السلام عليكم
انا اعرف بس ماراح اجاوب لان النداء موجه للنساء فقط

لول حلوه منك ياكويتي
اول شي حياج الله بديرتج ، بجاوب على اسئلتج اللي اعرف لهم :
بالنسبة حق بنيتج الله يخليها لكم عندج محلات اطفال في الراية اهدومهم وايد حلوه وعندج جم محل في مجمع ديسكفري هم اهدومهم حلوه. ( هذيل بالنسبة لبنتج ) بس اشوي اسعارهم غالية. واذا عرفت من اهلي اي محلات ثانية بقولج ان شاء الله ، نسيت وعندج مجمع العثمان في حولي محل الجناح الاخضر ومؤيد المير والارجوان .
وبالنسبة لج انتي انا انصحج لما توصلين الكويت بالسلامة تفتحين وحده من الجرايد وراح تلقين معارض تارسة الديره وعندهم اشغال واايد حلوه ، وعندج جم محل في منطقة جبلة من خلف الكنيسة دار يوشا وديمة عندهم اشياء حلوة ، وعندج بيت ديفا وبيت شرق عند المستشفى الاميري هذيل فيهم بعد ، ومعرض في قرطبة وفي بالقادسية (قرطبة والقادسية ) تأدكي من الجرايد يحطون اعلانات .
وترا الاغلبية افكار وتصاميم بنات الديره ، وان شاء الله تلقين اللي يعجبج
وافضل سحور من رايي فندق النخيل منطقة البدع ..
ان شاء الله اكون افدتج في شي بسيط وان شاء الله يكفيج الوقت تلفين هالاماكن

أهلا فيج أختي بديرتج الثانيه ...كويتيه متنقله كفت ووفت.
وأحب أضيف على ردها انج تشوفين معرض تلقينه في منطقة قرطبة في صالة سالم العلي راح تلقين تشكيله كبيره من الملابس المناسبه لج ولبنتج. وأيضا في مجمع الرايه في جم محل لملابس الأطفال. ومجمع زهره
المشكله اختي انج يايه فقط لمده يوم واحد وعندنا محلات الأطفال منتشره ماشالله في كل مجمع شي غير ومحلات غير.
أيضا هناك معرض على شارع الخليج يكون مقابل لمستشفى الأميري راح تلقين ثلاث منازل ملاصقه لبعضها وفيها ملابس وجلابيات حلوه وايد لج ولبنتج واسمهم ((بيت ديفا))

هلا والله وغلا فيج
ربي يحيج في ديرتج
الرايه حق نفانيف البنوتات حلوه وذربه
وعندج برج جاسم قبال دسكفري
فيه محل حق سنتين زوغه بس ماركات
واذا مو حابه ماركات عندج مجمع زهره فيه محل
ايب نفانيف حلوه بعد حق البنات
وحقج .. دار يوشا منزله نفانيف قصيره تينن
دار يوشا ورا الكنيسه بالديره
موفقه
نور

تبين لك روحي مثل ماقالو دار يوشا وبيت ديفا
بس معارض لا تروحين دايم اقرا انهم مو كلهم بس بعضهم ينصبون بالاسعار وبالاقمشه يعني بعضهم يشترونها برا برخيص
ويبيعونه بالمعرض باغلى
فا احسن بعدي عنهم