في محلات بالمباركيه وين مكان اللي يبعون الجبن والزيتون قريب من الصيارفه اهني بتلاقين كذا محل متخصصين بالملافع واسعارهم بصراحه حلوه ورخيصه حيل بالمقارنه بالمحلات الثانيه بس يعتمد علي نوع الستراس واسعارهم مابين 10 دنانير
و18 دينار وبتلاقين نفس الملفع بالمجمعات والمعارض سعره تقريبا فوق 30 دينار

في محل في مجمع المثني أسمه الملفع وايد حلوه حجاباته وأسعارها مناسبه وكلها شوارفسكي

تسلمون حبايبي وماقصرتو ،تصدقون أسعرهم في الدوحةعلى 350 ريال

حبيبتي سحر الليل في عندنا محلات وايد للملافع والشوافسكي بس هم في الغالي والرخيص بعني بتلقين تقريبا بين ال10 د.ك الى 25 د.ك حلويين وراقين وشغلهم يجنن بس هم في فوق ال25 د.ك يوصل لل 50 د.ك وزود بس هم خطيرين حلوين حيل بس والله حتى اللي ب12 او 18 او 20 حلوين وموبس اشوارفسكي لا يكون بالملفع قصات وشغل في محلات بسوق الفروانيه =مجمع مغاتير والعربيد بلازا والنمران / الفحيحيل= مجمع الدبوس / الجهرا= مجمع واره الخيمه مول / و تلقين مجمعات داخلهه سطرت محلات اسامي المحلات ( ابو كنان- المشعل -الحلوه - ليالينا - بلاك مون - الفيصليه -مهاتي - هذول اللي فيبالي الحين وان شاء الله اكون فدتج ..

هلا أختي وحياكم بالكويت
وعن ملافع شوارفسكي موجود محل بمجمع كويت ماجيك يبيع الملافع بسعر رخيص وتختارين الموديل واللون والأسعار من 5 دنانير