اعتقد مع هذي الميزانية الافضل تقلل المدة الى عشرة ايام....

حياكم الله
بخصوص المبلغ ان شاء الله يكفي
لندن تحتاج اقل شي اسبوع وفرنسا كذالك
افضل شهور للسفر شهر 4-5 و 9 - 10 ميلادي

RudaAli
والله هو النقاش كان بيني وبين المدام حول المده خاصه لندن لاني قد رحت لها وجلست يمكن اربع ايام وكنت اركض ركض انا واخوي عشان نشوف اقدر كم من المعالم، ولأن تخطيطنا كنا نبغى نزور كم مدينه في بريطانيا ووقتنا محدود فكنا نمر مرور الكرام على بعض الاشياء، لكن بالمقابل كل مازادت الايام كل مافتحت مجال للصرفيه اكثر
ومع حسبه سريعه لسفره في شهر 11 ميلادي الي اتوقع بيكون برد
التذاكر لشخصين تقريبا 5000 ريال
والسكن في فندق في لندن 4 نجوم مستواه حلو قد سكنت فيه عند الهايدبارك تقريبا ب 8000 لتسع ليالي
باريس لقيت سكن قريب من برج ايفل ربع ساعه مشي على الرجول عشان توصل البرج نفسه وست دقايق توصل للحديقه الي على امتداد البرج تقريبا 5000 ريال لتسع ليالي
سعدت بمرورك واثراءك، خلني اشوف هالشهور كيف الحجوزات

اخي الفاضل شهر 11 دخول فصل الخريف والهواء البارد جدا ولا راح
تستانسون اللي بالمجمعات فقط
خلك في الاشهر المذكوره اعلاه
افضل شهور للسفر شهر 4-5 و 9 - 10 ميلادي
اما فرنسا لازم فيزا الشنقن معاك غير فيزا لندن للتوضيح فقط
رحله موفقه يارب

35 الف ريال تكفي اسبوعين وليس عشرين يوم

أبوعبدالله
تبي الجد انا من بديت اخطط وانا اقول هالميزانيه حقت اسبوعين عشان اكون موسع صدري
وعشان كذا جالس من الحين اخطط واحسب واشوف
سعدت بمروركم

انا جلست في لندن 10 ايام وفي باريس 10 ايام المده حلوه للي مايمل بسرعه ويحب يتمشى على رواق ويعطي الديره حقها
..
الميزانيه لو تزيدونها افضل او قلل المده..
الله يسهل اموركم

مسافره 27
جابك الله، عجزت أقنعها وهي مصره ان 20 يوم كافية
انا الان افكر اخليها 14 يوم
أو أن الميزانيه تزيد إلى 40 ألأف شاملة التذاكر
تقول الناس يختلفون في الصرفية، وتقول هي انا ابي بنت، الأولاد غير البنات
كيف كانت صرفيتك اليوميه
واذا كان عندك خبر عن سعر الفندق في الليله تقريبا كم كان
لقيت في باريس فندق ب 400 ريال تقريبا لليل ومطل على برج ايفل ومرتب لكن حجوزاته فل اغلب الاشهر

من رأيي تخليها تخليها 9 أيام لندن / 5 أيام باريس
أفضل شهر أكتوبر .. و دامك ما تبي حقين الإجازة .. آخر يوم في إجازة السعودية حقت عيد الأضحى 10 أكتوبر
خل سفرتك من 15 أكتوبر إلى 29 أكتوبر مثلاً
بيكون الجو رائع جداً ..
بالنسبة للفنادق حالياً فيه خيارات كثير بلندن و باريس و بأسعار معقولة جداً
ألحق أحجز الحين (حجز قابل للإلغاء المجاني) عشان الأسعار ما ترتفع