تقصد ما يسمى بالقز ( وهي حلوى إيرانية بيضاء )
تجدها بالمحلات التي تبيع المواد الغذائية بسوق المباركية ( ستجد منها أنواع مختلفة ) والاسعار من دينار إلى دينارين ونصف حسب الحجم والجودة

فهد الأحمد
صحيح هي حلاوة إيرانية بيضاء تشبه الحلاوة الطحينية لكن طعمها يختلف... لكن شلون يعني أنواع مختلفة؟ قصدك نكهات مختلفة؟
وهل اسمها المعروف في الكويت القز؟؟
وهل هي مشهورة و مرغوبة في الكويت؟
وايش أحسن محل يبيعها؟
واشكرك أخي فهد على مساعدتك
واتمنى من الأخ فهد والاخوان اللي يقدرون يفيدوني بهالأسئلة يشاركون
وجزاكم الله خير

بالنسبه لحلاوه ( القز ) دايما ناخذها من منشأها الاصلي ( اصفهان )
بس ما شالله محلات الحلويات اللي اصحابها ايرانيين ما خلو شي من ايران ما يابوه فاكيد تحصل هالحلاوه عندهم ومحلاتهم موجوده في سوق المباركيه العماره البيضا ( الميزانين )
وهنا وعافيه مقدما

الملك
الله يعافيك
ماشاء الله عليكم تجيبونها من أصفهان!
وشنو يسمونها بإيران؟؟ ودي أطلعها بالنت
شكلي همي على بطني :36_13_5: ههه لكن صدقوني السالفة غير ههه
ودي أجيب كميات

أخوي هي غسمها قز ( طبعا هذا إسمها بالإيراني) ومتعارف عليها بالكويت بنفس الغسم
أما الأنواع فاقصد بها الجودة حيث أن هناك مصانع مختلفة تصنع هذه الحلوى ، وهي إنا تكون سادة أو معها مكسرات ( فستق) او مع شوكلاتة أو بسكوت
والأطيب هي مع المكسرات وعند الإختيار إبحث عن الحلوى اللينة وليست اليابسة الصلبة لأنها اطيب.
وهناك نوع آخر يسمونه القز الطبيعي وهو سادة ومعاه سكر مطحون يرش عليه هو أغلى ( ممكن دينارين ونصف)
هاهاها أثريني خبير بالقز وانا ما أدري !!!!
تصدق يمكن صاري اكثر من سنة ما أكلته ( لزوم الرجيم)

أشكركم اخواني
رحت للكويت ورجعت ولله الحمد
حلاوة نهر خوز اللي أقصدها طلع اسمها "البشمك" في الكويت
حصلتها في سوق المباركية وأخذتها من محل إيراني نسيت اسمه وكانت روعة، مع اني سمعت بعدين انه الوطن يسويها أحسن
في راي الأخوان الكويتين، ايش أفضل: حلويات الوطن أو المجاهد أو الشمالي؟

الحمدالله على السلامه
شوف اخوي ........ الناس اذواق بس اعتقد انه الافضل هو الشمالي خصوصا الدرابيل

هالمحلات الثلاثه بدت تروح عليهم ,, اخذ من هيل وزعفران حلو وشكله حلو وذرب وفيه نفس الي يبيعونه بهالمحلات موجود في الجابريه يم مكدونالد وفيه بالمطار فوق