سائح رومنسي
04-06-2022 - 09:15 pm
أعضاء هذا المنتدى الرائع
الكل يشهد على حبكم للخير والنفع للناس
وهذا يدل على طيب أصولكم
والله يخلي لنا هالمنتدى الرائع اللي عرفنا فيكم وبأمثالكم ..
عندي أسئلة وايد الله يعينكم علي لأنكم حببتونا في النمسا وألمانيا
فلابد تتحملونا .. بسم الله
أنا وزوجتي نحب نمزج بين الطبيعة والتسوق والترفية والتمشي ولا نحب نمشي بالسيارة واايد ..
هذي فكرة بسيطة عن أعضاء الرحلة
أنا ناوي أروح بشهر أبريل ولمدة 15 يوم بإذن الله ..
احنا شخصين وولد عمره سنتين ..المجموع ( 3 ) لا ياشيخ ههه
انا حاط ميزانية 30000 ريال سعودي شاملة كل شي .. هل هي كافية ؟
هل الوقت مناسب , وكيف الأجواء ؟
هل المدة مناسبة ؟
ماهي أفضل خطوط طيران ؟
اذا أخذت التأشيرة من النمسا وانا رايح على مطار ميونخ , هل فيه مشكلة ؟
هل يلزم رخصة دولية لاستئجار السيارة ؟
ماهو أفضل مكتب لإستئجار سيارة , ؟ وكيف الطريقة ؟
برأيك ماهو أفضل جهاز GPS ؟
هل الطريق من ميونخ للنمسا سهل وواضح ؟
أريد جدول للرحلة وعدد الأيام في كل مدينة مع اقتراحات للشقق والتكاليف إن استطعتم ؟
وإذا قدرتوا تحط روابط للأماكن اللي تقترحونها الله لا يهينكم ..
هل فيه معوقات ممكن تواجهني لأني أول مرة أروح لأوروبا ؟
من وين أصرف أو أحول الريالات إلى يورو هنا أو هناك أنسب ؟
الله لا يحرمنا منكم ..
لكم دعوة مني بظهر الغيب إن الله يصلح لكم أولادكم
ويبارك لكم في مالكم ويسهل لكم دروبكم ويعطيكم ما تتمنوا ..
يارب ..
في ابريل راح يكون الجو بارد
وخاصة ان معك طفل فلو تتأجل شهر واحد
او شهرين راح يكون الجو احسن
فيه مواقع للأحوال الجويه راح تفيدك اكثر