ما اتوقع الا بتعريف وكشف حساب ؟؟؟

ايه عادي عنده واسطات و خصوصا لو بيطلعها من جده لان القنصليات هناك سهله مره ..
انا العام طلعتها من الفرنسيه .. عطيتهم الجوازات و صور و تعريف من العمل للوالد .. و ما طلعوا لا كشف حساب و لا حجوزات

طبيعي الواسطه فوق كل شي
عندك القنصلية الفرنسية بجدة
طبعاً الجوازات الشخصية تدخل أول
لكن قدام عيني شفت الموظف اللي في السفاره ، نادى بالأسماء على ثلاث معقبين وخطاهم علينا
طبعاً الواحد ما وده يكثر كلام داخل قنصلية ، تكثر كلام عادي شوتونك بره

اخوي بدر
المعقب اللي تتكلم عنه في اي مدينة؟ وبكم قالك يستخرج لك التأشيره
تحياتي ،،

عبدالله 1987
اخوي/ المعقب في مدينه الرياض وحتى الان ما اتفقت معه على القيمه لكن الرجل مدحوه لي والله اعلم ومتردد اعطيه او وش رأيكم

bader264
السلام عليكم
أخوي بدر يا الغالي ،، بعد السلام والتحية
انا الان في بريطانيا واعرف شخص بيسافر للرياض
وانا ابغى اعطيه جوازي علشان استخرج الفيزا
علشان كذا ابغى منك يا الغالي تعطيني رقم المعقب ،، و أنت وش رايك مضمون الرجال ؟
وهو تبع مكتب او كيف بالضبط
أتمنى منك ترد علي لان الشخص اللي اعرفه بيسافر للرياض قريب
الله يعطيك العافية ولاتهون
تحياتي ،،

عبدالله 1987
اخوي الله يعينك السفاره الايطاليه اول كانت تاخذ موعد بالتلفون وابتداء من ابريل صار عن طريق النت
لذلك الحق على النت لان السفاره الفرنسيه المواعيد حقتها بالنت اخر علمي فيها انه وصل اخر شهر ماي(5)
لذلك تدارك عمرك وشف سفارة بلجيكا او التشيك او اليونان
انا راح ارسلك على الخاص واحد متعامل معه بالرياض انا الان معطيه الجوازات وبسعر 600 ريال للجواز من غير التامين
اذا بغيته قلي وراح ارسله لك على الخاص

zezoo1
هلا اخوي zezoo1 حياك الله
الله يبيض وجهك ماقصرت تسلم
وابغى منك لاهنت ترسلي الرقم واسم المكتب
و أهم شي توضح لي هل يعملون الحجوزات الوهمية وماهي شروط الفيزا
إن شاءلله الله يقدرني وارد جميلك
و شكرا ً الف شكر على جهدك مقدما ً
مع خالص أحترامي ،،