نشر في سويسرا

حسبي الله ونعم الوكيل فيكم يالسفارة السويسريه

السعاده

19-06-2022 - 10:03 pm

توونى جااي من السفارة السويسريه ومحروق قلبي منهم
قبل اسبوعين عطوني موعد على اليوم وقلنا الحمد لله يمدينا على السفر لانه الفيزا تاخذ 15 يوم على كلامهم الله اعلمه الاطفال وا بصدقهم
لمهم رحت واخذت معي العايله الاطفال وامهم واوراقي كامله ماناقص شي ابدا
لما جيت عند الشباك وشافتها موظفه الاستقبال اللبنانيه الحقوود قالت لا لا ناقصه قلت ايش اللي ناقص
قالت كشف البنك لازم يتصور نسخ بعدد الجوازات قلت طيب الحين دقيقتين اصورة واجي قال لالالالا خذ لك موعد جديد تصوروا موعد جديد !!
ورحت للحارس واعطاني موعد بعد اسبوعين!!
المشكله تذاكري غير مرجعه والا كان والله ار جعهم واسافر للشرق بلاذل ولا اهانات السفارات الاوروبيه
الموظفه تحاول تطلع اي نقص باوراقي عشان ترجعني
ومرة يقولون لي جيب العايله ومرة يقولون مايحتاج !! يحاولون يضيقون علي باي شكل
حد حصل له مثلي وهل تتوقعون بيعطوني الفيزا والا لا عشان ماتعب عمري اذا مافيه امل !!
حتى بالتليفون لما اكلمهم كل وحد يرد ويقول شكل مادري من اصدق وهل صحيح الفيزا با
5يوم تكون طالعه
ا
لانه يالله يمدينا على موعد الرحله
حسبي الله عليهم يعني عشان تصوير اوراق تعطليني اسبوعين

التعليقات (9)

aboaziz

20-06-2022 - 01:23 am

والله ما اقول الا الله يعينك
وعسى ان تكرهوا شي وهو خيرا لكم
وكل تأخيرة فيها خير يا أخوي
كلهم للأسف غير متعاونين وغير متفهمين انه هذا باب رزق لدولهم وانهم هم الخسرانين في نهاية المطاف
والسبب العينات اللي حاطينها في واجهة السفارة
الوضع جدا مختلف في داخل السفارة واعني القنصل أو السفير
اتمنى ان تراجع معاي في المستقبل أوراقك حتى لو عن طريق الهاتف
وخاصة اذا اخذت الموضوع كشيك ليست تعمل صح امام كل طلب حتى نهاية الطلبات
المره الجاية خلني اسوي لك حجز الموعد
يكفي الواحد يدق عليهم ويرطن عليهم بالفرنسي ويعظمون سلام
للمعلومية العمالة اللي تعمل في السفارات والقنصليات فيها عنصرية ملحوظة وأهداف مخفية يستفيد منها الغير
هذا ما لاحظته شخصيا
والله يهدي الجميع
لا تشيل هم الموعد لأني انا بعد اخذوا جوازي وقال لا تورينا وجهك الا بعد 10 ايام
واذا احتجته (وهذا ماحصل) تعال خذه ورجعه لنا مره
المشكلة ان موعد استلام جوازي رح يكون الأسبوع القادم قبل سفري بيومين
لكن ان شاء الله مطمن اني راح استلمه بالموعد المحدد

دمعة 2009

20-06-2022 - 02:24 am

والله شي يقهر بكل صراحه
ينظرون الى العرب نظرة اعوذ بالله منهم
رببي يسر امورك ان شاء الله
وكفوو يا بو عزيز اذا لك حل لذا العائلة لك الاجر ان شاء الله
ومع التحية

السعاده

20-06-2022 - 03:25 am

ماتقصر يالغالي ابوعزيز الله يجعلك ذذخر
دمعه 2009 شاكر مرورك
وبصراحه ياخوان الشرهه ماهي عليهم الشرهه علينا اللي نربحهم ونروح دياارهم والله الشررق روعه وتعاملهم ممتاز السنه الماضيه كنت بكوريا شعب متطور باخلاقه وتعامله بس حنا الله يخلف علينا ندور الشقى والااوربا وش بها زوود مليناها وحفظناها صم مادري شنبي بها
الحين عرفت ليش الخطوط السعوديه عامله تخفيض كبير على ت
الحين عرفت ليش الخطوط السعوديه عامله تخقيض كبير على تذاكر اوربا لانه ماحد له رغبه يرووح وياذي نفسه
عكس رحلات الشرق لاتخفيض ولايحزنزون مايحتاج اصلا الاناس راايحه رايحه للشرق لو تغلى التذاكر الناس رايحه تدور راحتها ماهوو تجيب لنفسها الهم
ابوعزيز تعرف المدينه اقريبه من سويسرا ليكنشتاين
مادخلت بالشينقن قلت للموظفه عطوني ملتي فيزا عشان ليكنشتاين ادخلها وارجع ثانيه لسويسرا طالعتني بنظرة وقالت كمل اوراقك وبنشووف
ولو دخلت ليكنشتاين وانت مامعك فيزا شينقن ماراح ترجع لسويسرا
شروطهم تقولون الواحد بيدخل الجنه
ابوعزيز ضروري اسحب المدام والاطفال ثانيه والا بعد يرجعون وتروح علينا السفررة

aboaziz

20-06-2022 - 04:26 am

بصراحه ياخوان الشرهه ماهي عليهم الشرهه علينا اللي نربحهم ونروح دياارهم والله الشررق روعه وتعاملهم ممتاز السنه الماضيه كنت بكوريا شعب متطور باخلاقه وتعامله بس حنا الله يخلف علينا ندور الشقى والااوربا وش بها زوود مليناها وحفظناها صم مادري شنبي بها
مدري والله كل سنة نفس الغثى وانا اخوك لكن بمجرد وصولي هناك ينتهي كل شي وانسى كل شي
ابوعزيز تعرف المدينه اقريبه من سويسرا ليكنشتاين
ايه اعرفها لينشينتاين
على بال ماحطيت عيالي ادور على موقف حصلت نفسي طلعت من منها
مافيها ذاك الزود
ولو دخلت ليكنشتاين وانت مامعك فيزا شينقن ماراح ترجع لسويسرا
هذا كلام عفى عليه الزمان لأن سويسرا = شنقين
ابوعزيز ضروري اسحب المدام والاطفال ثانيه والا بعد يرجعون وتروح علينا السفررة
لا مو ضروري انا قلت لهم ماتبون اجيب لكم زوجتي قالوا لالالالالا الله يخليك خلها مانبيها وسلم لنا على اوباما ههه
ان شاء الله ما تحتاج ابد تاخذ العائلة الكريمة
وان شاء الله تتسهل الأمور

ابوو يوسف

20-06-2022 - 05:27 am

والله يا اخوان على عكس الذي تقولون عن السفارة السويسرية بصراحة لدرجة اني ما جاء على
بالي اني استخرجها بنفسي ما كنت افكر الا في مكتب يستخرجها لي بأقل سعر وكان اقل سعر 850 ولي ثلاث اشخاص
يطلع 2500 على الأقل ولكن عزمت ان اخلصها بنفسي وخلت اوراقي وذهب في الأحد الماضي الى القنصليه السويسرية
في جدة وكان ما في زحمة وكان الموظف رجل مغربي حبيب بكل صراحة ولا ارى منه الا سوى تطبيق
النظام وبالو وسيع خلصت اوراقي وقالي اتصل بي بعد عشر ايام قبل ان تأتي لترى هل التأشيرة جاهزة ام لا .............
وسأكتب بإذن الله عن تجربتي مع القنصليه السويسرية بجدة بعد الإجازة

السعاده

20-06-2022 - 06:28 am

ابو عزيز
ليخنشتاين لها فيزة مستقله ماهي من ضمن الشنقن ولابد من دخولها انه الفيزا تكون ملتي للشنقن هم قالوا لي كذا بالسفارة
ممكن ادخلها بس لما ارجع لسويسرا مشكل

aboaziz

20-06-2022 - 07:29 am

السعاده
والله المشكل منها ماشرحت لك ان الوضع مؤقت الا ماتنضم لينخستاين للمنظة العالمية اللي اسمها borderless Europe في نهاية 2009م
ابيها تقرا من الدستور والنظام حقهم ما نصه
Liechtenstein maintains a complete customs union with Switzerland and hence does not issue its own visas: It is represented by Switzerland in embassies around the globe. If you can enter Switzerland, you can enter Liechtenstein Liechtenstein will be abolishing border controls to Austria (EU) sometime in 2009. This means that there will actually be border checks between Switzerland and Liechtenstein as of December 2008, until Liechtenstein joins the borderless Europe sometime in 2009. After this point the agreement will allow for free and unchecked travel into Austria and the EU and again an open border to its partner and neighbor Switzerland.
كلامها صحيح
لكن اكيد مؤقت

amo0on

20-06-2022 - 08:30 am

وانا بعد بالعكس لما جيت اطلع الفيزا في شهر مارس الا فات كان الموظف مغربي وحبوب ويضحك ويسولف بصراحه اوكي يدقق ويشدد بس من حقه لانه ساعدني وتجاوب معاي بصراحه وانا اتكلم عن السفاره السويسريه في الرياض حتى ان في اشياء ماكنت متاكد منها اتصلت عليهم تلفون وحولوني اكلم نفس المغربي وساعدني
الله يسهل امورك وكل تاخيره فيها خيره يارب

سلمكو

20-06-2022 - 09:31 am

السعادة الله يعينك
ممكن اخدمك انا فيه واحد اعرفه بعطيك رقم جواله ويأخذ لك موعد إذا تبي السبت او الاحد بالكثير وش رايك
وعلى العموم انا رحت الاسبوع هذا وكان موعدي الاثنين رحت انا وزوجتي ودخلنا وقابلت اللبنانية واخذت الاوراق وتشيكت عليها وقالت اورااق كاملة وسالت اول مره تروح اوربا وقلت نعم وقالت ابي صورة لك ولزوجتك عاد انا ماخذ الحيطة وحاط صور لي ولزوجتي بالبوك واطلع البوك واعطيها وقلت كل شي اوكي وعطتني ايصال الاستلام الجوازات بعد اسبوعين بالضبط وقالت خلاص تقدر توكل على الله....
المهم يوم كنت عندها كان فيه عائلة مكونه من سبع اشخاص او سته ما ني متاكد المهم كان نافصهم اوراق وراح ابوهم يكمل الباقي والعائلة كانوا جالسين داخل السفارة ومسوين شوي ازعاج ومعصبه منهم البنانية واشوفها تناظرهم وتتكلم بس ما ادري وش تقول بس وااضح انها معصبه عليهم هذا الكلاام يوم الاثنين الساعة 8 صباحا وشكلها حقدة عليهم وعقدت اجراءاتهم!!!!!!!!!
وإن شاء الله ربي بسهل امورك وإذا تبي رقم الرجال بلغني اوكي
وبالتوفيق,,,

سويسرا المسافرون العرب

حسبي الله ونعم الوكيل فيكم يالسفارة السويسريه