اول شي لازم نعرف محطة الوصول و الذهاب
بتاجرون سيارة ولا لا
اذا مابتاجرون سيارة لازم تاخذون السويس باس من السعودية او من سويسرا اول ما توصلون
حابه اعرف اي شهر من السنه يكون الجو حلو وممطر ..؟
سويسرا بالصيف روعة من مايو الى سبتمبر
ايش احلى المدن للزياره ..؟ ورشحولي فنادق سعرها معقول ومكانها آمن ..
جنيف - انترلاكن - مونترو - لوجانو ...
جنييف مدينة عادية لكن منها ممكن تروحين انسي و شامونية الفرنسيات
بالنسبة للفنادق اولا يجب تحديد مناطق السكن
اقامتي بتكون تقريباً 10 ايام هل هي كافيه ؟؟ وكم يلزمها ميزانيه ..؟
سويسرا غالية شوي لكن بالتدبير ممكن الامور تكون زينة
بالنسبه للأكل هناك .. في مطاعم شركات .. وكافييات ستار بكس وغيره ..؟
فية ماكدونالد و المطاعم العربية و الهندية... والكفيهات بعد منتشرة في كل مكان
من خلال تقارير الاعضاء البعض يروح المانيا او النمسا او ايطاليا بالقطار

يا اهلا ياندى..
انا بجاوبك على حسب تجربتي..
اولا انتي موفقه باختيارك سويسرا..سبحان الله اللي يزورها مره يدمنها ..مثل حالاتي كنسلت اغلب دول اوربا..
ثانيا يالغاليه ..
من ناحية الجو..ومن عز تجربتي ..افضل جو ممطر وغيم وجو اوربي من قلب شهر 4 و 5 و 6 ميلادي
اهم شي يوليو واغسطس ابتعدي عنها صيف وحر وزحمه مره ...لاتغلطين غلطتي الاخيره...
كمان شهر 9 ميلادي يعني ذحين عندنا حلو..
المدن والمناطق الحلوه ..
جنيف تراها مو حلوه للسكن شوفي انسي حلوه وقريبه لها ..
زيروخ..انترلاكن,,لوقانو تهبل روعه ,,,منطقة ماينفيلد اللي فيها بيت هايدي وكذا..
الفنادق ياقلبي بحر.. اهم شي اي فندق اسئلي عنو هنا وابحثي بالمنتدى وشوفي اراء الناس عنو...لاتاخذي على عماها...
الاقامه 10 ايام اشوفها كافيه والميزانيه هيا اللي تحدد..
الميزانيه على حسب صرفكم والوقت اللي بتروحون فيه مثلا الصيف الاسعاار ناار واصلا الصيف مو حلو ..لاجو ولا اسعار لاتتعبي نفسك..
الاكل ..ايوه ياقلبو فيه مطاعم شركات وكذا ماكدونالدز برقر كينغ ملياان ..والكافيهات ملياانه ستار بكس اعتقد شفته بزيروخ..
فيه هناك مطاعم نورد سي اكلات بحريه روعه ,,تصدقي ولا مره رحت لمااكدونالد هناك ..كمان فيه مطاعم الاتراك يسموها كباب ..اكلهم حلال ...على ذمتهم ..وطبعا هما مسلمين ..
من ناحية الاكل مره لاتخافي ..ماحتضيعوا..احسن من مطاعمنا اصلا..
من ناحية الدول ياقلبو ايوه فيه ناس يجمعوا اكثر من دوله خصوصا انو اوربا احم احم تتحركي فيها بكل اريحيه اصلا تنسي انك تتنقلي بين دولتين كانك ببلد واحد ههه وحتى نقاط التفتيش والمنافذ ماحولك احد ..
فيهم احترام لبعض مو طبيعي طالما معاك فيزا المانيه تروحي لسويسرا وايطاليا واغلب دول اوربا بكل اريحيه والعكس برضوو
عاادي مره تروحي وترجعي بنفس اليوم اصلا انا سلكت 3 دول بيوم واحد من ميلان الايطاليه الى فرانكفورت بالمانيا مرورا بسويسرا ههه
بس خلي بالك اهم حاجه الفيزا لما تطلعيها تكون لبلد الوصول تجنبا لاي مشااكل. بالمطاار...وبعدها براحتك,,
طبعا ارشح السياره افضل من القطار ...
بالنسبه للغه ..يفضل يكون احد افراد الرحله يقدر يمشي اموره بالانقلش..
بالنسبه للنقااب عادي جدا ..انا شفت وحده بانترلاكن عبايه ع الراس وجوانتي ومتغطيه كامل ..
بس افضل مثلا تغيري لون العبايه تخليها مثلا بيج او رصاصي.. واللثام او النقاب كمان بيج يعني ابتعدي عن الاسود مره ملفت..او عبايه مثلا رصاصي وشيله ملوونه وتتلثمي فيها زي بنات الغربيه اتمنى فهمتي ..
وطبعا نظارات شمسيه وبكذا مايطلع منك شي...اهم شي ابتعدي عن الاسود...
امين الله يرزقنا الجنه,,,وربي يسر لكم سفره حلوه ..