اذا 24 يوم فنصيحة
3 ايام نيويورك
3 سان فرانسيسكو
7 لوس انجلس
3 اورانج كاونتي( ايرفاين او نيوبورت بيتش او كوستا ميسا )
3 سان دييغو
4 لاس فيقاس
1 نيويورك
طبعا التنقلات بين المدن بالسيارة ، فيما عدا نيويورك / سان فرانسيسكو و لاس فيقاس / نيويورك
الفنادق : ان شاء اللة اذا قررتوا علي المدن وحددتوا التواريخ راح انساعدكم بالحجوزات.

يعطيك العافيه
بنوصل لنيويورك الظهر يوم 7 سبتمبر بنقعد فيها الين الاثنين 10
ونروح لسان فرانسيسكو ونمشي يوم الخميس 13
ونروح لوس انجلوس ونقعد فيها الى يوم الخميس 20
وبعدين ننتقل الى اورانج كاونتي ونقعد فيها الى الاحد 23
بعدين نروح لسان دييغو نقعد فيها الى يوم الاربعاء 26
وبعدين نمشي للاس فيغاس ونقعد الين الاحد 30 سبتمبر
وبعدين نروح لنيويورك ونقعد فيها ليلتين واقلاعنا من نيويورك الى للرياض يوم الثلاثاء 2 اكتوبر
وش رايك التخطيط كذا حلو
ممكن لو ماعليك امر تحط افضل الاوتيلات من ناحية الفخامه والموقع والسعر
من ناحية فندق نيويورك محتاره بين كم فندق وانت قول وش الافضل
ملينيوم & كراون بلازا & هيلتون نيويورك & هيلتون تايم سكوير & westin new york times square
وان كان عندك فندق افضل وبنفس السعر ياليت تفيدني
وطلب ثاني تكتب المسافه بين كل مدينة والثانية سوا بالطياره والا السياره
عارفه اني كثرت الحكي بس اول مره اروح امريكا ومرعوبه شوي ...
يعطيك العافيه

انا طالب ادرس في نيويورك .. صارلي ثلاث سنين هناك
وراح افيدك باللي اقدر ..
بالنسبه لتخطيط السفره بيكون متعب لكم .. لان نيويورك في الساحل الشرقي وكاليفورنيا في الساحل الغربي
طياره من هنا الى هناك تقريباً 6 ساعات ان لم تخني الذاكره !
انا اخالف اخواني في لوس انجلوس .. 7 ايام كثيره جداً عليها ! 4 مناسبه جداً
واذا تبون شوري .. خلوكم على ساحل واحد .. اما الساحل الغربي او الساحل الشرقي
الساحل الشرقي : نيويورك و بوسطن و دي سي و اتلانتك سيتي " مثل فيغاس بس ارقى "
الساحل الغربي : لو انجلوس و سان دييغو و سان فرانسيسكو و بورتلاند وسياتل بالاعلى !
لو ولاية فلوريدا مع تكساس ..
" ميامي و اورلاندو و تامبا الهادئه " و " سان انتونيو و دالاس و هيوستن و استن "
مشكلة امريكا قاره ! .. يعني داخلها بالطياره تاخذ ساعات
اتمنى لكم التوفيق !
وعلى فكره الويستن و ملينيوم كلهم جربتهم وجميلات جداً مع فخامه ..

تخطيط جيد جداً......المسافة. حوالي 5 ساعات ونص طيران بين نيويورك وسان فرنسيسكو ونفس الشي بين فيقاس ونيويورك.......6 ساعات بالسيارة بين سان فرنسيسكو ولوس انجلس..... ساعة بالسيارة بين لوس انجلس واورانج كاونتي .... ساعه ونص بالسيارة بين اورانج كاونتي وسان دييغو ....5 ساعات بالسيارة بين سان دييغو ولاس فيقاس
الفنادق انا حاطها بالتقرير...https://artravelers.com"left">من الموبايل

عفوا اقصد هيلتون تايم سكوير ممتاز

شكرا لك اخوي aziz كفيت وفيت
وبالنسبه لاخوي عمر انا كان ودي بولاية فلوريدا بس عشان جوها بيكون سيء هالفترة
واي احد عنده معلومات لايبخل علينا

عندي اقتراح
لو حابه احذف مدينة عشان اخذ وقتي في المدن الثانيه وعشان صعوبة التنقلات وتعبها
وش احذف
سان فرانسيسكو & سان دييغو & اورانج كاونتي
كل واحد يقولي رايه