امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في امريكا US

خبراء امريكا هذا خط سير الرحله شوفوه وعطوني رايكم

لولو2

21-12-2022 - 07:37 pm

السلام عليكم
بحط لكم خط سير رحلتنا انا والعائله الى الولايات المتحده الامريكيه في هذا الصيف باذن الله
الرحله مدتها شهر
نيويورك 6 ايام
اورلاندو 8 ايام
لوس انجلس 12 يوم
لاس فيغاس 5
ويوم روحه ويوم الرده
ها شرايكم ؟؟؟
وفيه سؤال بعد .. اورلاندو تسوى اتعنى لها؟؟

التعليقات (5)

almasuadi*talal

21-12-2022 - 10:54 pm

التخطيط حلو
بس لو تخلو نيويورك 4 ايام
وتضيفو اليومان على اورلاندو
تر اورلاندو تستحق العناء لها
خاصه لو معكم اطفال
ولاتنسو تزرو تامبا لمدة يوم
وسفره موفقه ان شاء الله

alderhim

21-12-2022 - 11:55 pm

لولو2
ما شاء الله ترتيبك للرحلة جيد
بس اسمحلي اضيف بعض التعديل البسيط و هو بما أنك رايح للوس انجلوس
ليش ما تاخذلك يومين أو ثلاثة تروح فيها إلى سان ديجو وهي قريبة جدا من لوس انجلس , و انا أشوف أن خمسة ايام على لاس فيجاس كثيرة نقص منها يوم ومن نيويورك ايضا يوم
و بيصيرعندك ثلاثة ايام حلوين لسنادييجو
اتمنى لك رحلة سعيدة

لولو2

22-12-2022 - 12:56 am

almasuadi*talal
اورلاندو بس فيها مدن الالعاب ولا فيها اشياء ثانيه غير دزني؟؟
وتامبا نطلع لها من وين من اي ولايه وكم تبعد يعني يصير اطلع لها يوم وارج اخر اليوم؟
ومشكور على الرد ما قصرت

لولو2

22-12-2022 - 01:57 am

alderhim
جزاك الله خير على الرد
وبالنسبه لسان دياجو ودي فيها بس ما ودي بكثره التنقل وشيل الشنط على فكره احنا انا وزوجي الكبار بس معانا عيالنا يعني التعب التنقل وشيل وحط الشنط بيصير على زوجي وراح يتعب
المسكين

mazen110

22-12-2022 - 02:58 am

الله يوفقك بسفرك
بس لاس فيغاس ماهي مناسبة للعائلة وخصوصا اذا محجبة