اقترح عليك الوصول الى جنيف كمحطه اولى واستئجار سياره من الجانب الفرنسي والسكن بضواحيها 4 ليالي (يمكن السكن بديفون فهي منطقة هادئه وامنه ) وتبعد عن جنيف نصف ساعه تنتقلون بعدها الى انترلاكن ساعتين بالسياره تجلسون فيها اسبوع تنتقلون بعدها الى ستراسبورغ الفرنسيه 3 ساعات عن انترلاكن وموقعها استراتيجي فبالاضافه الى انها اسهل نقطة للوصول الى باريس فهي على حدود المانيا وتبعد فقط 40 دقيقه عن ملاهي اليورب بارك (منطقة روست ) و40 دقيقة عن بادن بادن وقريبة من الغابات السوداء ويمكن السكن باحدى هذه المناطق والجلوس لمدة 4 ليالي ثم تسليم السياره بستراسبورغ ولن يكون هناك ضريبة لانها فرنسيه ثم الانتقال الى باريس بالقطار السريع اقل من ساعيتن ونصف (بالسياره 6 ساعات لذلك اقترحت تسلمها وتريح راسك والسيارة لا تحتاجها في باريس فهي عبء عليك ) تجلسون بباريس 4 ليالي بعدها الى محطتك الاخيره لندن اقل من ساعتين بالقطار السريع

يعطيك ألف عافيه أخوي
طيب لو أسلم السياره بأنترلاكن وأنا ماخدها من الجانب الفرنسي كم ممكن تكون الضريبه ؟

يعطيك ألف عافيه أخوي
طيب لو أسلمها في أنترلاكن كم بتكون الضريبه لأني بكون ماخدها من الجانب الفرنسي ؟
وهل الجانب الفرنسي أرخص من الجانب السويسري في الإستئجار ؟

معاذير
اخوي اذا بتسلمها بانترلاكن استلمها من جنيف الجانب السويسري وبعدين ليش تسلمها بانترلاكن ؟؟؟ جمال انترلاكن يكون احلى واحلى والسياره اساسا علشان هالمناطق تحياتي

شكلي بعتمد مخططك اللي أخذ السياره من الجانب الفرنسي :
أولا: لأنه أرخص
ثانيا : لأن القطار من أنترلاكن إلى باريس طويل وفيه تبديل محطات فأروح ل ستراسبورغ منها أتمشى فيه ساعتين وبعدها أخذ قطار سريع ودايركت على باريس ساعتين ونص
وهل فيه شركات الجار بمحطه القطار اللي في ستراسبورغ عشان مااتشحطط أنا والعايله ننزل المحطه ونسلم السياره بنفس المحطه ؟
طيب وش أفضل شركه ترشح لنا أهم شي تكون نوع ممتاز
وكم بيكون السعر التقريبي باليوم في ذاك الوقت بيكون شهر 6 ميلادي سياره تكفي ثمان أشخاص وطفلين
ويعطيك ألف عافيه

أتمنى أحد يرد على الإستفسارات
طيب أنا أبي سكن بديفون ل 8 أشخاص وطفلين تكفون فزعتكم أبي شي بمستوى 4 أو 5 نجوم
وبأنترلاكن عجبتني هذي الشقق بس مكتوب حد أقصى 5 أشخاص وهي فيها 4 غرف هل في مفاوضه أنه ممكن يسكنها 8 أشخاص
هذا رابط الشقق تكفون مره أبي أحجز فيها أفيدوني
http://www.interhome.com/english/switzerland/bernese+oberland/iseltwald/ch3807.201.2
يارب ألقى أحد يبرد خاطري برد يجاوب على كل تساؤلاتي
أبو عزيز - دموع الوجد - خبراء سويسرا تكفون فزعتكم

!!!!!!!!!!!!!!!!!
ليش بوابة سويسرا كذا بالكاد تلقى أحد يساعد
الموضوع من أمس وأنا أرفع فيه ولا فيه أي تجاوب إلا من
https://artravelers.com الله يسعده
والباقين !!!!!!!!!

اخوي اول شي لازم تتاكد من وجود سياره تكفي 10 اشخاص ولابد تكثف البحث لان السياارت اللي تكفي هالعدد محدوده وممكن تسالون عن طريق مكاتب التاجير في بلدكم وتبحثون عن طريق مواقع التاجير في الانترنت
واذا ما لقيتوا وهذا المتوقع غالبا ماتقدرون الاتاخذون سياره بسواق وغالبا تكون ميني باص ويكون شخص يسوقها لان هالنوع لازم لها رخصه معينه وانتوا معاكم رخصه لقياده سياره عاديه
وهذي بتكون مكلفه عليكم طبعا
المخطط انا افضل اللي قال عليه اخوي دايم ولكن تروح بالسياره الى باريس لان القطار راح يطلع عليكم مكلف جدا ومتعب لان عددكم كبير ومعاكم عفش كثير والافضل تبعدون عن القطار واول ماتوصلون باريس تسلمون السياره
لندن بالمخطط اشوفها غلط وراح تضطر تطلع لكل شخص فيزتين وهذا مكلف بالاضافه الى الطيران من باريس الى لندن
المخطط
جنيف - انترلاكن - رست - باريس
بحيث يكون الوصول جنيف والعوده باريس
تستاجرون السياره من القسم الفرنسي من مطار جنيف وتسلمونها في باريس عشان ماتدفعون ضريبه
الشقق اللي ذكرتها رائعه ولكن تكفي 5 اشخاص وانتوا 10 ماشاء الله ممكن تاخذون شقتين من عندهم واحده حقت 5 اشخاص ووحده حقت 4 اشخاص اما انكم تاخذون شقه حقت 5اشخاص لهالعدد مستحيل
فيه شقق برست انا جربتها تكفي الى 8 اشخاص واي طفل اضافي تدفعون عليه مبلغ رمزي ويجيبون له سرير
https://www.booking.com/hotel/de/ferienwohnungen-abendsonne.ar.html?aid=1300939
الشقه رقم 3 تكفي من 6-9 اشخاص مناسبه لكم بس لازم تحجزون اقل شي 3ليالي وهالمنطقه فيه اشياء كثيره حلوه جنبها غير العاب اليورب بارك ممكن تزورونها