السلام عليكم
لو سمحتوا ابي رد سريع وضروري
الحين انا شريت جهاز قارمن من الرياض عن طريق الجوال
طبعا اخوي كان في الرياض قبل فترة يمكن اسبوعين ومر على اسواق هناك في المرسلات وشاف الجهاز وقالي عنه
اخذ رقم الرجال وقال في اي وقت يبي جهاز على طول يتصل ونرسل له الجهاز اللي يبي عن طريق زاجل
طبعا بعد ما قررت اتصلت عليه وقلت شلون قال حول لي الفلوس وانا ارسل لك الجهاز
وفعلا حولت له الفلوس الاحد والاثنين والجهاز عندي
رحت اخذته امس وما اعجبني شكل الكرتون من اول ما شفته قلت مستعمل
وخذت الجوال ودقيت على طول وقلت ياخي الجهاز كانه مستخدم قام يحلف ومدري وش يقول ومن كذب المصاريه المعتاد
قلت احسن الظن واكذب على نفسي واقبل بالحاصل
طبعا يوم كلمته قلت له اقدر اضيفه على موقع القارمن قالي ايوه اكيد
كل شوي اناظر الجهاز وانا اقول والله مو جديد اشوف بعض اللزقات عليه مقشوعه من الطرف
المهم دخلت موقع القارمن اليوم مو علشان اسجله بس قلت ابي ابدا في اضافة الاحداثيات وكانت المصيبة
دخلت وسجلت وشوي قال اشبك الكيبل في القارمن علشان يتعرف عليه الموقع
وشبكته الا هو مطلع لي جهازي واللي هو نوفي 215 دبليوو وقالي انه مسجل من اول !!!!!!!!
الحين دخل براسي مليون شيطان بس قلت مابي اتهور
قولوا لي على كل هالكلام ومع اني عندي شك 99 بالمية ان الجهاز مو جديد بس مابي اظلم الرجال
هل الجهاز مستخدم ولا لا على كل هالكلام السابق ؟؟