لكن بالنسبة لي ممكن أحط لكم برنامج لثلاث مدن برشلونة ومدريد وملقا وطبعا يادوب تكفيكم 14 يوم

اشديد
طيب زي ما قال لك أخوي الشراح عن السيارة وكذلك عن جزيرة إبيزا وكذلك التنقل بالطائرة لكن بالنسبة لي ممكن أحط لكم برنامج لثلاث مدن برشلونة ومدريد وملقا وطبعا يادوب تكفيكم 14 يوم
وبالنسبة للسيارات هذا موقع ممكن يفيدكم
https://www.argusrentals.com