حياج الله اختي معانا ... وان شاء الله ما نقصر
اولا .. المبلغ غير كافي لخمس اشخاص
ثانيا .. افضل شي لكم الحجز بالشقق حتى نوفر شي من المبلغ
ثالثا .. الافضل لكم تاجير سياره فان متوسطه اذا في احد يجيد القياده باوربا .. او تعتمدون على القطارات
رابعا.. مخطط الرحله فينا 4 ايام زيلامسي 5 ايام ميونخ 4 ايام
وانا بالانتظار وبالخدمه

هلا اخوي مشكور جدا على مرورك
طيب اذا كان المبلغ اربعين الف يكفي او لا وبالنسبه للشقق والسياره اقدر احجزها من هنا ولا اذا وصلت النمسا
وايش اسم الشقق اللي تنصحني فيها ومن وين اقدر احجزها وطيب وشكرا مره ثانيه على مرورك
تحياتي

حياج الله اختي .. بالنسبه للمبلغ ما نقدر نحدد الحين ..
نعرف بعد حجز الشقق او الفنادق والتذاكر مع السياره .. حتى نعرف كم المتبقي اختي
اما بخصوص السكن شوفي هاذني الفندقين بفينا سعرهم جيد وبمكان ممتاز بوسط شارع الماريا هلفر .. ممكن تحجزين غرفتين وحده دبل والثانيه ثلاثيه ؟؟ اسم الفندق
NH Atterseehaus .... بمكان ممتاز بوسط شارع الماريا هلفر
الثاني http://vienna.lodgingaustria.com/Europa/
ويقع على شارع Kaerntner Strasse وهو من افضل شوارع التسوق والمشاة في فيينا
اما بخصوص زيلامسي شقق بزيلامسي خطوتين عن البحيره بمكان رائع وممكن تتطلبين منهم شقق لها اطلاله مباشره على البحيره
Zell am See Saalfeldnerstraße 28
Tel: ++43 (6542) 72623, Fax: ++43 (6542) 726234, E-mail:
Homepage: http://www.sol.at/appartement-laimgruber اما بخصوص ميونخ حابه فندق قريب او نختار شقق شوي بعيدهاما بخصوص السياره ما انصحكم تاخذونها بفينا اشوف لو بزيلامسي افضل انا بانتظارج حتى اجيب على باقي الاستفساراتولج تحياتي

اول شي يسلمو على مساعدتك واهتمامك
وثاني شي بالنسبه لميونخ اكيد اذا كان ققريب من اماكن التمشيه والسياحيه يكون احسن وبالنسبه للحجوزات ما ادري احسن احجز من بدري ومن نا ولا اذا رحت في النمسا وبعدين تنصحنا تكون الرحله لفينا دايركت او تكون عن طريق المانيا
وما ادري نحجز من بدري احسن او اذا خليتها لقرب الصيف ما تفرق في السعر لاني بصراحه يكن اروح مبتعثه وما ادري اذا كانت اوكيه السفره
وتحياتي لك للمره المليون

صحيح كلامج اختي لا تحجزين الحين .. لما تتاكدي ان شاء الله وفي وقت طويل على السفره
عالعموم انا مسافر الحين .. وراجع ان شاء الله
ولي تكمله للموضوع بجميع تفاصيله ان شاء الله
تحياتي لكي

أخوي ALI_Q8_77 ياحبي لك .. مبدع دائما وبالخدمه علي طول
تروح وترجع بالسلامه ...... ومن طول الغيبات جاب الغنايم ....
وعلي فكره تري فندق NH Atterseehaus الي علي شارع الماريا فيه عنده غرف ستديو... غرفه وصاله صغيره يعني تاخذ ثلاثه واحيانا اربعه اشخاص...مع الاوفس الصغير ....للاحاطه ولا انت ماشاء الله خبير ولا يشق لك غبار في اوربا ...
لك شكري وتقديري ....

يسلمو للجميع واذا احد عنده اي اضافه
نكون شاكرين له

السلام عليكم
اذا سمحتي اختي مزعجه ابغا انضم معاكي
هم انا ابغا معلومات ونصائح عنها
بس انا لشخصين
وابغا اعرف اسعار التذاكر ومن وين تبداء الرحله وين تنتهي
واي طياران تنصحوني انا جربت الاتحاد بس ودي اغير
وكم اسعار الغرف بالفنادق الي تمدحونها
وعجبتني خطة الرحله
وكيف التمشيه تنصحني استاجر سياره او استخدم القطارات
انا جربت حق ماليزيا ما عجبني مره زحمه يكون غير الطريقه دخوله والدرج الي تطلعه
اسفه طولت عليكم
يسلمو على التعاون

حياج الله اختي .. مزعجه اذا حابه اي استفسارات اخرى بالخدمه
اخوي فهد سلامه جزاك الله خير على التوضيح المهم ومشكور
اختي .. حلمي اسبانيا متى موعد السفر ؟؟ وشنو تحبين اتزورين ؟؟
واحنا بالخدمه