1. السلام عليكم ورحمة الله وبركاتة


2. شكلي غثيتكم بالمقدمة . بس وش اسوي اول مشاركة ولازم أعطي القراء فكرة

السلام عليكم ورحمة الله وبركاتة

هذي اول مشاركة لي . وأنا مسجل في هذا الموقع من سنة بالظبط ولا افتح الا علي الفلبين لسبب بقوله لكم بعدين . طبعا جلست خلال ها السنة وانا اتابع علي الأقل ساعة باليوم كل الأسئلة والأستفسارات من الزوار والكتاب المتميزين في هذا الصرح وعرفت مناطق وأسماء مدن كنت اجهلها وفنادق وشقق و...الخ.
طبعا سبق اني ذهبت الي الوردة مثل ما يسمونها الأخوان . بس انا اسميها دائما (الجنة) أقصد جنة الله في ارضة من هول ماشفت في بوراكاي وسيبو وكانت رحلتي في 6/2004 وما كنت لحالي طبعا . كانت معي زوجتي من نفس البلد من الفلبين . وكنت حاط رجل علي رجل هي الي تفاهم مع الناس في كل مكان بالمطعم بالفندق والسوق أنا علي أامر وهي تنفذ . وعلي فكرة بعض الناس يقول ان ما فيها أمان وأهلها استغلاليين . وانا بصراحة ما أشوف الا أنواع الدلع والترحيب والوجة البشوش وقمة الرقي بالمعاملة .

شكلي غثيتكم بالمقدمة . بس وش اسوي اول مشاركة ولازم أعطي القراء فكرة

الحين نجي الي صلب موضوعي وهو اني قررت الخروج بلا عودة ! لأني يأست وتعبت من العادات والتقاليد اللي شيبت فيني سياره ظخمة ورقم جوال مميز وتلبس وتكشخ وأشياء سطحية تافهة ومن المناخ الطارد للسكان اللي عندنا الين وصلت مرحلة أن البنادول بجيبي ومن الفواتير والمصاريف اللي ما ترحم وكل يوم في زيادة ومن الشوارع المكسرة اللي تكرة عيشتك ومن كثرة هالهنود اللي مالين الشركات ووصلو الحين الي الوظايف الحكومية . واخرها سوق الفلس الأسهم . من هينا انا خلاص ما عاد فيني ذرة صبر . وزوجتي كانت دايم تقولي وش لك بالعذاب هاذا . تعال معي وانا اغير حياتك بالكامل . وعلي شان مااحد يفهم غلط والله العظيم انها ما تقصد استغلالي . ودايم تقول تعال معي ما ابي منك ولا ريال. ابي اعيش معك حياة سعيدة وبسيطة بدون زبركة وديكورات. وانا عن نفسي ظامنها اكثر من روحي .
والخاتمة اقول فيها : الأوظاع كل مالها في دمار . واذا ما الحق علي اللي بقي معي . شكلي بروح فيها ملح
(( 2 تذكرة ذهاب بدون اياب لو سمحت ))