حياك حبيبتي ويسر الله امورك ووفقك في دراستك وكل مسلم وخلا لك الماما .. انتي عزيزتي شوفي الطيران اول لانه المطارات تأثر كثير على الترتيب خاصة المده القصيره للرحلات .. واذا امكن تلاقي حجز الوصول تريفاندروم والعوده كوتشي او العكس يكون افضل واذا ماحصلتي عالاقل خليها كلها كوتشين وابعدي عن كاليكوت لانها بعيده ماتصلح الا في حالة الرحلات الي فوق 15 يوم
ومتى ماوجدتي الحجز المناسب ابشري

منار حبيبتي شكرًا
أبشرك أخيرا لقينا حجز الذهاب كوتشن. والعودة. كوتشن.
ارجوك المشورة نحب الخضار الطبيعة. أكرو الحيوانات. القردة الفيلة احب المطر أكوة الرطوبة
ارجوك ساعدينا

اذا تحبين الحضار والمطر ,, من كوتشي روحي مونار ع طول
انا غدا راجع السعودية على خير
كان خط سيري
ترفاندرام - كوماركوم - تيكدي - مونار - كوتشن
حبيت في ترافندرام
" فندق ليلا كمبنسكي "
خصوصا المحيط وامواجه العالية والجو ليس بالحار ولا البارد
حبيت منتجع " مراري بيتش " قريب من كوماركوم مدري وش اسم المنطقة
المميز فيه انك تكونين بين الاحراش , وكلها 200 متر ,, تكونين على المحيط ,,, وشاطىء رملي عذري قح
في كوماركوم سكنت في " كوماركوم ليك ريزوت " رهيب جدا وراقي
جوه بحيرة على مسبح
رطب شي مع امطار
تيكدي
ماحبيتها ابدا
جوها معتدل الى بارد
وامطار
اما مونار
فاسألي عنها أختي مونار
وعموما اختي مونار ماراح تقصر معك وهي انسانه خبيرة في كيرلا
واحد عوامل نجاحات رحلتي
لا بل أهمها

كويس حبيبتي ربي يجعلها خيره .. واخي عبود ربي يسعدك ويرزقك من اوسع ابواب الرزق ويصلح قلبك وكل من تحب الحكايه مجرد دعم معنوي لا اكثر ولا انا ما كان لي اي دور في رحلتك ومبالغاتك هاذي سببها لطفك الشديد وقلبك الطيب فعلا ماشاء الله
اختي الحبيبه ممكن ولا عليك امر فقط حطي تواريخ وتوقيت الرحلات حتى نحسبها صح وابشري ان شاء الله

هلا والله
الحجز يوم 8/30 لمدة. 9 ايام فقط
لازم يكون في البرنامج منتجع الشلالات الي في كوتشن صورة. في المنتدى. تهوس. شكلي بهاجر
كيف الاكل البحري.
منار انتي. رهيبة وبس

هلا بك حبيبتي وربي يرفع قدرك ويعلي منزلتك .. وبتهاجرين احجزي لي مقعد معك
و الله يصلحك عزيزتي انا طلبت التوقيت تماما حتى نشوف الايام بالظبط لكن على مسئوليتك وما ادري 9 ايام و8 ليلات ولا قصدك 9 ليلات لكن بوزع على 9 ايام واذا فيه غلط عدلناه
واول يوم مباشرة من المطار بشرط يكون وصولكم على اكثر حد 11 الصباح تكون اذربلي في رين فورست ( الشلالات ) واقل الغرف عندهم سعر هي اللوكشري يليلها بريميوم ثم ساليستال والفرق في الحجم ووجود جاكوزي في الاثنين الاخيره وكلها مطله مباشرة على الشلال

• بعدها مونار 3 ايام في كلوب ماهندرا - تيكدي حلوه لكن لضيق الوقت نحذفها لانها قريب جوها من مونار مع كون مونار افضل
• كومراكوم يومين في ليك ريزورت لو تحبين الطراز الهندي لكنه غالي شوي - او زوري عصري وروعه واقل سعر خاصة الغرف العادديه وياليت دام الوالده معك لو خذتي غرفه عاديه بزوري تطلبينها تحت عشان الدرج مافيه مصعد لانه عباره عن دورين مفتوحه على الخارج
• مراري يومين في مراري بيتش ريزورت فيلا بمسبح لو تبون تدللون انفسكم وانصحك بهالشي او عندهم غرف عاديه
• كوتشين يوم في رمادا

هذا ما ارى والله ييسر لك مافيه الخير ويخلي لك امك ويرزقك البر بها وكل مسلم

هلا منار مشكورة
أنا الان رتبت البرنامج كما يلي
اول يوم في رين فرست
ثاني يوم في كلب مهندرا ثلاث ليالي
ليك رزون يومين في كماركوم
مراري بيتش يوم في مراري
رمادا في كوتشن يوم واحد
وكيف البرنامج والسعر 2980ريال.

حياك حبيبتي .. البرنامج تمام لكن لابد تنتبهين لانواع الغرف لما تتفقين مع المكتب .. ووالله السعر اشوفه رائع جدا لشخصين لمدة 10 ايام من اي مكتب عزيزتي

الشرقاوية نورة
اسمع ان اكواخ كلوب ماهندرا زينة
بعكس الغرف