وعليكم السلام ورحمة الله
أهلا فيك عزيزي
ماشاء الله عدد أفراد عائلتك مشابه لعدد افراد عائلتي
إن شاء الله راح تكون سفرة سعيدة للعائلة
أولا عشان أجاوبك على اسئلتك أبي أعرف هل هذي زيارتك الأولى إلى استراليا ؟
هل هذي زيارتك الأولى إلى ماليزيا ؟
لأنك في استراليا اعطيت مدينة القولد كوست حقها بالمدة الزمنية لكن هناك مدن جميلة مثل سيدني ما حطيتها بالجدول !!
أيضا ماليزيا اعطيت كوالالمبور حقها بالمدة الزمنية لكن هناك مناطق ومدن لم تتطرق لها فهل هذا ما تريده ؟ زيارة مدينة قولد كوست فقط في استراليا وزيارة مدينة كوالالمبور فقط في ماليزيا ؟؟؟
إذا كان هذا ما تريده فجدولك جدا مناسب وممتاز بالتقسيم
بالنسبة للنصائح أهم شي انك تطول بالك مع الاطفال وتحاول توديهم لأماكن مناسبة لأعمارهم
والسكن الافضل لك انك تستأجر شقة من غرفتين نوم
أفضل وارخص من الفندق
لا تطلع بالليل بوقت متأخر ، حاول ترجع الفندق أو الشقة قبل الساعة 11 مثلا
الجو بالليل بارد في قولد كوست لذلك لازم يكون معاك جاكيت لكل طفل وين ما تروح للاحتياط
حاول تخلي التسوق والمشتروات تكون في كوالالمبور لأنها ارخص من استراليا
وتخلي ميزانية استراليا للسياحة والترفيه واللعب والرحلات
طبعا في نصائح وايد بس اتوقع انك مسافر من قبل وتعرف كل شي بخصوص السفر لذلك أكتفي بهذي النصائح حاليا
بالنسبة لتكلفة إيجار السيارة ، فهناك يعتمد عليك ، في سيارات صغيره ويكون سعرها رخيص وفي سيارات كبيرة الحجم أو راقيه مثل الالمانيات وطبعا سعرها مرتفع
عموما الاسعار تقريبا تبدأ من 30 دولار باليوم الواحد
أما البنزين فهو غالي شوي
أغلى من عندنا بالخليج
حسب ما أذكر ان السيارة الصغيرة بحجم الكامري تكلفة بانزينها كان 40 دولار استرالي
بخصوص توزيع الايام في ماليزيا جيد إذا كنت مسافر لها من قبل
لكن إذا أول مره تروح ماليزيا فطبعا لازم تغير بالتوزيع وتظيف بعض المدن مع كوالالمبور
عموما هناك بوابة خاصة في ماليزيا تقدر تستشير اعضائها عن توزيع الايام وهم راح يعطونك التوزيعه الصحيحة
لأن ماقدر أجاوبك عن مالزيا هنا بهذي البوابة
بخصوص الفنادق ، قلتلك الافضل انك تستأجر شقة وليس فندق
إذا كنت مصمم على استأجار فندق قولي وان شاء الله ارشحلك أكثر من فندق وانت تختار بينهم على حسب ذوقك وميزانيتك
أتمنى لو تلقي نظرة على التقارير الموجودة في البوابة عشان تستفيد من المعلومات الي فيها
ولو تشوف تقريري الأخير عن قولد كوست اتوقع بتستفيد منه وايد لأن التقرير جديد وعدد المسافرين مثلكم
وإن شاء الله خبيرنا أبو أحمد خبير البوابة الاسترالية وباقي الاعضاء يفيدونك بمعلومات أكثر مني
مع خالص التحية

السلام عليكم اخوي ابو سعود
اولا اشكرك على رد على موضوعي
وعلى فكره تخطيط السفره هاذي كان بعد قراءة موضوعك من اوله الى اخر صفحه فيه اكثر من مرة....
بصراحه تقريرك ولا اروع زاد الحماس فيني
بالنسبه لماليزيا واستراليا هاذي اول زياره لي لها المدن
اما انفراد الجدول لكل من جولد كوست وكوالمبور ...هو خوف من التنقل الكثير بين مناطق بعيده خصوصا مع اطفال.....
خصوصا ان التنقل من سدني الى جولد كوست راح يكون بالطائرة..
السكن ان شاء الله راح يكون في شقق...احتمال كبير اسكن في نفس الشقق الي سكنت فيها في جولد كوست
السيارة طبعا في السفر ما راح ادور على الفخامه....اهم شي سيارة ما تصرف بنزين وايد
وهل فيه شركه افضل للتاجير.؟؟؟
وفي ماليزيا راح اقرا مواضيع الاعضاء
بحكم تجربتك في السفر مع اطفال
ياليت تعطيني توزيع مناسب لماليزيا
او حتى استراليا بحيث يناسب اسره مع اطفال

وعليكم السلام ورحمة الله
هلا أخوي
أشكرك على مرورك ومشاهدتك للتقرير
أتمنى انك استفدت منه وانه حاز على اعجابك
في شغله بقوله لك وانت حر
ليش ما تلقى نظره على تقاريري ملوت سنغافورة ؟؟ خصوصا جزيرة سنتوزا ؟؟
ماشاء الله عيالك مثل عيالي صغار واتوقع ان سنغافورة وبالأخس جزيرة سنتوزا راح تونسهم وايد
منت خسران شي ادخل على تقاريري وشوفهم انت والأهل واتوقع ان سنغافورة راح تعجبكم
خصوصا وانكم بتروحون ماليزيا وهي قريبة جدا جدا من سنغافورة ، أقل من ساعة بالطيارة
نرجع لموضوعك الحين
بما انك قرأت تقريري فأتوقع انك عرفت من وين تأجر السيارات
ادخل على المواقع الموجودة بتقريري وابحث عن سيارة مناسبة لعددكم وان شاء الله بتحصلها بسعر حلو ورخيص ومناسب لميزانيتك
أما البانزين فطبعا لما تكون سيارة 4 سلندر ما راح تصرف بانزين مثل السيارة 8 سلندر
انت حاول تختار سيارة 4 سلندر أو بالكثير 6 سلندر
عموما البانزين صحيح انه غالي هناك لكن السيارة ما راح تصرف بانزين وايد !! لأن اغلب الأماكن السياحية قريبة من السيرفيس بردايز
وأيضا لأن هناك العديد من الرحلات تكون مع التوصيل ، يعني ما راح تحتاج للسيارة في كل مشاويرك أو طلعاتك
أيضا بما انك بتسكن بشقه وهذا افضل شي بالنسبة للعائلة ، ادخل على تقريري وبتشوف الموقع الي استأجرت منه الشقق الفندقية
وحط التواريخ الي بتكون فيها هناك وان شاء الله بتحصل على العديد من الشقق الي بتعجبك
سول + هيلتون + سيركيل اون كافيل + الشيفرون + الكيو ون ..... هذيله اشهر الابراج والشقق الفندقية الموجودة هناك
أما بخصوص التوزيع المناسب فمادري شنو تقصد فيه بالظبط ؟؟
انت موزع ايامك في ماليزيا واستراليا وهذا توزيع مناسب !!
هل تقصد شي ثاني ولا ..... ؟؟

راح ان شاء الله اقرا مواضيعك وبستشير زوجي بخصوص السياره لانها ادرى اي نوع اختار
توزيع الايام اقصد فيه هل اضافه مدن ثانيه بالجدول ...راح اقرا موضوع سنغفورا
ولو حصل وعجبتني سنغفورا كيف اوزع الجدول بحيث اضم سنغفورا للجدوول

برايك الشخصي ايهم اجمل للاطفال سنغفورا ولا ماليزيا ...لاني اخاف من كثره التنقل بين الدول...
بحيث ادرج سنغفورا بدل ماليزيا

لا عزيزي ما أفضل انك تلغي ماليزيا وتحط سنغافورة بدالها
انا اقصد تظيف سنغافورة مع ماليزيا
الحين لو تروح بوابة ماليزيا وتقولهم انا بقضي فيها 10 ايام مثلا وانك تبي جدول لتوزيع المدن والمناطق أكيد بيعطونك جدول مناسب وفيه مثلا جزيرة بينانق أو جزيرة لانقاوي
انا من رأيي انك تلغي احدى جزر ماليزيا وتحط بدالها سنغافورة
بخصوص منو الأحلى .......... انا ماليزيا تعجبني وايد لكن مليت منها وبالفترة الأخيره احس ان الشعب تغيرت معاملته مع السياح
صار فيهم حب النصب والاستغلال
مع اني أحب مالزيا وايد وزايرها أكثر من 6 مرات
لكن سنغافورة أحلى منها بكل شي
بالأماكن السياحية بالرقي بالتحضر بمعاملة الشعب بالنظافة بفخامة السكن
عيبها الوحيد انها غالية
أغلى من ماليزيا خصوصا بالسكن
انت شوف التقارير الحين
وإذا عجبتكم سنغافورة لكل حادث حديث
خلنا في استراليا الحين لأن هذي بوابة استراليا
انت ما تبي تروح سيدني لأنك ما تحب التنقلات
فممكن انك تروح رحلة إلى مدينة بريسبان القريبة جدا من قولد كوست
يعني ما تحتاج تسكن فيها مجرد زيارة
أيضا ممكن انك تروح لأحدى الجزر وتقضي فيها يوم أو أكثر
لكن ما عندي معلومات عن هذي الجزر بصراحة
ان شاء الله خبير استراليا أبو أحمد وباقي الاعضاء يفيدونك أكثر مني
لكن جرب تفكر في إضافة سيدني !!
مثلا لو 4 أيام سيدني و 12 يوم قولد كوست
سيدني جميلة جدا جدا وتشبه نيويورك في عمرانها وشوارعها وحياتها وصخبها
الرحلة من قولد كوست إلى سيدني لا تزيد عن ساعتين بالطيارة يعني مو بعيده
فكر بالموضوع والقي نظرة على تقارير البوابة عن سيدني
يمكن تقتنع
ولا تفهم كلامي اني بضغط عليك أو أجبرك على سيدني
بالعكس والله انت حر بقرارك واختيارك
لكن مجرد نصيحة وقدمتها لك خصوصا وانك ما شفت سيدني من قبل
مع خالص التحية

ان شاء الله رااح اقرا اكثر واشوف مواضيع الاخوان في المنتدى...واقرر البرنامج النهائي...
وجزاك الله خير، ووفقك الى خير ما يحب ويرضى..ورزقك بر ابناءك لك....
سعدت جدا بتفاعلك بسؤالي

عزيزي مشرفنا ابو سعود
يعطيك الله العافية علي جهودك الطيبة
أختي الفاضلة جدولك جيد خاصة للأطفال والتنقل بهم شوية صعب وهم متقاربين في السن ربي يحفظهم ويبارك فيهم
بالنسبة للسكن طبعا مثل ما تفضل مشرفنا الشقة افضل لكم وهناك عدة أبراج احدثها برج السوول ومن بعده إلهيلتون أيضاً
السيركل اون كافيل برجين
الشيفرون ثلاث أبراج
وهناك الكثير لكن وهم الافضل من حيث الموقع ووجود سوبرماركت تحت الأبراج والمطاعم والاحتياجات الأسرية
مشرفنا ما قصر وان شاء الله سوف يكون افضل عون
مع تحياتي

ماشالله نفس الوقت اللي بأكون فيه بإذن الله في استراليا