اذا كان ماعندك مانع تقود سيارة فانا افضلها بمليون مرة اولا اوفر ثانيا اريح لك ثالثا اونس بكثير
اذا قررت انك تسوق فيه محلات تاجير سيارات كثيرة في مانشستر استأجر سيارة بنفيقيتور وتوكل على الله فقط خذ البوست كود لاي مكان واتجه
اما في حال انك ما تبغى تقود فالخيار الثاني انك تتوجه الى السيتي سنتر وتاخذ قطار الى بلاك بول اما الليك ديستركت صعبه لانها تحتاج سيارة افضل بكثير بالنسبه لبيرمنقهام ما انصحك بزيارتها لانها خسارة على الفاضي مافيها شي
بالسلامه ان شاء الله

شكرا حبيبة زوجها ويابخت زوجها فيها
آنا فكرت أنه أأجر سياره بس المشكلة أنه في بريطانيا السكّان ( مقود القياده ) علي اليمين واحنا بالكويت السكّان علي اليسار وكلّش مو وقته نسوّي حادث هناك لا وبسياره إيجار بعد وحتي إذا رجعت الكويت بعد اسبوعين راح يكون مفتر مخي :11sted_co ومتأقلم علي القياده بسكان يمين في بريطانيا راح امشي عكس السير هنيه بالكويت لا شعوريا :36_6_1: ... طبعا لو عندك سياره تكون حر نفسك ومتي ما تمشي تمشي ومتي ما توقف توقف ما أختلف معاج .. بس ماني فاهم شنو قصدج او معنات بنفيقيتور ؟؟
في حالة أستأجرت سياره شنو تنصحيني علشان أتفادي المشاكل من ناحية الشرطة والمرور ؟؟ بالنسبة حق مانشستر اول مره ازورها بس لندن و بلاك بيري قصدي بلاك بول زايرهم اكثر من مره.. وبيرمنقهام احنا راح نزور مصنع الكاكاو كادبوري وراجعين مانشستر بنفس اليوم .. وللعلم ضروري نروح التون تاورز , سؤال كم تبعد عن مانشستر ؟؟ لاء شكلي راح اسوّي حادث هناك :36_1_25:
شاكر لج مقدما أختي العزيزه حبيبة زوجها

.’.’.’.
مافيه مثل القطار ..
متوفر في جميع الأوقات .. وريح دماغك !!
وإذا بتستخدم القطار كثير .. ممكن تاخذ لأطفالك بطاقة خصم لأقل من 25 سنة .. بقيمة 23 باوند تقريباً .. ويخصم لك ثلث المبلغ لأي تذكرة ..
.’.’.’.

النفيقيتور هو الماجلان اللي يحدد لك الموقع
اما بالنسبه للقيادة والله ما ادري بس شوارعهم مريحه يعني مرتبه وماعندك ناس تدخل عليك كل شي نظام * نظام
اما النظام فهو شي عادي يعني ماتسرع ماتوقف في المناطق الممنوعه يعني تساهيل اسهل من لندن بكثير واهم شي الاطفال لازم يكونون في المقعد الخلفي ورابطين الحزام والطفل تحت 3 سنوات يكون له كار سيت تطلبه من المحل اللي بيأجرك السيارة
بالتوفيق