أولا ألف مبروك وبالتوفيق
ثانيا اختيار موفق جدا لإسبانيا في شهر العسل
لكن تأكد كيف سيكون الجو في تلك الفترة الأخوان أكيد يفيدونك
الخطوة الأولى : حجز طيران من وإلى مدريد
الخطوة الثانية قراءة التقارير المفيدة في منتدى تقارير إسبانيا ووضع خطة مبدئية وتوزيع الأيام على حسب اهتماماتكم
الخطوة الثالثة حجز الفنادق
ثم تعال المنتدى واعرض خطتك واستفساراتك والجميع ماراح يقصرون معك
وممكن تكون خطتك المبدئية
3 أيام مدريد
3 أيام برشلونة
3 أيام ملقا وماربيا
اليوم الاخير مدريد للعودة

يعطيك العافية اختي ام نوري وما قصرتي
وخطة سير حلوه في كل مدينة 3 أيام
وفعلا اهم شي الأجواء كيف بتكون .. اخاف أروح بأجواء البرد .. وانحرم من الطلعات والتمشيات
وبخصوص المدن
هل المدن اللي ذكرتيها قريبة من بعض ؟؟؟
ولك جزيل الشكر

من مدريد لبرشلونة ممكن تروح بالقطار
ومن برشلونة لمطار ملقا بالطيران الاقتصادي
ويفضل اذا وصلت مطار ملقا تكون مستاجر سيارة ومعك جارمن عشان تروح ماربيا ومدن الاثار قرب ملقا وماربيا
مثل غرناطة وقرطبة واشبيليا

مشكوره يا أم نوري على المتابعة بخصوص موضوعي
لكن ما زالت هناك استفهامات بالموضوع
هل بتكون في مطار أسبانيا مرمطه ؟؟ يعني تحقيق وتفتيش وحوسه ؟؟ لاني انا كل شي ولا هالأمور ويمرمطون فيني وحالتي حاله
وهل المدينة غالية ؟؟؟ لأن انا أفكر اروح برشلونه + ماربيا + ( مدينة تنصحوني فيها )
وكم مدة الطيران ... من الرياض إلى أسبانيا
وكم سعر التذاكر من الرياض إلى أسبانيا
وكيف الوضع الأمني هناك ؟؟ خصوصا برشلونه ناس قالوا لي تخوف أمنيا
وهل هناك تحقير للعرب ؟؟ وبخصوص اللغة الأنقليزية هل أقدر اسنع اموري هناك باللغة الأنقليزية ؟

وانا صراحة كان حلم لي اروح لأسبانيا وتفائلت بتحقيق الحلم في موافقة زوجتي المصون انها ترغبها وبالفعل هي برضو امنيتها تروح لاسبانيا وخصوصا ماربيا
ماربيا في وقت رحلتك ما أنصح بها لأنها بتكون مملة تحس أحيانا أنك عايش لوحدك حتى مطاعمها الزينة والعربية أغلبها مسكر
وانا رجل صراحة المبلغ المادي المتوفر لدي 25 الف ريال إلى 30 الف
بيكفي إن شاء الله بس رتب أمورك كويس
وكنت صراحة مخطط الرياض - شرم الشيخ - اسبانيا - الرياض
او الرياض - اسبانيا - مكه - الرياض
أنا أؤيد الخيار الثاني تخلي عودتك على مطار جدة وبعد مكة تجي للرياض
وش أسوي الآن .. انا رجل مالي علم بالفيزا والشنغن والحجوزات وشركات الطيران و و و و
عطوني الآلية المناسبة وش أسوي من الآن
تحجز طيران وبعد الصيف وزحمته يعني في شهر 10 تتصل على السفارة الإسبانية تأخذ موعد وبعدها راجعنا هنا ( صارت مواعيد مستشفى )
لأن حجزي راح يكون يا في 8/12/1432 او في 11/12/1432
حجزك بيكون في 4/11/2011 أو في 7/11 وللأسف السعودية حصلت فيها ذهاب في 5 وعودة في 18 يعني 13 يوم بس بصراحة سعرها مغري 3848 ريال للشخصين
والمصرية أيضا بس في نفس تواريخك
ذهاب في 4 وعودة في 14 بسعر 3792 ريال
ذهاب في 7 وعودة في 17 بسعر 3242 ريال
هل بتكون في مطار أسبانيا مرمطه ؟؟ يعني تحقيق وتفتيش وحوسه ؟؟ لاني انا كل شي ولا هالأمور ويمرمطون فيني وحالتي حاله
لا يا رجل ناس محترمين ولا تخاف بس خلك نظامي
وهل المدينة غالية ؟؟؟ لأن انا أفكر اروح برشلونه + ماربيا + ( مدينة تنصحوني فيها )
الدولة غالية وأنصحك تكون رحلتك بين مدريد ومدن الآثار في الأندلس لأنها الأنسب في الشتاء ولو حبيت تزور برشلونة ممكن
وكم مدة الطيران ... من الرياض إلى أسباني
7 ساعات تقريبا
وكم سعر التذاكر من الرياض إلى أسبانيا
تمت الإجابة
وكيف الوضع الأمني هناك ؟؟ خصوصا برشلونه ناس قالوا لي تخوف أمنيا
ممتاز ولا يخوف ولا شي بس خلك حريص من النشالين ( يدهم خفيفة )
وهل هناك تحقير للعرب ؟؟ وبخصوص اللغة الأنقليزية هل أقدر اسنع اموري هناك باللغة الأنقليزية ؟
لا يارجل العربي محترم هناك أكثر من بعض بلداننا العربية للأسف وبالانجليزية تقدر تمشي أمورك

ياجماعه الرجال عريس خلوا كل سفرته بمكان واحد ولا مكانين
برشلونه 5 وماربيا خمسه كفايه
ولاتمرمط العروس بالخطوط المصريه .. الخطوط الحميريه افضل الموجود من الرياض

اخ زمان الله يسعدك دنيا وآخره قل آمين
وكفيت ووفيت وما قصرت اخي الكريم ورايتك بيضا الله يطولي بعمركاما بخصوص وقت سفرتي في شهر 11 ميلادي
ناس قالوا امطار وبرد وما تقدر تنبسط
وناس قالوا لي الجو بيكون حر لكن احسن من الرياض بمراحل وحر الرياض طبعا
السؤال هنا
لو كانت الإجابة الأولى انها برد ومطر
وين تنصحوني أذهب ... انا رجال قنوع يعني 7 او 8 ايام تكفيني وزود
وبعدها أرجع لديرة ثانية اروح للإردن لأن لي سكن ملك هناك
هل هناك دولة أخرى متاحة
لأن حطيت خيارات تركيا + ماليزيا + سنغافوره + اليونان بما أن لي قريب هناك
او عطونا وش عندكم