شف يالغالي
انا قبل شهرين كنت هناك
تدري وش اكثر شي تحسفت عليه
تحسفت على جلوسي خمس ايام ببالي لأنها تستحق اكثر من ذالك
ديره تجمع بين الطبيعه والسواحل الساحره وكل شي فيها مميز
من وجهة نظري الجبل يتفوق بشي واحد فقط وهو حديقة تامان سفاري وغير كذا بالي الاروع بكل المقاييس
تبي شوري
خل بالي اول ايام رحلتك علشان تكون ايامك مفتوحه واذا خلصت منها روح للجبل
لأن الجبل اماكنه ومنتزهاته معروفه وقليله مقارنه ببالي
خذ نصيحة مجرب ندم على اضاعة الايام بالجبل
اذا تسمح الاداره انزلك رقم سواق تعاملت معه هناك قمه بالاخلاق والتعامل والاحترام ويعرف بالي بشكل ممتاز
لدرجه انه هو اللي يخطط لنا وين بنروح بكرا وخليت الترتيب عليه
انا مااذكر الاسماء جيداً بس اللي اذكره بقوله
بس عندك شاطئ كوتا وشاطئ جيمبران فيه مطاعم ع البحر رائعه
شاطئ نسادوا فيه العاب بحريه وغوص
منطقة اولو واتو بتشوف فيها منظر خيالي خيالي خيالي فوق الوصف بس احذر من القرده لأنها تسرق اللي معاك
احد القرود سرق النظارات الشمسيه لخويي وهو لابسها وبحركه سريعه جداً بس الحمدلله استرجعناها
هذا منظر من المنطقه بس بالطبيعه شي خيالي
عندك مطعم سارانام لاتنسى هالأسم احفظه زين روعه تفوق الوصف وبتتذكر كلامي اذا جلست فيه ان شاءالله
هذي صوره للمطعم والمطل الاروع
http://imageshack.us Uploaded with
من وجهة نظري الافضل انك تحجز ذهاب فقط ومتى مامليت من بالي احجز العوده وترا الفرق بسيط بين حجز الذهاب والعوده او الحجز بإتجاه واحد
طبعاً السواق انقلش ويطقطق بالعربي بشكل بسيط جداً ومسلم ويوميته 300 الف بعد المكاسر
هذا ماافرزته ذاكرتي

أجابة شافية ووافية من المتميز والخبير بجزيرة بالي أخونا الكبير ( موهوب القصيم )
بيض الله وجهك وجزاك الله خير الجزاء ,,, وتمنياتي لك أخي الكريم برحلة موفقة أن
شاء الله تعالى ...

الله يعطيك العافيه يا اخ موهوب القصيم وانا ارسلت لك رساله عالخاص وبأنتظار ردك عليها
وبأنتظار اراء بقية الاعضاء وتجاربهم

مداخلية يا رعي الموضوع
موهوب القصيم ممكن رقم السواق

تسلم وما قصرت اخوي موهوب القصيم وسفره سعيده اخي الكريم.

https://artravelers.com/p/re/338295
تابع هذي الروابط وانت الى قرر المده والسكن
بالى لاتفوتكم بالى
لو تقدر تجلس فيها اكثر من اسبوع يليت بس الله يعينكم على الصرف

أرى أن خمسة أيام تكفي بالي أيها الحبيب
لكن حاول أن تمر على معظم الاماكن السياحية
الشهيرة هناك , و ذلك بحسن ترتيبها و توزيعها
و أرى أيضا ان تبدأ اولا ببالي , و تجعل بونشاك الجبل
آخر الرحلة بحكم قربها من جاكرتا ..
و ارى كذلك أن تسكن قريبا من كوتا بالي في احد الفنادق المناسبة
حيث تبدأ الأسعار من 300 إلى 500 ألف روبية ,
و لو سكنت في هاريس على الشاطئ فرائع أيضا رغم أن سعره
قد يتجاوز ال 600 ألف روبية ..
و من اهم الأماكن السياحية في بالي
الشواطئ الرملية الساحرة مثل كوتا و دريم لاند
ونوسا دوا و جيمباران ..
و هناك البحيرات الساحرة مثل براتان و باتور و البحيرتان المتجاورتان
بويان و تامبلنقان
و هناك المعالم الرائعة مثل تاناه لوت , و تامان ايون , و أولوواتو
و هناك الشلالات الجميلة مثل قيت قيت , و موندوك
و هناك عدد من الحدائق الجميلة مثل حديقة الطيور , و الزواحف
و الحديقة النباتية كيبون رايا
و لا تنس مزارع الأرز في تيقالالانق , و غابة
القرود في اوبود ..
و الحديقة المائية واتر بوم
و اتمنى أن تمر على تقريري المجموع المريح بدأ من هذا الرابط
فقد كان لي خمس حلقات في بالي
https://artravelers.com/p/re/348068

الطائر الجريح اشكرك عالرد المتوافي للمعلومات

اخوي قصة الم انصحك كثيرا بهذا السواق فجزيرة بالي طبعاً ..
اسمه احسان وانا اضمنه لك شخصياً ..
وهذا رقمه .. 006281353003698
رجل بمعنى الكلمه رجل ..
وصدقني راح يكون لك اخو ..
مو سواق بس ..
وهو يتكلم عربي وحافظ بالي زي اسمه ..
اول ماتوصل جاكرتا كلمه ..
وقوله انا من طرفي ..
راح ارسل اسمي عالخاص ..
وذكره بالاتحاد والفنايل اللي اهديتها له بشعار الاتحاد ..
وراح يعرفك ع طول ..
وبالي كما قال مبدعنا وخونا موهوب القصيم تستحق اكثر من اسبوع ..
تنوع سياحي وطبيعي مذهل وخيالي في جزيرة بالي شي ولا شي يقدر يوصف ..
اهم الاماكن اللي في بالي تقرببا موجوده في مقاطعي ..
خش وشوفها بنفسك وراح تستانس اكيد ..
وبالنسبه للسكن انصحك بنفس شقتي ..
حلوه نظيفه امان سفتي بوكس مسبح شبه خاص استجمام روقان بمعنى الكلمه ..
موجود مقطعها ضمن توقيعي تحت ..
واسمها ساره روزويوت ..
احسان يعرفها تمام ..
تحياتي لك ورحله عسل جميله جداً ..
اخوك .. عاشق الشلالات ..