وعليكم السلام ورحمة الله وبركاته ::
حياك الله اختي ..والمعذرة للتأخر بالرد .
هل ممكن الاقي شقق بانترلاكن الليلة ما تتعدى 600 ريال ؟؟
يعتمد في اي شهر راح يكون السفر ..وممكن في بعض الشهور يستحيل هذا الشيء .
طيب اذا كان من الصعب هالشي ...هل السكن بالقرى القريبة من انترلاكن مثل برينز ينفع مع عدم وجود سيارة ؟؟ يعني بوجود قطار يمر من القرية و نستخدمه للانطلاق الى انترلاكن و الاماكن السياحية المجاورة ؟
بكل تأكيد نعم ..توجد الكثير من القرى مناسبة جدا للسكن وجميعها بدون استثناء شبكة القطارات تغطيها .
ماهي القرى المناسبة للسكن ؟
جريندوالد ..برينز ..ثون ..شبيتز ..لوتربرونن ...الخ .
جميع القرى الموجودة على البحيرتين ..مناسبة ايضا .
شي ثاني عندي 8 ايام تقريبا او 9 ابي اوزعها بسويسرا وش تنصحوني ...علما ان السفرة 13 يوم 4 منها في باريس والباقي مدري اخليها كلها سويسرا او اضيف منطقة اخرى ...
اتمنى ايجاد حلول لي والله اني متوهقة ومتعشمة فيكم وادري ماراح تبخلون علي ..
شكرا للجميع
طيب ..بالنسبة لسويسرا ..من فين محطة المغادرة ؟؟
هل هي جنيف .؟
لأن ممكن تكون زيورخ او لوزيرن يومين
انترلكن خمسة ايام
جنيف يومين
ممكن بعد ما تحددون المخطط ..وتواريخ السكن في انترلكن بالضبط ..نقدر نفيدكم بالسكن المناسب .
وبالتوفيق

مشكور اخوي ميدو والله ما قصرت
بالنسبة للتواريخ انشاالله من 17-6 الى 30-6 وسويسرا من 21-30 /6
المغادرة جنيف
ياليت اخوي اذا مافيه انترلاكن شقق رخيصة هالفترة ترشح اي قرية اقرب و انسب للسكن بحيث تتوفر فيها مطاعم حلال وسوبر ماركت كروب او ميقروس
بصراحة ابي مخطط اول شي للمدن بسويسرا وبعدين للبرامج السياحية يعني معليش بنتعبكم بس مالنا الا الله ثم انتم واكيد ما بتقصرون معنا
علما اني ما ابي اتنقل كثير بالعفش يعني اتوقع منطقتين بيكون مناسب مع باريس بيكون ثلاث مناطق بحكم وجود الاطفال يكون التنقل بالسكن شوي متعب
بغيت اسال بعد وين تصير الميني سويس ؟
والهايدي لاند هل اقدر ازورها من انترلاكن ؟؟
بالنسبة لزيوريخ هل طابعها مدني ام ريفي ؟
ام بسال بعد وين المكان اللي فيه باراشوت ووش الفرق بينه وبين هبوط المظلات او الهبوط الشراعي وهل يوجد باكثر من مكان ؟؟
جزاكم الله كل خير

http://www.interhome.com/switzerland/bernese-oberland/brienz/apartment-tracht-ch3855.102.1/?locationFilterId=3:10968&accommodationCount=0&sorting=descInterhome&fromLocation=true
وش رايكم في هالكوخ في برينز ؟

الله يعافيكم والشر ما يجيكم ..والمعذرة للتأخر بالرد ..
ياليت اخوي اذا مافيه انترلاكن شقق رخيصة هالفترة ترشح اي قرية اقرب و انسب للسكن بحيث تتوفر فيها مطاعم حلال وسوبر ماركت كروب او ميقروس
بصراحة ابي مخطط اول شي للمدن بسويسرا وبعدين للبرامج السياحية يعني معليش بنتعبكم بس مالنا الا الله ثم انتم واكيد ما بتقصرون معنا
علما اني ما ابي اتنقل كثير بالعفش يعني اتوقع منطقتين بيكون مناسب مع باريس بيكون ثلاث مناطق بحكم وجود الاطفال يكون التنقل بالسكن شوي متعب
خير ان شاء الله ...راح تجي بعد اعتماد المخطط .
بالنسبة للمخطط ..راح يكون الوصول الى انترلكن بعد باريس ..وراح تعملون تبديل في بازل او في زيورخ .
انترلكن أسبوع
جنيف يومين
انترلكن من 21 الى 28
ومن 28 الى 30 في جنيف .
وش رايكم ؟؟
البرامج راح تجي بعدين ..اهم شي المخطط ...شهلة ماعليكم ان شاء الله .
بغيت اسال بعد وين تصير الميني سويس ؟
والهايدي لاند هل اقدر ازورها من انترلاكن ؟؟
بالنسبة لزيوريخ هل طابعها مدني ام ريفي ؟
ام بسال بعد وين المكان اللي فيه باراشوت ووش الفرق بينه وبين هبوط المظلات او الهبوط الشراعي وهل يوجد باكثر من مكان ؟؟
الميني سويس في لوقانو .
الهايدي لاند بالقرب من زيورخ .
طابع زيورخ مدني بحت ..وضواحيها ارياف طبعا .
الباراشوت هو الهبوط المظلي ..ويوجد في انترلكن وهذا الموقع والمكاتب اللي تقدرو تحجزو عن طريقهم :
http://www.interlaken.ch/en/activities-excursions-adventure-festivals/winter-sports-adventure-activities-interlaken/paragliding-and-hang-gliding/paragliding-tandem-flight-providers.html
وعلى فكرة .كوخ برينز مو متوفر في تواريخ سفركم .
وفي انتظاركم

جزاك الله خير اخ ميدو ما قصرت

• من باريس الى انترلاكن بالقطار؟؟ كم المسافة طيب ؟
• انا ناوية استخدم السويس باس بس للحين ماادري اي نوع المناسب اخذه

فحطيت في بالي من باريس الى جنيف طيران اقتصادي وبعدها قطار الى انترلاكن
ماادري وش تقترح بهالخصوص

• طيب هل اقدر ازور الميني سويس وهايدي لاند من انترلاكن ؟؟
• بالنسبة للسكن صح مافيه انا ما شيكت التواريخ بس شفت المكان والسعر حلو

طبعا بالنسبة لي الافضلية للسكن في انترلاكن في حالة توفر شقة ما تتعدى 600 ريال
واذا مو بالامكانية هالخيار ياليت ترشح افضل قرية للسكن مع خيارات الشقق او الاكواخ وطبعا السعر ما ابيه يزيد عن 600 ريال مع مراعاة كونها قريبة من محطة القطار

• معليش فيه نقطة ابي افهمها هل القطارات للتنقلات الداخلية بين الاماكن السياحية هي نفسها اللي للتنقل بين المدن ؟ وهل من نفس المحطة الانطلاق ؟

ابي توضح عندي الصورة بالنسبة للتنقل داخل انترلاكن فيه عندي شوية نقاط ماهي واضحة

• المخطط اللي ذكرته حلو بس اشكالية التنقل ابي اعرف كيف وضعها

يعطيك العافية وشاكرة لك تفاعلك

هذه الشقة بالقرب من انترلكن وتوصلون لها بالباص لمدة اسبوع:.
https://www.booking.com/hotel/ch/derby.en-gb.html?aid=1300939
او هذه
https://www.booking.com/hotel/ch/weisses-kreuz-brienz.html?aid=1300939
او ممكن مراسلة صاحبة الشقق هذه لمعرفة المتوفر :
http://www.homeaway.com/vacation-rental/p767289
وبالتوفيق

* من باريس الى انترلاكن بالقطار؟؟ كم المسافة طيب ؟
.
هذا الموضوع فيه شرح لكل التنقلات بالقطار بين المدن وكيفية الانتقال الى الانشطة .
شرح كيفية حجز تذاكر القطار في سويسرا ..عن طريق الانترنت https://artravelers.com
على موقع القطارات السويسرية ..حطو المغادرة من باريس والوصول الى انترلكن ..وشوفو الخيارات المناسبة .

• انا ناوية استخدم السويس باس بس للحين ماادري اي نوع المناسب اخذه

فحطيت في بالي من باريس الى جنيف طيران اقتصادي وبعدها قطار الى انترلاكن
ماادري وش تقترح بهالخصوص
براحتكم ..على قول المثل ..كل الطرق تؤدي الى روما .
فعندكم بالقطار الى بازل ..وتاخذون السويس فاميلي باس ..وبعدها الى انترلكن .
او بالطائرة الى جنيف ..ثم تاخذون السويس فاميلي باس ..وتطلعون على انترلكن .
على فكرة في مخططكم ..انصحكم بالسويس فاميلي باس لمدة ثمانية ايام
وهذا الموضوع بيفيدكم :
السويس واليوريل باس - تقرير وشرح مفصل https://artravelers.com/p/re/62167

• طيب هل اقدر ازور الميني سويس وهايدي لاند من انترلاكن ؟؟

بالقطار نعم .
الميني سويس ومعاها لوقانو .
الهايدي لاند ومعاها زيورخ او لوزيرن .
والسويس فاميلي باس تعطيكم حرية التنقل على قطارات سويسرا كلها ..والباصات والبواخر ..وخصم 50 % على التلفريكات والقطارات الجبلية .
فراح تفيدكم طبعا ..ولو ودكم تلفو سويسرا فيها .

• بالنسبة للسكن صح مافيه انا ما شيكت التواريخ بس شفت المكان والسعر حلو

طبعا بالنسبة لي الافضلية للسكن في انترلاكن في حالة توفر شقة ما تتعدى 600 ريال
واذا مو بالامكانية هالخيار ياليت ترشح افضل قرية للسكن مع خيارات الشقق او الاكواخ وطبعا السعر ما ابيه يزيد عن 600 ريال مع مراعاة كونها قريبة من محطة القطار
حطيت بعض الاقتراحات في ردي فوق ..واقل الاسعار وقريبة من محطات القطار ..تقييمها لك عليه .
وممكن تتأكدو بنفسكم في بوكنج .

• معليش فيه نقطة ابي افهمها هل القطارات للتنقلات الداخلية بين الاماكن السياحية هي نفسها اللي للتنقل بين المدن ؟ وهل من نفس المحطة الانطلاق ؟

نعم .
مثلا انتم سكنتم في انترلكن ..وتبون تروحون الى قمة تتلس ..تاخذو قطار الى محطة انجليبيرج ..ثم بالتلفريك الى القمة .
وممكن بالباص ..مثلا ..كهوف ساينت بيتس الملحية ..تروحون لها من محطة الباصات الموجودة بالقرب من محطة قطار انترلكن الغربية .
والتنقل ان شاء الله بسيط وميسر .
وبالتوفيق