موفنبيك
انا مسافر انا وزوجتي تجديد شهر العسل (شهر عسل تقليد )
وسفرتي بعد اسبوعين وحاب اخذ رايكم بهذه الفنادق وبرامجها ومن له راي يسعدني ان يبديه لي مدة السفرة 18 يوم من غير يوم الوصول ويوم العودة ..
يوم الوصول بكون بجاكرتا بيكون راحه لي ومن بكره اطلع للجبل لمدة 5 ايام بعدها باندونق 3 ايام وبعدها بالي 6 ايام وبعدها ارجع لجاكرتا اجلس 3 ايام واليوم الرابع العودة لسعودية ..
خط الرحلة جيد بس حاول ماتتنقل واجد وخصوصا وقت الصيف لانه متعب متعب
أو 5 ايام بجاكرتا بعدها 6 بالي وبعدها 3 باندونق وبعدها الرجوع لجاكرتا 3 ايام والعودة لسعودية ...
تمام عليك
أول ما أوصل جاكرتا راح اسكن يوم واحد في فندق Gran Melia ومن بكره راح اروح لبونشاك (الجبل ) واجلس فيه 5 ايام ..
فندق رائع واعتقد سعره حدود 800 الف اذا ماخانتني الذاكره
عندي سؤال وش افضل فندق او منتجع في الجبل ؟ هل كوتا بونقا اجد فيه ما يناسبني ؟
كوتا بونقا اعتقد انه صالح للعوائل وكما سمعت ان جياكرتا وشيكرو للعزابيه
بعد البونشاك فيه فندق في باندونق Padma Hotel Bandung ..
للاسف لم اسكن بباندوق ذهبت ورجعت في نفس اليوم
بعدها في بالي اذا احد جرب فيلا فخمة وراقية تطل على البحر ياليت يقولي في اي منطقة لاني محتار للحين ما رسيت على شي ؟
ابي رايكم في The bidadari Luxury Villas and Spa هذه في كوتا عبارة عن غرفة ومطبخ وغرفة معيشة وبانيو ومسبح خاص 200 دولار ..
وعند العودة لجاكرتا راح اسكن في Hotel Kempinsk Jakarta تقريباً 3 ايام .
ابي رايكم في الفنادق وخط السير المناسب بين المدن ...
نصايحكم عن افضل وأبرز الاماكن السياحية في هذي المدن ...
مشكورين على مجهودكم وتعاونكم ...
موفنبيك ...
والباقي سامحنا عليه وانتظر البقية يساعدونك

ننتظر رد الاخوان مايقصروا
والتجديد حلو
الله يسعدكم

أخوي جاكرتاوي
الله يعطيك العافية ... منتظر رد الاخوان والاخوات ...
نسيت شي مهم وهو السائق ..
أتمنى من الاخوان يفيدني بسائق يتكلم عربي ويكون ثقة وسعره مناسب لاني احتاجة في الجبل وباندونق وبالي
اما هنا او يرسل رقمه على الخاص ؟
تحياتي للجميع ..

فقط ملاحظات ورأي ..
جاكرتا الأفضل الراحة بعد الوصول على الأقل يومين وتكتفي ب 4 أيام للجبل فالراحة ضرورية بعد الوصول ..
فنادق جاكرتا جميلة وبالذات الاختيار الثاني لا مجال للنقاش ..
باندونق وفندق Padma Hotel Bandung سوف أعطيك رأي خبير باندونق الغالي HIGHSKY في رد له علي في
أحد مواضيعي عن خيارات السكن في باندونق وهذا هو الخيار ..

بالنسبة للجبل كوتا بونقا عيبها أنها هادئة جداً بالليل ولا أعرف كيف وضعها مع هذا الصيف الساخن !!
ولكن عندك فندق سيروني 2&3 مناسب لعددكم ورائع ك فندق وخدمات أو يمكنك تجربة السكن في بوقور القريبة
من الجبل من خلال هذا الخيار ..
https://artravelers.com
أهم البرامج والأماكن تجدها هنا من خلال هذا الجدول خاصة في جاكرتا وباندونق والجبل وبوقور ..
https://artravelers.com
ويمكنك تحميل هذه الجداول على جوالك ..
https://artravelers.com
بالنسبة للسائق أعتقد التكاسي كافية ووافية لكم كعرسان ولا تحتاج لسائق خاص إلا بالجبل ..

يعطيك العافية أخوي المصباح والجميع
بغيت فندق في بونشاك ابيه يكون في الجبل يطل ع الطبيعة شرايك في hotel seruni واي واحد اخذ فيهم لانهم كذا فندق ؟
وابغى فيلا في بالي تطل على البحر تكون بموقع حلو ؟ ( شرايك في منطقة كوتا و سميناك و نوسا دوا ) ..
وابغى فندق راقي يطل على البحر كخيار ثاني ...
انا مو عاريس بجدد شهر العسل وكثير يقولي خذ سواق في الجبل وباندونق وبالي شرايك ؟
اعذرني على الازعاج بس السفر قرب وهذا اللي ناقصني ...
تحياتي

بالي
تحتار بين الفنادق والفلل وكل الصور تقول الزود عندي
بما أن المده ممكن تكون 5 أو 6 أيام مثل ماذكرت أقترح يكون السكن في منطقتين
بحر مثل سميناك أو نوسادا لأنو كوتا من خلال ماقريت غير مرغوب فيها للعوايل لانو مظاهر العري كثيره
في نوسادا فنادق من أروع مايكون ( نيكو بالي وكونكراد وقراند حياه )
وسميناك منطقة الفلل
والمنطقه الثانيه اللي طبيعتها مثل أوربا هي أبود وكلها فنادق رائعه وفخمه جدا
وان شاء الله خبراء بالي مايقصرون عليك

أم هتونه
الله يعطيك العافية ...
انا رغبتي فيلا والخيار الثاني للفندق افضل يكون مطل او قريب على البحر ...
ابغى اعرف افضل منطقة بحرية ..؟ وحاب اعرف وش الافضل كوتا او نوسا دوا او سميناك ..؟
ابودا .. حلوة بس انا بسكن في الجبل وباندونق يعني بتشبع من الطبيعة ابغى انوع ...
تسلمين على معلوماتك ...