عليكم السلام
الصراحه... لايوجد فندق في بالي أو لنكاوي يخلو من هذا الكائن وعلى فكره الاندونيسيين والماليزيين لايعيرون اهتماما لهذه النقطه فهم يرونه كائن مثل أي كائن آخر ويعتبرونه مسكين لا حول له ولا قوه ...
وخيرا فعلتم ان استبعدتم لنكاوي في حالتكم هذه وهي (الخوف من الوزغ) لأن الوزغ يسرح ويمرح في لنكاوي من غير رقيب أكثر من أي جزيره أخرى بعكس بينانق حيث لايوجد فيها هذا الكائن وهذا محل أستغرابي فعلا ...

الله يعطيك العافيه اخوي على الرد والاهتمام

ههه والله يالوزغ مسبب رعب
طيب بقولك شي بالنسبه للاخ يقول ما يهتمون يخي انا اطرده بكل مكان يخرب بيته يا سرعه .... كيف تبي هم ووعندهم بكثره {{ لا تخافين }} يعني وش بلحقون
بس فيه منتجع الريم في بالي صراحه لا يعلى عليه تعطي تنبهاتك لهم من بدري وتاكدي يا اختي لو صار فيه شي بيكون لهم ردة فعل تعجبك مع اني ما شفت شي هناك {{ زياره ولم اسكن }} وبالنسبه للفنادق فيه فندق
فندق هارس في كوتا صراحه الكل يمدح نظافته
وفي فندق نوسا دوا بيتش ب منطقة نوسا دوا برضوه وهذا سكنت فيه يومين ما شفت شي \
وتمناتي لك برحله تخلو من الوزغ

والله انها فوبيا من الوزغ رعب مو طبيعي من جد الله يكفينا شره بس
طيب منتجع الريم هذا فين موقعو بالضبط
واما فندق نوسا دوا بيتش انا ماابغا في المنطقة هذي لانو الفندق اللي اخترنا في نفس المنطقة وحابين نغير شويا
يعطيك الف عافيه عالرد
وتمناتي لك برحله تخلو من الوزغ

عند شاطي الدريم {{ خطاء مطبعي }} ...
وهذا تقرير خبيرنا
منتجع فلل دريم لاند الفاخرة The Dreamland Luxury Villas & Spa (حصرياً بعدسة أبو سامر)

آه على فكره... الوزغ من ذوي الدم البارد يعني مايعيش الا في الأماكن الدافئه يعني الغرف مراح يدخلها مادام التكييف شغال يعني لاتطفونه حتى لو انتم راح تخرجون للنزهه وعادة انتو راح تقابلونه بس في الممرات أما في الغرف فلا ... يمكن أول ماتدخلون الغرفه في أول يوم عشان هم يطفون التكييف يمكن تشوفون لكم واحد يصروعكم ويسوي لكم اللازم لكن مجرد ماتشغلون التكييف مراح تشوفون شي وعلى هالطاري خلوني أسليكم بهالسالفه/ هذا مره من المرات قلنا خلنا نغير فندقنا اللي دايم نسكن فيه (سانتيكا) ونجرب فندق ثاني.. رحنا فندق بالي قاردن وأول ماجينا دخلت الغرفه أنا في الأول وهذه عاده واجد زينه (أترك عنك اللي يقول ليديز فيرست) وكان التكييف مطفي والغرفه دافيه لمحت وزغ بالغ لكن المدام لسه ماشافته لأنه بحركة شطاره منّي خليته يتخبى ورى المنظر اللي معلق فوق السرير ...أستلمنا الغرفه ودوغري على الحمام عشان أسبح من بعد تعب الطياره وتوني حاط الشامبو في راسي الا المدام تصرخ وتهجم علي في الحمام أثاري هذا الشاطر حس بالبروده قال خليني أطلع بره أبرك لي... طلعت انا ورغوة الشامبو في راسي عشان أتخلص من هذا الضيف الثقيل ولكن بسرعه تخبى ورى الدولاب طبعا في هذه الحاله كان لابد من طلب النجده من الهوسكيبنق لأنهم أبخص منّي في هالأمور... جا واحد وكان واضح انه مايبغى يؤذي هذا الوزغ لأن ماكان يحمل أي سلاح (السلاح طبعا هو المكنسه للقتل الفوري أو البف باف عشان شل الحركه ومن ثم اصطياده) ويوم قلنا له المشكله ضحك وقال هذا واحد مسكين وغير مؤذي...المهم قام يضرب بأيده على الدولاب لين تورمت أيده عشان ينقذه منّا وليس العكس والضيف الثقيل موب راضي يطلع الا بكيفه موب غصب عنه (يعني وزغ بس عنده كرامه) وطوّلها الأخ قالت المدام صار عندنا ضيفين ثقيلين وحتى لو طلع الوزغ ماراح يجيني نوم في الغرفه هذي....طلبنا تغيير الغرفه وغيروها لنا بزياده عشان ان أستخدامنا المناشف والصوابين على قولتهم (الله عاد من المناشف يا بالي قاردن المخيس) ومن بكره الصبح شيك أوت وعلى سانتيكا بريمير...

اخر قرار اتخذناه فندق كوتا سيفيو 3 ايام وفندق نيكوبالي يومين
وربنا يسهل
شكرا لكل من رد علي

ههه
قصه رائعه يااخوي ميركوري ..
فعلاً الوزغ هناك شئ معتاد جداً ..
سكنت في جاكرتا بااستون راسيونا لم اشاهده الحمد لله ..
وسكنت في بالي في شقق سارا ..
http://www.sararesidence.com/main/
وايضاً لم اشاهده ..
اهم شئ في السكن ثلاث اشياء ..
التكييف .. النظافه .. الامان ..
وكلها الحمد لله وجدتها ..
في سكني في جاكا وبالي ..
بالتوفيق اخي الكريم ..

M.G.d
هلا ومرحبا
كوتا سيفيو؟؟؟!!!!!!!!!!!!!
هذا الفندق للعلم فقط رايح تشوف الوزع رايح جاي وربما تشوفه يمشي على الأرض وفي دورات المياه وعند الإستقبال وقريب من المطعم
بإختيارك لهذا الفندق
انت كالمستجير من الرمضاء بالنار ههه
تحياتي