- أو .. ان تكون سيارتك خارج مصر اصلا ...
الى جميع الطلبه خبر خاص وجديد وحصري لكم
أكيد كلنا عرفنا عن خبر ان الوزير منع تجديد رخص سيارات الجمرك لطلبه ..
وبذالك اضطر كثير من الطلبه الى شحن سياراتهم الى بلدانهم خارج مصر ...
أو بعضهم قام بتخزين السيارة في المخزن حتى يتم اصدار قرار جديد من الوزير ويسمح لطلبه بتجديد رخص السياره ..
وقرار الوزير كان بمنع تجديد اي رخصة سيارة لطلبة ابتداء من شهر 9 - 2007 ... يعني الى الأن مضى على القرار هذا تقريبا سبع شهور ولا يوجد جديد
وفي ناس سيارتهم في المستودعات سواء في مدينة 6 اكتوبر او في مستودع الخليج تقريبا ما تزيد على 6 أشهر ..
وتدرون ان السيارة تخرب ........
وبذالك اضطر كثير بعد ما شافوا مافي أمل بصدور قرار جديد أن يصدروا سياراتهم ..
لكن المفاجأه الي محد يعرفها تقريبا ..
إنه يحق لطالب أن يخرج سيارته ويستخدمها بشروط ........ واليكم الشروط الجديده
أولا .. ان تكون السيارة قد قضت فترة 6 شهور إما بإحدى مخازن القاهره سواء مخازن مدينة 6 أكتوبر او الخليج .. او الي في المطار .. وبذالك تعتبر ان السياره خارج مصر وهنا يسمح لك بإستخدام السياره
أو .. ان تكون سيارتك خارج مصر اصلا ...
ثانيا .. أن تكون لديك تاريخ وصول جديد .. يعني لو انت سافرت خارج مصر في الأربع شهور الماضيه يحق لك أن تستخدم سيارتك وتطلعها من المخزن وتمشي فيها عادي .. لكن يجب أن تكون السيارة قد قضت فترة 6 شهور في المخزن .. (( وهنا ودي أقول ان كلنا تقريبا سياراتنا المخزنه قد قضت هذه الفتره من وقت منع اصدار قرار تجديد رخص الطلبه ..
ثالثا .. في حال توفر الشرطين الأول والثاني ..
أعيدهم لكم . الشرط الأول ان تكون السياره مخزنه في المستودع ( المنطقه الحره ) الي سبق ذكرت اسمائهم لمدة 6 شهور ..
والشرط الثاني .. أن يكون لديك تاريخ وصول جديد .. يعني تكون انت سافرت خارج مصر خلال الأربع شهور الي راحت علشان يعتبر انك جيت جديد على القاهره
في حال توافر هذين الشرطين يسمح لك بإخراج سيارتك حتى لو كنت طالب .. وتخرج السياره على أساس أنها مرخصه سياحه .. والوضع جدا عادي .. وبسيط تماما ..
ولا يحتاج منك أن تغير إقامتك .. للذين لديهم اقامة في مصر .. مكتوب في الأقامة ( لغير السياحه)
لا يشترط أن تغير الأقامه .. كل شيء يعني عادي وسهل .
والرسوم ستكون كالتالي .
2جنيه للتأمين على السيارة ..
5جمرك السيارة
و تقريبا 200 جنيه دمغات و أوراق ثانيه
وتعطي 150 جنيه للمخلص الجمركي أو تزودها حبه..
وتطلع سيارتك واشوفك تمشي فيها في شوارع القاهره ..
أتمنى انكم استفدتوا وفرحتوا .. لأن الخبر حيل رائع بالنسبه لنا ..
كفاية انك تقدر تسوق سيارتك فترة 6 شهور جديده
وفي حال طلب أي مساعده أنا اقدر اساعدكم
لدي رقم المستخلص واسمه للراغبين
لأني أنا بعد طلعت سيارتي بالطريقه هذي
تحياتي لكم
